Sekaria 8
8
Korowii baɡɛ Jerusalam tena nyoa
1Koranar Bwa Kooro bol waa men Sekaria be ja ŋɔ, 2“N dɛ nyin Jerusalam waa taeh, n sie beɡrɔ kohona mɛɛ mee o wa.
3Mɛɛ berɔɔ ba Jerusalam, bela n Saayɔn Bwejen aa lole dɛ́ ba so. Baa yerɛ Jerusalamee Kasinteŋ Bwɛjen, ásɛ dɛɛ yerɛ men Koranar Bwa Kooro Bwejen la Bwejen Waa Do Goroŋ.”
4Koranar Bwa Kooro ŋɔ, “Banjeni ne hanjeni ta ɛɛ kpoŋe daŋɡbalee, dɛ́ so Jerusalam fɔɡbaahna. 5Bibaala ne bihaahna ɛɛ su bwɛjen la fɔɡbaahnaa, dɛɛ hɛlɛ.
6Nɛra baa ba ka ɡɛ saŋ la ɛɛ ŋɔɔ aa won maɡre, n te be te, aa kpeɡe.
7Mɛɛ lɛ n nɛra baa laɡ ba kaa wee leebɔr ne wee cholibɔr harɛre ta laanee. 8Mɛɛ berɔ ba bane ba so Jerusalam, ásɛ ba ɛ n nɛra, n ɡe ɛ Korowii baa dɛ tom mɛ, ásɛ n nyiŋi ba nɛɛ kasinteŋ ne waa aa toɡra ne.
9He banɔ haa lole taraken nɔ, waa haa dɛ no nɔ ɛ waa n keamere fa aa bola ɡɛ saŋ baa pa n Dea la mun la, he do ɡbemba, ásɛ dɛ ma n Dea la.#Haɡ 2:3-4 10Mɔɔ ba ɛ men Korowii Dea la toma la, dɛ nɛn ɛ toma kɛɛ ba kpɔ kondɛɛre ɛ toma aa, kembɔr toole. Dɛ dɔma nomanta, deŋnesɔɔhna toole, menee ba yoi ne nɛn ne o dɔŋ baah ta. 11Kɛ taraken te, ɡɛ nɛra nɔ ba bini bane aa kaa nɔ, maa ban ɛ ɡɛ n fa aa ɛ banɔ la kpa.
12Koo kondikwa ɛɛ do werii kɛrɛdɛ, ɡrepo daa ɛɛ nɔnɔɔ kohona, komɛlbwa do wer harɛ la ta, ásɛ bwaala nɛ kohona. Gɛ kwaa nɔ bwaa mɛɛ ba kpɔe tɛ he nɛra haa kaa la kɛ kapɛrɛ kwa. 13Gɛ baa taah he Juda ne Israel tena harɛre ta la, ɡɛɛ mɛɛ ba heyaa lɛɛ, ásɛ nɛra che he nɛɛ dɛ́ dɔ wedɛɛɡa. He bɛ ɔmɛ, hé dɔ ɡbemba.”
14Koranar Bwa Kooro ŋɔ, “Gɛ he naawa fa aa ɡela n baah di n lii kɛŋɔ mɛɛ ɛɛ baa wechɔɡaa maa wola ba nɛɛ sune la, 15ɡɛɛ taraken n lii kɛŋɔ ń swee Jerusalam ne Juda tena bwa andɛɛɡa. He bɛ ɔmɛ. 16Waa aa chɛ kɛ he ɛ laanee nɔ, hé bol kasinteŋ dɛɛ tɛ dɔŋa,#Ɛfe 4:25 dɛ nomɛl ne o dɔŋ dɔ waa kɔɔto aa, hé bol a kasinteŋ a ba deŋnesɔɔhna ne, 17he bɛ wechɔɡa lii dɛɛ tɛ dɔŋa, he bɛ ɡel he sie ɛɛ lɛ ŋwɛɛra aa wola kasinteŋ ɛɛ ta. N hah a ɡɛ waa nɔ bwa. Men Nemenɛ Korowiirii bola.”
18Koranar Bwa Kooro bol waa men Sekaria be ja ŋɔ, 19“Nyoa haa dɛ vɔwɛ korobinaarɛ, ne korobinue, ne korobinuanɛ dɛ korobifi ta la, hé kpɔ ɛ tɔpejena dii silɛɛ aa lɔ a ta, dɛ́ tɛ Juda tena. Anomanta, hɛɛ nyin kasinteŋ ne deŋnesɔɔhna.”
20Koranar Bwa Kooro berɔ bol ja ŋɔ, “Nɛra ɡalɡa ne nɛra baa soɡe bwɛjena ta ɛɛ bao tɔpebɛl, 21ásɛ bwɛjen bɛl nɛra la bwɛjen bɛl tena be ka ŋɔ, ‘Hé ɡel ya kaa warane ka tomɛ Koranar Bwa Kooro, dɛ́ soŋo ó swee yaa andɛɛɡa. Hé ɡel ya pɛ kaa.’ 22Nɛra ɡalɡa ne harɛre a nɛra baa dɔ kpeɡri ɛɛ ba Jerusalamee, dɛ́ ba tomɛ Koranar Bwa Kooro, dɛ́ soŋo ó swee ba andɛɛɡa.
23A ɡɛ saŋ la, baala fi ɛɛ le harɛre wobol bɛlbwa binii, dɛ́ ba lawɛ Juu te beŋkpoŋ batakaare nyoa dɛ́ ŋɔ, ‘Gel ya ne he kaa, ya noɔ kɛ Korowii ja he nɛ.’ ”
Currently Selected:
Sekaria 8: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Sekaria 8
8
Korowii baɡɛ Jerusalam tena nyoa
1Koranar Bwa Kooro bol waa men Sekaria be ja ŋɔ, 2“N dɛ nyin Jerusalam waa taeh, n sie beɡrɔ kohona mɛɛ mee o wa.
3Mɛɛ berɔɔ ba Jerusalam, bela n Saayɔn Bwejen aa lole dɛ́ ba so. Baa yerɛ Jerusalamee Kasinteŋ Bwɛjen, ásɛ dɛɛ yerɛ men Koranar Bwa Kooro Bwejen la Bwejen Waa Do Goroŋ.”
4Koranar Bwa Kooro ŋɔ, “Banjeni ne hanjeni ta ɛɛ kpoŋe daŋɡbalee, dɛ́ so Jerusalam fɔɡbaahna. 5Bibaala ne bihaahna ɛɛ su bwɛjen la fɔɡbaahnaa, dɛɛ hɛlɛ.
6Nɛra baa ba ka ɡɛ saŋ la ɛɛ ŋɔɔ aa won maɡre, n te be te, aa kpeɡe.
7Mɛɛ lɛ n nɛra baa laɡ ba kaa wee leebɔr ne wee cholibɔr harɛre ta laanee. 8Mɛɛ berɔ ba bane ba so Jerusalam, ásɛ ba ɛ n nɛra, n ɡe ɛ Korowii baa dɛ tom mɛ, ásɛ n nyiŋi ba nɛɛ kasinteŋ ne waa aa toɡra ne.
9He banɔ haa lole taraken nɔ, waa haa dɛ no nɔ ɛ waa n keamere fa aa bola ɡɛ saŋ baa pa n Dea la mun la, he do ɡbemba, ásɛ dɛ ma n Dea la.#Haɡ 2:3-4 10Mɔɔ ba ɛ men Korowii Dea la toma la, dɛ nɛn ɛ toma kɛɛ ba kpɔ kondɛɛre ɛ toma aa, kembɔr toole. Dɛ dɔma nomanta, deŋnesɔɔhna toole, menee ba yoi ne nɛn ne o dɔŋ baah ta. 11Kɛ taraken te, ɡɛ nɛra nɔ ba bini bane aa kaa nɔ, maa ban ɛ ɡɛ n fa aa ɛ banɔ la kpa.
12Koo kondikwa ɛɛ do werii kɛrɛdɛ, ɡrepo daa ɛɛ nɔnɔɔ kohona, komɛlbwa do wer harɛ la ta, ásɛ bwaala nɛ kohona. Gɛ kwaa nɔ bwaa mɛɛ ba kpɔe tɛ he nɛra haa kaa la kɛ kapɛrɛ kwa. 13Gɛ baa taah he Juda ne Israel tena harɛre ta la, ɡɛɛ mɛɛ ba heyaa lɛɛ, ásɛ nɛra che he nɛɛ dɛ́ dɔ wedɛɛɡa. He bɛ ɔmɛ, hé dɔ ɡbemba.”
14Koranar Bwa Kooro ŋɔ, “Gɛ he naawa fa aa ɡela n baah di n lii kɛŋɔ mɛɛ ɛɛ baa wechɔɡaa maa wola ba nɛɛ sune la, 15ɡɛɛ taraken n lii kɛŋɔ ń swee Jerusalam ne Juda tena bwa andɛɛɡa. He bɛ ɔmɛ. 16Waa aa chɛ kɛ he ɛ laanee nɔ, hé bol kasinteŋ dɛɛ tɛ dɔŋa,#Ɛfe 4:25 dɛ nomɛl ne o dɔŋ dɔ waa kɔɔto aa, hé bol a kasinteŋ a ba deŋnesɔɔhna ne, 17he bɛ wechɔɡa lii dɛɛ tɛ dɔŋa, he bɛ ɡel he sie ɛɛ lɛ ŋwɛɛra aa wola kasinteŋ ɛɛ ta. N hah a ɡɛ waa nɔ bwa. Men Nemenɛ Korowiirii bola.”
18Koranar Bwa Kooro bol waa men Sekaria be ja ŋɔ, 19“Nyoa haa dɛ vɔwɛ korobinaarɛ, ne korobinue, ne korobinuanɛ dɛ korobifi ta la, hé kpɔ ɛ tɔpejena dii silɛɛ aa lɔ a ta, dɛ́ tɛ Juda tena. Anomanta, hɛɛ nyin kasinteŋ ne deŋnesɔɔhna.”
20Koranar Bwa Kooro berɔ bol ja ŋɔ, “Nɛra ɡalɡa ne nɛra baa soɡe bwɛjena ta ɛɛ bao tɔpebɛl, 21ásɛ bwɛjen bɛl nɛra la bwɛjen bɛl tena be ka ŋɔ, ‘Hé ɡel ya kaa warane ka tomɛ Koranar Bwa Kooro, dɛ́ soŋo ó swee yaa andɛɛɡa. Hé ɡel ya pɛ kaa.’ 22Nɛra ɡalɡa ne harɛre a nɛra baa dɔ kpeɡri ɛɛ ba Jerusalamee, dɛ́ ba tomɛ Koranar Bwa Kooro, dɛ́ soŋo ó swee ba andɛɛɡa.
23A ɡɛ saŋ la, baala fi ɛɛ le harɛre wobol bɛlbwa binii, dɛ́ ba lawɛ Juu te beŋkpoŋ batakaare nyoa dɛ́ ŋɔ, ‘Gel ya ne he kaa, ya noɔ kɛ Korowii ja he nɛ.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.