Sekaria 7
7
Nyoa vɔwa wa
1Koojen Dareɔs aa di kora bene anaarɛ ta, korobie anuanaarɛ baa dɛ yerɔ Keslɛv ta, tɔpenaarɛ ta la, Korowii bol waa men Sekaria be. 2Bɛtel tena tomɛ Saresa ne Rɛɡɛm Mɛlɛk dɛ ba nɛra ŋɔ, bá la Nemenɛ Korowii Dea, dɛ́ ka soŋe Korowii, 3dɛ́ bɔɔ sɔfore baa lɔ bela ne Korowii keamere ŋɔ, “A chɛ kɛ yá wi chɔɡa baa chɔɡ Korowii Dea la, dɛ́ vɔwɛ nyoa korobinuete la ta ɡɛ yaa ɛa bene aa baa kaa bwa ta la aa?”#2Ko 25:8
4Asɛ Koranar Bwa Kooro bol waa n be ŋɔ, 5“Bɔɔ harɛ la ta nɛra bwa ne sɔfore la ŋɔ, ‘Haa vɔwɛ nyoa dɛ wi korobinuete ne korobinuanɛte ta bene fifraanuanɛ aa baa kaa ta la, dɛ n waa he koh vɔwɛ nyoa aa? 6Haa di kwaa dɛɛ nyɔ sene la, dɛ he ɡbaɡba silɛɛ waa laa hɛɛ ɛ aa?#1Kɔ 11:20-21 7Gɛ waa nɔɔ Korowii che o keamere baa tɔ sie nɛɛ dɛ bol a saŋ la. Jerusalam ne bwɛɛre aa baro nɛra fa aa soɡe deŋnesɔɔhna ta dɛ dɔ ba te, nɛra su o ta, ne bwɛɛre aa baro bwa ta dɛ do Nɛɡɛv pua hɛŋle ɡbo harɛ dɛ harɛre aa lɔ wee cholibɔr deŋɡarere harɛ ta bwa la.’ ”
8Koranar Bwa Kooro bol waa men Sekaria be ja ŋɔ, 9ń bol o nɛra be ŋɔ “Hɛ́ɛ nyiŋi dɔŋa nɛɛ kasinteŋ ne, dɛ́ dɔ tedoma dɛɛ tɛ dɔŋa dɛɛ ɛ wedɛɛɡa.#Mae 6:8 10He bɛ luhaahna kɛɛ bilalbii kɛɛ nɛŋhɔɔhra kɛɛ nyaara dɛɛ fiiɡi. He bɛ dɔŋa liichɔɡa dɔ.
11Kɛ n nɛra ɛ deŋnekpeɡ dɛ vɛh noe, dɛ berɛ habɔɔ kpo mɛ, dɛ kuuɡi kwaa tɔ deŋne. 12Ba ɡelɔ ba bambile do kpeɡri kɛŋɔ bwe ken, dɛ vɛh waa maa cheɡɛ n Doma ta dɛ bol baɡle n saŋ la keamere la ta teŋa. Anomanta, men Koranar Bwa Kooro baah di ba nɛɛ taeh.
13Gɛ maa bola ba ta noɛ la, ɡɛɛ ba ɡe soŋ mɛ naa, maa wola no. 14N lɔ ba peɡre harɛfala ta kɛŋɔ kawulewule aa lɔ haahra dɛɛ peɡre la ken, bela ba fa aa kaa ɛ hɔɔhra la. Harɛdɛɛɡe la chɔ pɛɛ, nomɛlbwa toole o ta.”
Currently Selected:
Sekaria 7: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Sekaria 7
7
Nyoa vɔwa wa
1Koojen Dareɔs aa di kora bene anaarɛ ta, korobie anuanaarɛ baa dɛ yerɔ Keslɛv ta, tɔpenaarɛ ta la, Korowii bol waa men Sekaria be. 2Bɛtel tena tomɛ Saresa ne Rɛɡɛm Mɛlɛk dɛ ba nɛra ŋɔ, bá la Nemenɛ Korowii Dea, dɛ́ ka soŋe Korowii, 3dɛ́ bɔɔ sɔfore baa lɔ bela ne Korowii keamere ŋɔ, “A chɛ kɛ yá wi chɔɡa baa chɔɡ Korowii Dea la, dɛ́ vɔwɛ nyoa korobinuete la ta ɡɛ yaa ɛa bene aa baa kaa bwa ta la aa?”#2Ko 25:8
4Asɛ Koranar Bwa Kooro bol waa n be ŋɔ, 5“Bɔɔ harɛ la ta nɛra bwa ne sɔfore la ŋɔ, ‘Haa vɔwɛ nyoa dɛ wi korobinuete ne korobinuanɛte ta bene fifraanuanɛ aa baa kaa ta la, dɛ n waa he koh vɔwɛ nyoa aa? 6Haa di kwaa dɛɛ nyɔ sene la, dɛ he ɡbaɡba silɛɛ waa laa hɛɛ ɛ aa?#1Kɔ 11:20-21 7Gɛ waa nɔɔ Korowii che o keamere baa tɔ sie nɛɛ dɛ bol a saŋ la. Jerusalam ne bwɛɛre aa baro nɛra fa aa soɡe deŋnesɔɔhna ta dɛ dɔ ba te, nɛra su o ta, ne bwɛɛre aa baro bwa ta dɛ do Nɛɡɛv pua hɛŋle ɡbo harɛ dɛ harɛre aa lɔ wee cholibɔr deŋɡarere harɛ ta bwa la.’ ”
8Koranar Bwa Kooro bol waa men Sekaria be ja ŋɔ, 9ń bol o nɛra be ŋɔ “Hɛ́ɛ nyiŋi dɔŋa nɛɛ kasinteŋ ne, dɛ́ dɔ tedoma dɛɛ tɛ dɔŋa dɛɛ ɛ wedɛɛɡa.#Mae 6:8 10He bɛ luhaahna kɛɛ bilalbii kɛɛ nɛŋhɔɔhra kɛɛ nyaara dɛɛ fiiɡi. He bɛ dɔŋa liichɔɡa dɔ.
11Kɛ n nɛra ɛ deŋnekpeɡ dɛ vɛh noe, dɛ berɛ habɔɔ kpo mɛ, dɛ kuuɡi kwaa tɔ deŋne. 12Ba ɡelɔ ba bambile do kpeɡri kɛŋɔ bwe ken, dɛ vɛh waa maa cheɡɛ n Doma ta dɛ bol baɡle n saŋ la keamere la ta teŋa. Anomanta, men Koranar Bwa Kooro baah di ba nɛɛ taeh.
13Gɛ maa bola ba ta noɛ la, ɡɛɛ ba ɡe soŋ mɛ naa, maa wola no. 14N lɔ ba peɡre harɛfala ta kɛŋɔ kawulewule aa lɔ haahra dɛɛ peɡre la ken, bela ba fa aa kaa ɛ hɔɔhra la. Harɛdɛɛɡe la chɔ pɛɛ, nomɛlbwa toole o ta.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.