Jesaja 46
46
Dink julle daar is iemand wat soos God is?
1“Bel en Nebo, die gode
van die mense van Babel,
het geval, hulle is dood.
Ander mense sit die gode op diere,
en die diere dra swaar.
2Altwee gode het geval,
hulle kan self niks dra nie,
en die mense vat hulle weg
na 'n ander land.
3“ Nageslag van Jakob,
Israeliete wat nog lewe, luister na wat Ek sê.
Ek het julle gedra vandat julle gebore is.
4Ook wanneer julle oud en grys is,
dan sal Ek julle nog dra.
Ek het julle gemaak
en Ek sal julle dra,
ja, Ek sal julle dra en Ek sal julle red.
5“Wat dink julle, wie is soos Ek
en wie kan doen wat Ek doen?
Wat dink julle, wie is soos Ek?
6Daar is mense wat geld uit hulle sak haal
en silwer weeg op 'n weegskaal.
Hulle betaal 'n ambagsman
om vir hulle 'n god te maak.
Dan buig die mense voor die god
en hulle aanbid hom.
7Hulle tel die god op en hulle dra hom
en sit hom neer.
Die god staan daar en hy kan nie beweeg nie.
Wanneer iemand vir hom vra om te help,
dan antwoord die god hom nie en red hom nie.
8“Israeliete, julle wat opstandig is teen die Here,
julle moet daaraan dink
en julle moet dit goed onthou.
9Julle moet dink aan die dinge
wat lank gelede gebeur het.
Ja, Ek is God, daar is nie 'n ander God nie.
Ek is God, niks is soos Ek nie.
10Dit is Ek wat lank gelede gesê het
wat sal gebeur.
Ek het dit gesê
lank voordat dit gebeur het.
Dit is Ek wat sê Ek het besluit
en dit sal gebeur,
Ek sal doen wat Ek wil doen.
11Dit is Ek wat uit die ooste 'n man geroep het
wat van ver kom soos 'n aasvoël.
Ja, as Ek gesê het iets sal gebeur,
dan gebeur dit.
Ek doen wat Ek besluit het.
12“Israeliete, julle is hardkoppig,
julle doen nie wat reg is nie,
maar julle moet luister na My.
13Ek sal doen wat reg is,
Ek sal dit goed laat gaan met julle,
en dit sal gou gebeur.
Ek sal dit goed laat gaan met Sion,
Ek sal weer trots wees op die Israeliete.”
Currently Selected:
Jesaja 46: ABA
Highlight
Share
Copy
Want to have your highlights saved across all your devices? Sign up or sign in
© Bybelgenootskap van Suid-Afrika 2007. Gebruik met toestemming. Alle regte voorbehou.