A̱ga̱la̱tiyawa 1
1
Byat
1Nung Bulut, nang á̱ ku yorong n gyet a̱ta̱m Yesu a̱ni, nung gwa n dyuut nyin wusika jini, nyin á̱niet khwi nyi shya̱ mi̱ fam a̱byin Ga̱la̱tiya a̱ni. Sot á̱nietbishyi ja ku ma̱ng tyok a̱tyubishyi hwa nang á̱ nkhai nung bah. Da̱ a̱kwonu a̱kya, Yesu Kristi wa ma̱ a̱pyia̱ nggu ma̱ng A̱gwaza a̱ yet A̱tyia̱ a̱ni, a̱ ku ta̱ngam Yesu ma̱ng swuan ma̱ á̱niet ba̱ ka̱n kwi a̱ni; bibya ku khai nung n gyet a̱ta̱m wu.
2A̱mgba̱m á̱niet khwi ba ba̱ shya̱ a̱ji ndung ma̱ng a̱nung a̱ni, ba̱ mun á̱ ta̱m ma̱ng wusika jini da̱ a̱vwuo a̱mgba̱m susot á̱niet khwi ji, ji̱ shya̱ mi̱ fam a̱byin Ga̱la̱tiya a̱ni.
3Yok A̱gwaza a̱ yet A̱tyia̱ nzi̱t wu, ma̱ng Yesu Kristi a̱ yet A̱tyoli nzi̱t wu a̱ni, ba̱ fa̱k shok nyin, a̱wot ba̱ nwuak nyin swat nyinyang. 4Yesu wa ku nwuak swuan nggu ji da̱nian a̱ ka ti̱n nzi̱t a̱ ghwut ndyo ma̱ a̱ka̱tuk nyia̱ nzi̱t wu, ma̱nang A̱gwaza a̱ yet A̱tyia̱ nzi̱t wu ku nda̱p a̱ sak a̱ni. Yesu ku nyia̱ a̱nia, da̱nian a̱ ka san nzi̱t ma̱ a̱ka̱tuk jen wuni nang zi̱ nshya̱ a̱ni. 5Yok dyep ku yet si̱ A̱gwaza ba̱ng si̱ nat sang sangba̱p! Samba̱rka!
Ma̱ A̱sham Nkhang A̱nyiung kya Nshya̱
6Kwot! Ku yet nung kyang nsum hwa nang nyi mbwuot lilyim ma a̱nggang ghwon A̱gwaza a̱ni! Nggu wa ma̱ a̱pyia̱ nggu ku yorong nyin, mat nang Yesu Kristi nfa̱k kunak nyin, a̱ si̱ chat nyin a̱ni. A̱wot nyi bu bwuot lilyim khwi tyiet ghyang ku vwuon ma̱ zan ma̱ng A̱sham Nkhang ka a̱ni! 7A̱tsak a̱lyiat, ma̱ A̱sham Nkhang a̱nyiung kya nshya̱. A̱wot á̱ghyang á̱niet bya chat ba̱ laai nyin ba̱ chyip a̱tsak tyiet wu a̱ yet a̱si̱ Kristi wu a̱ni ma̱ kpa̱a̱t, á̱ tyia̱ zan.
8A̱wot ku nzi̱t, ku a̱ta̱m tswa A̱gwaza a̱ neet Ma A̱gwaza tswazwa a̱ni; ku a̱ghyang á̱niet bai a̱ shei nyin A̱sham Nkhang á̱ghyang ka̱ vwuon ma̱ zan ma̱ng a̱si̱ ka zi̱ ka̱n shei nyin a̱ni; yok A̱gwaza a̱ tyia̱ nggu swuo a̱bung ma̱ a̱nga̱ngak ndong sang sangba̱p!#1:8 Lyuut cha̱chaat: “Yok shyishyi A̱gwaza ji, ji̱ ya nggu!” 9N bu shei ma̱ng a̱nyin ma̱nang zi̱ ka̱n tak ma̱ng a̱nyin a̱ni, ka̱ a̱yin shei A̱sham Nkhang á̱ghyang kang ma̱ng a̱si̱ nang nyi ka̱n san a̱ni, yok A̱gwaza a̱ tyia̱ nggu swuo a̱bung ma̱ a̱nga̱ngak ndong sang sangba̱p!#1:9 Lyuut cha̱chaat: “Yok shyishyi A̱gwaza ji, ji̱ ya nggu!”
10A̱tsak a̱lyiat, n chat á̱nietbishyi bya ba̱ chyin nung bah. N chat A̱gwaza wa a̱ fa̱k nyinyang gu chyin nung! Ki̱ n wa chat á̱nietbishyi bya ba̱ chyin nung, si̱ n gyet a̱tsak a̱khwo Kristi bah.
Bulut Tak nang A̱sham Nkhang ka Neet da̱ a̱vwuo Kristi
11Nyin á̱niet khwi Yesu ba nang n chat a̱ni, n chat nyi lyen; A̱sham Nkhang ka nang n ni̱ shei nyin a̱ni, a̱tyin ka neet ma̱ a̱di̱dam a̱tyubishyi wa bah. 12N ku nsan ka da̱ a̱vwuo a̱tyubishyi kya bah. A̱wot a̱tyubishyi wa ku tyiet nung ka bah. Da̱ a̱kwonu a̱kya, Yesu Kristi wa ma̱ a̱pyia̱ gu tyai nung kaa.
13Nyi lyen tangka̱i a̱tyu a̱ka̱kpa̱t nang n ku ngyet di̱n jen nang n ku nkhwi A̱gwaza ma̱nang A̱yahudawa ba ni̱ nkhwi A̱gwaza a̱ni. A̱wot nyi si̱ bu lyen si̱sak nang n ku nya̱shuk susot á̱niet khwi A̱gwaza ji di̱ mi̱n fa̱k kunak a̱ni. N si̱ nkwan ba̱t ma̱ng a̱mgba̱m chet nung, n di nang n bwuk ma̱ng a̱mba. 14N ku ngya a̱son swak A̱yahudawa ba̱ yet á̱na̱nyiuk nung ba a̱ni ma̱ za̱nzan. N si̱ ntyia̱ a̱lyia̱ ba̱t di̱ khwi taada a̱yaatyia̱ a̱khwop nzi̱t ji cha̱chaat.
15A̱wot, mat a̱gba̱ndang shok A̱gwaza wu, a̱ si̱ khai nung neet nang á̱ ka̱ byin nung bah, a̱ si̱ yorong nung n nyia̱ nggu ta̱m. 16A̱wot ku si̱ myim A̱gwaza, a̱ si̱ tyai Nggwon nggu ka da̱ a̱vwuo nung, da̱nian n ka shei A̱sham Nkhang Yesu ka da̱ a̱vwuo Nnwap na̱ nwai yet A̱yahudawa a̱ni.
Nang ku ndi a̱nia a̱ni, n si̱ nghan chat a̱tyubishyi a̱ beang nung a̱ tyia̱ nung a̱lyiat bah. 17Da̱ nung, n nat Urusha̱lima da̱nian n ka shya̱ a̱yaata̱m Yesu ba, ba̱ bu tyia̱ nung a̱lyiat bah, ku nang ba̱ nshya̱ a̱son nung di̱ yet a̱yaata̱m Yesu ba a̱ni. Da̱ a̱kwonu a̱kya, n ku kin swak nat a̱byin A̱la̱ra̱bawa. Á̱ si̱ labeang bah, n si̱ mbwuok neet a̱ja, n si̱ nat a̱keang Da̱maskut.
18N ku si̱ nyia̱ a̱lyia̱ a̱tat a̱ja, n sii du nat Urusha̱lima, da̱nian n ka fa̱k a̱lyiat da̱ a̱vwuo Siman Bitut#1:18 Lyuut cha̱chaat: Kefat.. N si̱ nyia̱ mam swak ma̱ a̱fwuon nang n shya̱ ndung ma̱ng a̱nggu nang á̱nietchen a̱ni. 19A̱wot ma̱ a̱ta̱m Yesu nang n ku myim ma̱ng a̱nggu a̱ja a̱ni, nggu wa ku yet Yakubu#1:19 Wa̱i a̱lyiat: Yakubu ku mun a̱ yet nggwon Ma̱ryamu kya, a̱wot a̱tyia̱ nggu wu si̱ yet Isuu wa. a̱na̱nyiuk Yesu A̱tyoli nzi̱t wu. 20N shyi a̱zaghyi A̱gwaza, a̱lyiat nani nang n dyuut nyin ndyo mi̱ wusika jini a̱ni, na̱ yet a̱ka̱laa nia bah. A̱tsatsak a̱lyiat wa za̱m.
21Á̱ si̱ labeang bah, n si̱ nat nfam bibyin Suriya ma̱ng Kilikiya. 22Di̱n jen a̱ja, susot á̱niet khwi Yesu ma̱ a̱di̱di̱t ba̱ ku shya̱ mi̱ fam a̱byin Yahudiya hu a̱ni, ba̱ ku lyen nung shansham bah. 23Ba̱ ku fa̱k mi̱ khang nang á̱ghyang á̱niet bwoi tazwa nung kya a̱ni, nyia̱, “Di Bulut, a̱tyu a̱ ku ya̱shuk zi̱t a̱ni; nggu wa ma̱ninika a̱ shei a̱lyiat tazwa nwuak fwuo di̱ Yesu, nang gu ma̱ a̱pyia̱ gu ku kwan a̱ li nang á̱niet khwi ba̱ nwuak fwuo di̱ Yesu a̱ni, bwuk, a̱ si̱ tyak ma̱ng a̱mba.”
24A̱jawa á̱niet khwi ba si̱ kin ta̱bat dyep A̱gwaza, da̱nian kyang nang gu nyia̱ nung dyo a̱ni.
Currently Selected:
A̱ga̱la̱tiyawa 1: TyapNT
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.
A̱ga̱la̱tiyawa 1
1
Byat
1Nung Bulut, nang á̱ ku yorong n gyet a̱ta̱m Yesu a̱ni, nung gwa n dyuut nyin wusika jini, nyin á̱niet khwi nyi shya̱ mi̱ fam a̱byin Ga̱la̱tiya a̱ni. Sot á̱nietbishyi ja ku ma̱ng tyok a̱tyubishyi hwa nang á̱ nkhai nung bah. Da̱ a̱kwonu a̱kya, Yesu Kristi wa ma̱ a̱pyia̱ nggu ma̱ng A̱gwaza a̱ yet A̱tyia̱ a̱ni, a̱ ku ta̱ngam Yesu ma̱ng swuan ma̱ á̱niet ba̱ ka̱n kwi a̱ni; bibya ku khai nung n gyet a̱ta̱m wu.
2A̱mgba̱m á̱niet khwi ba ba̱ shya̱ a̱ji ndung ma̱ng a̱nung a̱ni, ba̱ mun á̱ ta̱m ma̱ng wusika jini da̱ a̱vwuo a̱mgba̱m susot á̱niet khwi ji, ji̱ shya̱ mi̱ fam a̱byin Ga̱la̱tiya a̱ni.
3Yok A̱gwaza a̱ yet A̱tyia̱ nzi̱t wu, ma̱ng Yesu Kristi a̱ yet A̱tyoli nzi̱t wu a̱ni, ba̱ fa̱k shok nyin, a̱wot ba̱ nwuak nyin swat nyinyang. 4Yesu wa ku nwuak swuan nggu ji da̱nian a̱ ka ti̱n nzi̱t a̱ ghwut ndyo ma̱ a̱ka̱tuk nyia̱ nzi̱t wu, ma̱nang A̱gwaza a̱ yet A̱tyia̱ nzi̱t wu ku nda̱p a̱ sak a̱ni. Yesu ku nyia̱ a̱nia, da̱nian a̱ ka san nzi̱t ma̱ a̱ka̱tuk jen wuni nang zi̱ nshya̱ a̱ni. 5Yok dyep ku yet si̱ A̱gwaza ba̱ng si̱ nat sang sangba̱p! Samba̱rka!
Ma̱ A̱sham Nkhang A̱nyiung kya Nshya̱
6Kwot! Ku yet nung kyang nsum hwa nang nyi mbwuot lilyim ma a̱nggang ghwon A̱gwaza a̱ni! Nggu wa ma̱ a̱pyia̱ nggu ku yorong nyin, mat nang Yesu Kristi nfa̱k kunak nyin, a̱ si̱ chat nyin a̱ni. A̱wot nyi bu bwuot lilyim khwi tyiet ghyang ku vwuon ma̱ zan ma̱ng A̱sham Nkhang ka a̱ni! 7A̱tsak a̱lyiat, ma̱ A̱sham Nkhang a̱nyiung kya nshya̱. A̱wot á̱ghyang á̱niet bya chat ba̱ laai nyin ba̱ chyip a̱tsak tyiet wu a̱ yet a̱si̱ Kristi wu a̱ni ma̱ kpa̱a̱t, á̱ tyia̱ zan.
8A̱wot ku nzi̱t, ku a̱ta̱m tswa A̱gwaza a̱ neet Ma A̱gwaza tswazwa a̱ni; ku a̱ghyang á̱niet bai a̱ shei nyin A̱sham Nkhang á̱ghyang ka̱ vwuon ma̱ zan ma̱ng a̱si̱ ka zi̱ ka̱n shei nyin a̱ni; yok A̱gwaza a̱ tyia̱ nggu swuo a̱bung ma̱ a̱nga̱ngak ndong sang sangba̱p!#1:8 Lyuut cha̱chaat: “Yok shyishyi A̱gwaza ji, ji̱ ya nggu!” 9N bu shei ma̱ng a̱nyin ma̱nang zi̱ ka̱n tak ma̱ng a̱nyin a̱ni, ka̱ a̱yin shei A̱sham Nkhang á̱ghyang kang ma̱ng a̱si̱ nang nyi ka̱n san a̱ni, yok A̱gwaza a̱ tyia̱ nggu swuo a̱bung ma̱ a̱nga̱ngak ndong sang sangba̱p!#1:9 Lyuut cha̱chaat: “Yok shyishyi A̱gwaza ji, ji̱ ya nggu!”
10A̱tsak a̱lyiat, n chat á̱nietbishyi bya ba̱ chyin nung bah. N chat A̱gwaza wa a̱ fa̱k nyinyang gu chyin nung! Ki̱ n wa chat á̱nietbishyi bya ba̱ chyin nung, si̱ n gyet a̱tsak a̱khwo Kristi bah.
Bulut Tak nang A̱sham Nkhang ka Neet da̱ a̱vwuo Kristi
11Nyin á̱niet khwi Yesu ba nang n chat a̱ni, n chat nyi lyen; A̱sham Nkhang ka nang n ni̱ shei nyin a̱ni, a̱tyin ka neet ma̱ a̱di̱dam a̱tyubishyi wa bah. 12N ku nsan ka da̱ a̱vwuo a̱tyubishyi kya bah. A̱wot a̱tyubishyi wa ku tyiet nung ka bah. Da̱ a̱kwonu a̱kya, Yesu Kristi wa ma̱ a̱pyia̱ gu tyai nung kaa.
13Nyi lyen tangka̱i a̱tyu a̱ka̱kpa̱t nang n ku ngyet di̱n jen nang n ku nkhwi A̱gwaza ma̱nang A̱yahudawa ba ni̱ nkhwi A̱gwaza a̱ni. A̱wot nyi si̱ bu lyen si̱sak nang n ku nya̱shuk susot á̱niet khwi A̱gwaza ji di̱ mi̱n fa̱k kunak a̱ni. N si̱ nkwan ba̱t ma̱ng a̱mgba̱m chet nung, n di nang n bwuk ma̱ng a̱mba. 14N ku ngya a̱son swak A̱yahudawa ba̱ yet á̱na̱nyiuk nung ba a̱ni ma̱ za̱nzan. N si̱ ntyia̱ a̱lyia̱ ba̱t di̱ khwi taada a̱yaatyia̱ a̱khwop nzi̱t ji cha̱chaat.
15A̱wot, mat a̱gba̱ndang shok A̱gwaza wu, a̱ si̱ khai nung neet nang á̱ ka̱ byin nung bah, a̱ si̱ yorong nung n nyia̱ nggu ta̱m. 16A̱wot ku si̱ myim A̱gwaza, a̱ si̱ tyai Nggwon nggu ka da̱ a̱vwuo nung, da̱nian n ka shei A̱sham Nkhang Yesu ka da̱ a̱vwuo Nnwap na̱ nwai yet A̱yahudawa a̱ni.
Nang ku ndi a̱nia a̱ni, n si̱ nghan chat a̱tyubishyi a̱ beang nung a̱ tyia̱ nung a̱lyiat bah. 17Da̱ nung, n nat Urusha̱lima da̱nian n ka shya̱ a̱yaata̱m Yesu ba, ba̱ bu tyia̱ nung a̱lyiat bah, ku nang ba̱ nshya̱ a̱son nung di̱ yet a̱yaata̱m Yesu ba a̱ni. Da̱ a̱kwonu a̱kya, n ku kin swak nat a̱byin A̱la̱ra̱bawa. Á̱ si̱ labeang bah, n si̱ mbwuok neet a̱ja, n si̱ nat a̱keang Da̱maskut.
18N ku si̱ nyia̱ a̱lyia̱ a̱tat a̱ja, n sii du nat Urusha̱lima, da̱nian n ka fa̱k a̱lyiat da̱ a̱vwuo Siman Bitut#1:18 Lyuut cha̱chaat: Kefat.. N si̱ nyia̱ mam swak ma̱ a̱fwuon nang n shya̱ ndung ma̱ng a̱nggu nang á̱nietchen a̱ni. 19A̱wot ma̱ a̱ta̱m Yesu nang n ku myim ma̱ng a̱nggu a̱ja a̱ni, nggu wa ku yet Yakubu#1:19 Wa̱i a̱lyiat: Yakubu ku mun a̱ yet nggwon Ma̱ryamu kya, a̱wot a̱tyia̱ nggu wu si̱ yet Isuu wa. a̱na̱nyiuk Yesu A̱tyoli nzi̱t wu. 20N shyi a̱zaghyi A̱gwaza, a̱lyiat nani nang n dyuut nyin ndyo mi̱ wusika jini a̱ni, na̱ yet a̱ka̱laa nia bah. A̱tsatsak a̱lyiat wa za̱m.
21Á̱ si̱ labeang bah, n si̱ nat nfam bibyin Suriya ma̱ng Kilikiya. 22Di̱n jen a̱ja, susot á̱niet khwi Yesu ma̱ a̱di̱di̱t ba̱ ku shya̱ mi̱ fam a̱byin Yahudiya hu a̱ni, ba̱ ku lyen nung shansham bah. 23Ba̱ ku fa̱k mi̱ khang nang á̱ghyang á̱niet bwoi tazwa nung kya a̱ni, nyia̱, “Di Bulut, a̱tyu a̱ ku ya̱shuk zi̱t a̱ni; nggu wa ma̱ninika a̱ shei a̱lyiat tazwa nwuak fwuo di̱ Yesu, nang gu ma̱ a̱pyia̱ gu ku kwan a̱ li nang á̱niet khwi ba̱ nwuak fwuo di̱ Yesu a̱ni, bwuk, a̱ si̱ tyak ma̱ng a̱mba.”
24A̱jawa á̱niet khwi ba si̱ kin ta̱bat dyep A̱gwaza, da̱nian kyang nang gu nyia̱ nung dyo a̱ni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.