2 A̱korontiyawa 13
13
Tyiet Ngaan ma̱ng Byat Bulut
1Bai nung huni hwa yet bai a̱ka̱tat hu#13:1 Wa̱i a̱lyiat: Bai a̱ka̱tat hu. Shimba, Bulut ku fa nang “bai nggu hu a̱ka̱tat” mi̱ Korinti tai á̱niet nwuak sheda a̱tat nang doká Musa ji nhyia̱ a̱ni. nang n mbai n byiat nyin a̱ni. Ma̱nang á̱ ndyuut ma̱ A̱lyiat A̱gwaza na a̱ni, nyia̱, “Kuzang bat a̱lyiat, ku yet ta hwa á̱ kpaat hu ma̱ng sheda á̱niet feang ku á̱niet a̱tat, da̱ a̱vwuo á̱niet zop a̱lyiat, á̱ sii nyia̱ shi̱ri̱ya.”#13:1 KDok 19:15. 2Di̱ bai a̱ka̱feang nung hu da̱ a̱vwuo nyin, n ka̱n gba á̱niet ba̱ nyia̱ a̱ka̱tuk nyia̱ di̱n jen a̱ja a̱ni. Ma̱ninika, n bu gba mba ma̱ng a̱mgba̱m á̱ghyang á̱niet ba̱ nyia̱ a̱ka̱tuk nyia̱ a̱ni, ma̱nang n ku nyia̱ di̱n jen ji ji̱ swak a̱ni. N gba mba nyia̱ ka̱ n bu mbai da̱ a̱ka̱tat ka, a̱yin ma̱ mba na shot nyep A̱gwaza hu bah.
3Nang nyi chat nyi li kyang ku tak nang Kristi ndyiat ma̱ nung a̱ni, n na tak nyin hu kpa̱sai. Kristi wu sang chet nang nggu na nnyia̱ nta̱m ma̱ng a̱nyin a̱ni bah. A̱ byia̱ chet ba̱t mami nyin á̱niet khwi nggu ba. 4Ku nang á̱ ku nkpang gu da̱ a̱team a̱khwu di̱ sang chet a̱tyubishyi a̱ni. A̱mgba̱m ma̱ng a̱nia, a̱ shya̱ ma̱ng swuan mat chet A̱gwaza hwa. Nzi̱t meang, zi̱ yet á̱niet sang chet bya, ma̱nang Kristi wu ku nsang chet a̱ni. A̱wot jen nang zi̱ na mbai da̱ a̱vwuo nyin a̱ni, nyi na li nang zi̱ nswuan di̱ mun á̱pyia̱ ma̱ng a̱nggu. A̱wot zi̱ na byia̱ chet A̱gwaza hu.
5Nyi mak á̱pyia̱ nyin nyi ka li, ke nwuak a̱chuchuk nyin hu yet a̱tsatsak wa. Nyi mak á̱pyia̱ nyin. A̱tsak a̱lyiat, nyi lyen nang Yesu Kristi nshya̱ ma̱ nyin#13:5 Ku: “Mami nyin.”, ki̱ di̱ a̱nia wa la? Ka̱ a̱nia wa bah, nyi ka̱n kwa di̱ mak a̱tsatsak nwuak a̱chuchuk nyin hu. 6Ma̱nang nyi mmak á̱pyia̱ nyin a̱ni, n tyia̱ fwuo nyi na fi̱k nang zi̱ nkwa di̱ mak tyok yet á̱tsatsak a̱yaata̱m Kristi hu bah.
7A̱mgba̱m ma̱ng a̱nia, zi̱ naai A̱gwaza gu tyia̱ ki̱ di̱ nyi du nyia̱ a̱ka̱tuk nyia̱, di̱ lak jhyuk nang zi̱ jhyuk nyin a̱ni. N tyia̱ fwuo zi̱ na nyia̱ nyin tyok di̱n jen nang zi̱ mbai da̱ a̱vwuo nyin a̱ni bah.#13:7 Ku: “Di̱ lak jhyuk nang zi̱ jhyuk nyin a̱ni. Da̱nian ku li nang á ngyei á̱ shim zi̱ tak nyin tyok nzi̱t hu bah.” Nyi nyia̱ kyang ku yet a̱tan a̱ni, neet nang zi̱ ka̱n bai bah, ku nang ku li á ngyei zi̱ lat zi̱ tak nyin tyok nzi̱t hu. 8Mat zi̱ byia̱ chet nang zi̱ na nnyia̱ fi̱p ma̱ng a̱chuchuk wu a̱ni bah. A̱wot ku yet ta hwa kuzang jen zi̱ yong chi̱k da̱ a̱chuchuk wu. 9Zi̱ ni̱ gwai ka̱ sang chet nzi̱t hu, na beang nyin nyi byia̱ a̱tsatsak nchet ba̱t. Zi̱ ni̱ naai A̱gwaza, gu tyia̱ nyin nyi yet á̱niet tat á̱ghyi di̱ khwi Yesu hu.
10Huhwa mbyia̱ n dyuut nyin wusika jini neet nang n ka̱n bai bah. N ba̱ng fwuo ka̱ n bai, n na nyep nyin mi̱ chet bah. Mat n chat nyia̱ ta̱m ma̱ng tyok nang Kristi nwuak nung a̱ni, n ka mbeang nyin, n tyia̱ nyin chet, ku yet si̱ nang n na mbi̱ri̱m nyin wa a̱ni bah.
Byat Ngaan Bulut
11Nyin á̱niet khwi Yesu ba nang n chat a̱ni, n chat n ngaan wusika nung ji ma̱ng swáng á̱lyiat jini: Yok, nyi yet á̱niet a̱gwai, nyi mban di̱ yet á̱niet tat á̱ghyi di̱ khwi Yesu hu. Nyi tyei á̱ghyang nyin gba̱gbak. Nyi swan swat nyinyang ma̱ng mun á̱pyia̱ ma̱ng á̱ghyang nyin. Mat a̱nia, A̱gwaza a̱ yet a̱tyu chat á̱niet ma̱ng a̱tyu a̱ nwuat swat nyinyang a̱ni, na shya̱ dundung ma̱ng a̱nyin.
12Nyi byat á̱ghyang nyin mami chat nang á̱niet khwi Kristi a̱ni.#13:12 Lyuut cha̱chaat: “Nyi vwuk á̱ghyang ma̱ng a̱za̱za̱rak vwuk.” 13A̱mgba̱m á̱niet khwi Kristi ba̱ shya̱ a̱ji a̱ni, ba̱ byat nyin.
14Yok shok A̱tyoli Yesu Kristi ji, ma̱ng chat A̱gwaza hu, ma̱ng mun á̱pyia̱ A̱za̱za̱rak Ntswa hu, ba̱ shya̱ dundung ma̱ng a̱nyin a̱mgba̱m.#13:14 Bwan a̱lyiat A̱gwaza ghyang mun a̱da̱dei zwunzwuo 13 ma̱ng 12, a̱wot 14 si̱ bwuak a̱ tyia̱ a̱da̱dei zwunzwuo 13.
Currently Selected:
2 A̱korontiyawa 13: TyapNT
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.
2 A̱korontiyawa 13
13
Tyiet Ngaan ma̱ng Byat Bulut
1Bai nung huni hwa yet bai a̱ka̱tat hu#13:1 Wa̱i a̱lyiat: Bai a̱ka̱tat hu. Shimba, Bulut ku fa nang “bai nggu hu a̱ka̱tat” mi̱ Korinti tai á̱niet nwuak sheda a̱tat nang doká Musa ji nhyia̱ a̱ni. nang n mbai n byiat nyin a̱ni. Ma̱nang á̱ ndyuut ma̱ A̱lyiat A̱gwaza na a̱ni, nyia̱, “Kuzang bat a̱lyiat, ku yet ta hwa á̱ kpaat hu ma̱ng sheda á̱niet feang ku á̱niet a̱tat, da̱ a̱vwuo á̱niet zop a̱lyiat, á̱ sii nyia̱ shi̱ri̱ya.”#13:1 KDok 19:15. 2Di̱ bai a̱ka̱feang nung hu da̱ a̱vwuo nyin, n ka̱n gba á̱niet ba̱ nyia̱ a̱ka̱tuk nyia̱ di̱n jen a̱ja a̱ni. Ma̱ninika, n bu gba mba ma̱ng a̱mgba̱m á̱ghyang á̱niet ba̱ nyia̱ a̱ka̱tuk nyia̱ a̱ni, ma̱nang n ku nyia̱ di̱n jen ji ji̱ swak a̱ni. N gba mba nyia̱ ka̱ n bu mbai da̱ a̱ka̱tat ka, a̱yin ma̱ mba na shot nyep A̱gwaza hu bah.
3Nang nyi chat nyi li kyang ku tak nang Kristi ndyiat ma̱ nung a̱ni, n na tak nyin hu kpa̱sai. Kristi wu sang chet nang nggu na nnyia̱ nta̱m ma̱ng a̱nyin a̱ni bah. A̱ byia̱ chet ba̱t mami nyin á̱niet khwi nggu ba. 4Ku nang á̱ ku nkpang gu da̱ a̱team a̱khwu di̱ sang chet a̱tyubishyi a̱ni. A̱mgba̱m ma̱ng a̱nia, a̱ shya̱ ma̱ng swuan mat chet A̱gwaza hwa. Nzi̱t meang, zi̱ yet á̱niet sang chet bya, ma̱nang Kristi wu ku nsang chet a̱ni. A̱wot jen nang zi̱ na mbai da̱ a̱vwuo nyin a̱ni, nyi na li nang zi̱ nswuan di̱ mun á̱pyia̱ ma̱ng a̱nggu. A̱wot zi̱ na byia̱ chet A̱gwaza hu.
5Nyi mak á̱pyia̱ nyin nyi ka li, ke nwuak a̱chuchuk nyin hu yet a̱tsatsak wa. Nyi mak á̱pyia̱ nyin. A̱tsak a̱lyiat, nyi lyen nang Yesu Kristi nshya̱ ma̱ nyin#13:5 Ku: “Mami nyin.”, ki̱ di̱ a̱nia wa la? Ka̱ a̱nia wa bah, nyi ka̱n kwa di̱ mak a̱tsatsak nwuak a̱chuchuk nyin hu. 6Ma̱nang nyi mmak á̱pyia̱ nyin a̱ni, n tyia̱ fwuo nyi na fi̱k nang zi̱ nkwa di̱ mak tyok yet á̱tsatsak a̱yaata̱m Kristi hu bah.
7A̱mgba̱m ma̱ng a̱nia, zi̱ naai A̱gwaza gu tyia̱ ki̱ di̱ nyi du nyia̱ a̱ka̱tuk nyia̱, di̱ lak jhyuk nang zi̱ jhyuk nyin a̱ni. N tyia̱ fwuo zi̱ na nyia̱ nyin tyok di̱n jen nang zi̱ mbai da̱ a̱vwuo nyin a̱ni bah.#13:7 Ku: “Di̱ lak jhyuk nang zi̱ jhyuk nyin a̱ni. Da̱nian ku li nang á ngyei á̱ shim zi̱ tak nyin tyok nzi̱t hu bah.” Nyi nyia̱ kyang ku yet a̱tan a̱ni, neet nang zi̱ ka̱n bai bah, ku nang ku li á ngyei zi̱ lat zi̱ tak nyin tyok nzi̱t hu. 8Mat zi̱ byia̱ chet nang zi̱ na nnyia̱ fi̱p ma̱ng a̱chuchuk wu a̱ni bah. A̱wot ku yet ta hwa kuzang jen zi̱ yong chi̱k da̱ a̱chuchuk wu. 9Zi̱ ni̱ gwai ka̱ sang chet nzi̱t hu, na beang nyin nyi byia̱ a̱tsatsak nchet ba̱t. Zi̱ ni̱ naai A̱gwaza, gu tyia̱ nyin nyi yet á̱niet tat á̱ghyi di̱ khwi Yesu hu.
10Huhwa mbyia̱ n dyuut nyin wusika jini neet nang n ka̱n bai bah. N ba̱ng fwuo ka̱ n bai, n na nyep nyin mi̱ chet bah. Mat n chat nyia̱ ta̱m ma̱ng tyok nang Kristi nwuak nung a̱ni, n ka mbeang nyin, n tyia̱ nyin chet, ku yet si̱ nang n na mbi̱ri̱m nyin wa a̱ni bah.
Byat Ngaan Bulut
11Nyin á̱niet khwi Yesu ba nang n chat a̱ni, n chat n ngaan wusika nung ji ma̱ng swáng á̱lyiat jini: Yok, nyi yet á̱niet a̱gwai, nyi mban di̱ yet á̱niet tat á̱ghyi di̱ khwi Yesu hu. Nyi tyei á̱ghyang nyin gba̱gbak. Nyi swan swat nyinyang ma̱ng mun á̱pyia̱ ma̱ng á̱ghyang nyin. Mat a̱nia, A̱gwaza a̱ yet a̱tyu chat á̱niet ma̱ng a̱tyu a̱ nwuat swat nyinyang a̱ni, na shya̱ dundung ma̱ng a̱nyin.
12Nyi byat á̱ghyang nyin mami chat nang á̱niet khwi Kristi a̱ni.#13:12 Lyuut cha̱chaat: “Nyi vwuk á̱ghyang ma̱ng a̱za̱za̱rak vwuk.” 13A̱mgba̱m á̱niet khwi Kristi ba̱ shya̱ a̱ji a̱ni, ba̱ byat nyin.
14Yok shok A̱tyoli Yesu Kristi ji, ma̱ng chat A̱gwaza hu, ma̱ng mun á̱pyia̱ A̱za̱za̱rak Ntswa hu, ba̱ shya̱ dundung ma̱ng a̱nyin a̱mgba̱m.#13:14 Bwan a̱lyiat A̱gwaza ghyang mun a̱da̱dei zwunzwuo 13 ma̱ng 12, a̱wot 14 si̱ bwuak a̱ tyia̱ a̱da̱dei zwunzwuo 13.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.