MATTHAI 4
4
Isu thlêma a um
(Mk 1.12-13; Lk 4.1-13)
1 #
Heb 2.18; 4.15 Chu zoa chun Isu chu Diebol thlêma um dingin Thlarauin thlalêrah a ṭhuoi ta a.
2Chun, ni sâwmli le zân sâwmli a nghei hnungin a phîng a hung ṭâm ta a.
3Chun, thlêmtu chu a hung a, a kuomah, “Pathien Naupa i ni chun, hieng lunghai hi beia inchang dingin thu pe rawh,” a ta.
4 #
Dt 8.3
Nisienlakhawm, ama chun, “Mihriem hi bei chauin hring naw ni hai a, Pathien baua thu tin suokin hring lem an tih,” ti ziek a nih, tiin a dawn a.
5Chu zoa chun diebol chun khaw thienghlima chun a ṭhuoi lût a, Pathien biekin sîp zuma chun a sie a;
6 #
Sm 91.11,12 Chun, a kuomah, “Pathien Naupa i ni chun tla thla rawh;
‘I chungchânga chu a vântirkohai chu thu pêng a ta,
An kutin dawm an ti che a,
Chuong naw chun I kein lung sui hlau rawi i tih,’
ti ziek a ni si a,” a ta.
7 #
Dt 6.16
Isûn a kuomah, “ ‘Lalpa i Pathien fie naw,’ ti ziek a ni ve bawk a nih,” a ta.
8Chun, diebol chun tlâng insângtakah a ṭhuoi nâwk a, khawvêl ram po po le a ropuina chu ân entir a.
9A kuomah, “Bawkkhupin chibai i mi bûk chun, hieng po po hi pe vawng ka ti che,” a ta.
10 #
Dt 6.13
Chu phingleh Isûn, “Setan, fe hmang dai rawh; ‘Lalpa i Pathien chibai bûk la, ama rawng chau bâwl rawh,’ ti ziek a nih,” a ta.
11Chu hnunga chun diebol chun a zâmsan ta a. Chun, ngai ta, vântirkohai hungin a rawng an bâwlpêk ta a.
Isu Galili rama rawng a bâwl ṭanna
(Mk 1.14-15; Lk 4.14-15)
12 #
Mt 14.3; Mk 6.17; Lk 3.19-20 Chun, Johan an man ti Isûn a hriet phingleh Galili ramah a fe ta dai a;
13 #
Jn 2.12; 4.15-16; Is 9.1-2 chun, Nazareth a mâksan a, Kapernaumah a um ta zing a, chu chu Zebulun le Naphtali biela dil panga um a nih:
14zâwlnei Isai baua,
15“Dîl tienga Jordan râlah,
Zebulun le Naphtali ram,
Jentailhai Galili;
16Inthim hnuoia ṭhunghai chun var nasatak an hmu a,
Thina hmun le a hlima ṭhunghai chunga chun,
Var a hung suok ta a,”
tia a hril kha a hung tlung theina dingin.
17 #
Mt 3.2
Chu chena inthawk chu Isûn, “Sim ro, vân ram chu a hnai tah,” tiin a hril phut ta a.
Isûn nga mantu hai pali a ko
(Mk 1.16-20; Lk 5.1-11)
18Chun, Galili dil panga a lêng malamin, unau pahni, Simon (Peter an ti chu) a unau Andri leh dila chun lên dêngin a hmu a; nga mantu an ni hrim a.
19Chun, ama chun an kuomah, “Mi zui ro, chuongchun, mihriem mantuin siem ka ti cheu,” a ta.
20Lênhai chu mâksanin an zui nghâl ta a.
21Chutaka inthawk chun a fe pei a, unau dang pahni, Zebedai naupa Jakob le a unau Johan chu, an pa Zebedai kuoma lawngah an lênhai siemṭhain a hmu a, anni chu a ko ta a.
22Chuongchun, lawng le an pa chu an mâksan a, an zui nghâl ta a.
Isûn mipui tamtak ân chûktir
(Lk 6.17-19)
23 #
Mt 9.35; Mk 1.39 Chun, Isûn an inkhawmna inhaia inchûktirin, ram Chanchin Ṭha chu hrilin mihai laia natna tinrêng le hrât nawna tinrêng sukdamin Galili ram po po a fang pei a.
24Chun, Suria ram po poah a chanchin ân thang ta a; chuongchun, mi damnaw po po, damnawna le natna tinrênga nahai, khawhri imanhai, hringawl invawihai, zenghai a kuomah an hung ṭhuoi a, a lo sukdam tâwl a.
25Galili rama inthawk dâm, Deka-poli khuoa inthawk dâm, Jerusalema inthawk dâm, Judai rama inthawk dâmin le Jordan râla inthawk dâm chun mipui nasatakin ama an zui bawk a.
Currently Selected:
MATTHAI 4: HMOVBSI
Highlight
Share
Copy
Want to have your highlights saved across all your devices? Sign up or sign in
Hmar OV (Re-edited) Bible (Millennium) - Pathien Lekhabu Inthieng
Copyright © Bible Society of India, 2016.
Used by permission. All rights reserved worldwide.