MAZMUR 2
2
Raja adi dog Mien Tapa
1Mani bangsa bangsa bisatur an birawan?
Mani daya ndai pekat adi dŭh tipakai?
2 Bara raja birawan,
bara pinguasa ngara samah bipekat rawan TUHAN
ka rawan raja adi-I mien.
3“Ja ata pirupas adŭp ta so kuasa ngara,” ngara nang;
“Ja ata nyirubuh pinyipritah ngara.”
4So takta-I di shorga TUHAN tawŭh
ka nyirimbe pusar ngara adi dŭh biguna.
5Komŭnŭ Ayŭh bakan ngara darŭm baji
ka pitaru ngara ngga riyŭn-I.
6“Di Zion, sandah kudus Ku,” Ayŭh nang,
“Aku mbŭh piguru raja Ku.”
7 “Aku re piagah,” raja nang, “kayuh adi TUHAN mbŭh nang.
Ayŭh nang di aku: “Kuu inŭh anak Ku;
andu ati Aku jadi Sama mu.
8Mite, ka Aku re nggen di kuu sopŭrŭg bangsa;
ndi ong ong re jadi tung jamu.
9 Kuu re pirandŭk ngara pakai sikud basi;
kuu re pirandŭk ngara bada asur keya ka priok tana.’ ”
10Madin dingah pinyibakan ati, angān adi bara raja;
birajar kayuh ati, angān pinguasa ong:
11Bituan di TUHAN ngga taru;
12kimŭtŭr ka mutu ubak ngan ka Ayŭh;
kambŭi dŭh Ayŭh re rikas baji,
ka angān re rasu kabŭs.
Sanang inŭh sopŭrŭg adi tudu Ayŭh yŭn pinyigrindung.
Currently Selected:
MAZMUR 2: TBVONT
Highlight
Share
Copy
Want to have your highlights saved across all your devices? Sign up or sign in
Hakcipta - Today's Biatah Version New Testament © The Bible Society of Malaysia, 2003.