Mika 1
1
1Maganar Ubangiji ta zo wa Mika mutumin Moreshet a zamanin Yotam, da na Ahaz, da kuma na Hezekiya, sarakunan Yahuda, Mika ya ga wahayi a kan Samariya da kuma a kan Urushalima. Ga abin da ya ce.
2Ku ji, ya ku mutane duka,
ki saurara, ya ke duniya da dukan mazauna cikinki,
bari Ubangiji Mai Iko Duka yă zama shaida a kanku,
daga haikalinsa mai tsarki.
Hukunci a kan Samariya da kuma Urushalima
3Duba! Ubangiji yana zuwa daga wurin zamansa;
zai sauko yă taka maɗaukakan wuraren duniya.
4Duwatsu za su narke a ƙarƙashin ƙafafunsa,
kamar kaki a gaban wuta,
kwaruruka kuma za su ɓace,
kamar ruwan da yake gangarowa daga tsauni.
5Duk wannan zai faru saboda laifin Yaƙub,
da kuma zunuban gidan Isra’ila ne.
Mene ne laifin Yaƙub?
Shin, ba Samariya ba ce?
Ina ne maɗaukakan wuraren Yahuda?
Shin, ba Urushalima ba ce?
6“Saboda haka zan mai da Samariya tarin juji,
wurin noman inabi.
Zan zubar da duwatsunta a cikin kwari
in kuma bar harsashin gininta a bayyane.
7Za a ragargaje dukan allolinta;
za a ƙone dukan baye-bayenta na haikali da wuta;
zan lalatar da dukan gumakanta.
Tun da ta wurin karuwanci ne ta tattara su,
ga karuwanci kuma za su koma.”
Kuka da Makoki
8Saboda wannan zan yi baƙin ciki, in yi kuka;
zan yi tafiya ba takalmi, zan tuɓe, in kuma yi tafiya tsirara.
Zan yi kuka kamar dila,
in yi baƙin ciki kamar mujiya.
9Gama raunin Samariya ba mai warkewa ba ne;
ya bazu har Yahuda.
Ya ma kai bakin ƙofar mutanena,
har ma Urushalima da kanta.
10Kada a faɗe shi a Gat;#1.10 Gat ya yi kamar Ibraniyanci na faɗin wani abu.
kada ma a yi kuka.#1.10 Da Ibraniyanci; Seftuwajin iya nufin ba a Akko ba ya yi kamar Ibraniyanci na kuka.
A maimako haka, a yi birgima a cikin ƙura
a Bet-Leyafra#1.10 Bet Ofra yana nufin gidan laka..
11Ku wuce tsirara da kuma kunya,
ku mazaunan Shafir#1.11 Shafir yana nufin jin daɗi..
Bet-Ezel tana makoki
domin babu wani daga Za’anan#1.11 Za’anan ya yi kamar Ibraniyanci na fito waje.
da ya fito don yă taimaka.
12Mazaunan Marot#1.12 Marot ya yi kamar Ibraniyanci na ɗaci
sun ƙosa su ga alheri,
amma Ubangiji ya sauko da azaba,
har zuwa ƙofar Urushalima.
13Ku da kuke zama a Lakish,#1.13 Lakish ya yi kamar Ibraniyanci na ƙungiya.
ku ɗaura wa dawakai kekunan yaƙi.
Gama ku kuka fara yin zunubi
a Sihiyona,
gama an sami laifofin Isra’ila
a cikinku.
14Saboda haka za ku ba da kyautan bankwana
ga Moreshet Gat.
Garin Akzib#1.14 Akzib yana nufin yaudara. zai zama abin yaudara
ga sarakunan Isra’ila.
15Ku mazaunan Maresha#1.15 Maresha ya yi kamar Ibraniyanci na mai nasara.
Ubangiji zai kawo wanda zai ci ku da yaƙi.
Sarakunan Isra’ila
za su gudu zuwa Adullam.
16Ku aske kanku ƙwal don makoki,
ku yi wa kanku ƙwalƙwal kamar ungulu.
Gama za a ja ’ya’yan da kuke farin ciki
a kai su bauta.
Currently Selected:
Mika 1: SRK
Highlight
Share
Copy
Want to have your highlights saved across all your devices? Sign up or sign in
Littafi Mai Tsarki, Sabon Rai Don Kowa™
Neman Rubutaccen Izini © 2009, 2020 ta hannun Biblica, Inc.
An yi amfani da izinin Biblica, Inc. Neman izinin nan ya game dukan Duniya.
Hausa Contemporary Bible™
Copyright © 2009, 2020 by Biblica, Inc.
Used with permission. All rights reserved worldwide.