Sailm 85
85
1Bha thusa gràsmhor fàbharach,
a Dhè, dod dhùthaich fhèin;
Bruid Iàcoib thug thu air a h-ais
a-rìs led ghàirdean treun.
2Cionta do phobaill mhaith thu fhèin;
dh’fhalaich thu ’n uile lochd.
3Choisg thu do chorraich uile, ’s thill
on lasan a bha ort.
4Till sinn a-rìs, a Dhia ar slàint’,
is tog do lasan dhinn.
5Am bi do chorraich rinn gu bràth,
’s an sìnear d’fhearg gach linn?
6Nach dèanar leatsa, Dhia nan gràs,
a-rìs ar tabhairt beò,
Gun dèanadh annad gàirdeachas
do phoball fhèin gach lò?
7Taisbein do thròcair dhuinn a-nis,
a Thighearn is a Dhè:
Is deònaich dhuinne d’fhurtachd fòs,
’s do shlàinte fhèin gach rè.
8Nis èisdeam ris an nì their Dia:
labhraidh e sìth gu beachd
Ra phoball naomh; ’s na tilleadh iad
a-rìs chum amaideachd.
9Gu dearbh tha chobhair dlùth don dream
don eagal e gu fìor;
Chum glòir a bhith na còmhnaidh fòs,
gu bunaiteach nar tìr.
10Tha tròcair agus fìrinn ghlan
air còmhlachadh a chèil’:
Tha ceartas agus sìochaint mhath
a’ pògadh beul ri beul.
11Is fàsaidh as an talamh fòs
fìrinn a-nìos gu pailt:
Is seallaidh ceart is fìreantachd
o nèamh a-nuas gun airc.
12Is amhlaidh bheir Iehòbhah dhuinn
nì math gu toirbheartach;
Is bheir ar fearann is ar fonn
deagh thoradh trom a-mach.
13Sìor ghluaisidh ceart is fìreantachd
na fhianais-san gu rèidh:
Is sinn air sligh’ a cheumannan
gu dìreach stiùraidh e.
Currently Selected:
Sailm 85: SD1826
Highlight
Share
Copy
Want to have your highlights saved across all your devices? Sign up or sign in
Sailm Dhaibhidh 1826 (le litreachadh ùr 2000)
© Comann Bhìoball na h-Alba (Scottish Bible Society) 2000