Sailm 72
72
1Dhia, thoir do bhreitheanas don rìgh,
is d’fhìreantachd da mhac.
2Bheir esan ceart bhreith air do shluagh,
’s dod bhochdaibh còir nan airc.
3Na slèibhtean àrda bheir a-mach
sìochaint don t-sluagh gu pailt;
Is bheir na tulaich bheaga sìth
le fìreantachd gun airc.
4Air daoinibh bochd’ a’ phobaill fòs,
bheir esan breith gu ceart;
Is clann nan ainnis saoraidh e,
mìn-bhrisidh luchd ain-neart.
5Am feadh bhios grian is gealach ann,
freasdal don là ’s don oidhch’,
Bidh d’eagal orrasan gu mòr,
o linn gu linn a-chaoidh.
6Mar uisge air an fhaiche bhuaint’,
is amhlaidh thig e nuas:
Mar fhrasaibh dh’uisgicheas am fonn,
is ionann sin a ghràs.
7Ra linn-san bidh na fìreanaich
gu h-ùr a’ fàs le blàth:
’S am feadh a bhios a’ ghealach ann,
bidh sìochaint pailt a-ghnàth.
8Bidh uachdranachd aig’ mar an ceudn’
o thuinn gu tuinn gu sìor,
Is ruigidh siud on abhainn mhòir,
gu iomall crìoch gach tìr’.
9Luchd-còmhnaidh fòs an fhàsaich chruaidh
sleuchdaidh iad sìos na làth’r;
A naimhdean imlichidh an ùir,
a’ tabhairt ùmhlachd dha.
10Rìgh Tharsis, is nan eileanan,
tìodhlacan bheir iad uap’,
Bheir rìghrean Shèba, Shaba fòs,
tabhartais dha gu luath.
11Seadh, fòs na fhianais sleuchdaidh sìos
gach rìgh air thalamh tha:
’S gach ginealach air feadh gach tìr,
dha seirbhis nì a-ghnàth.
12An t-ainnis bochd gun chuideachadh,
saoraidh tràth dh’èigheas ris.
13’S nì acarachd ri truaghan bochd’,
is dìonar ’anam leis.
14’S e theasairgeas an anam fòs
o fhoill ’s o fhòirneart gheur:
Is fòs na shùilibh-san gun cheist,
’s prìseil am fuil gu lèir.
15Bithidh e beò gu maireannach,
òr Shèba bheirear dha:
Gnàth-ùrnaigh nìthear air a shon,
is molar e gach là.
16San talamh cuirear dòrlach sìl,
air mullach àrd nam beann;
Is bidh a thoradh trom air chrith,
mar Lebanon nan crann.
An dream a tha sa chathair mhòir,
bidh toradh orr’ is blàth
Gu lìonmhor, mar as dual don fheur
air thalamh fàs a tha.
17Bidh ’ainm-san buan gu suthainn sìor,
co-mhaireann ris a’ ghrèin;
Is annsan beannaichear gach sluagh;
’s beannaichear leo e fhèin.
18Beannaicht’ gu robh an Tighearn Dia
Dia Israeil a-ghnàth,
An tì a-mhàin nì mìorbhailean
le treis is neart a làimh.
19Beannaicht’ gu robh gu sìorraidh buan
ainm glòrmhor uasal fhèin;
Lìonadh a ghlòir gach uile thìr,
Amen, agus Amen!
Currently Selected:
Sailm 72: SD1826
Highlight
Share
Copy
Want to have your highlights saved across all your devices? Sign up or sign in
Sailm Dhaibhidh 1826 (le litreachadh ùr 2000)
© Comann Bhìoball na h-Alba (Scottish Bible Society) 2000
Sailm 72
72
1Dhia, thoir do bhreitheanas don rìgh,
is d’fhìreantachd da mhac.
2Bheir esan ceart bhreith air do shluagh,
’s dod bhochdaibh còir nan airc.
3Na slèibhtean àrda bheir a-mach
sìochaint don t-sluagh gu pailt;
Is bheir na tulaich bheaga sìth
le fìreantachd gun airc.
4Air daoinibh bochd’ a’ phobaill fòs,
bheir esan breith gu ceart;
Is clann nan ainnis saoraidh e,
mìn-bhrisidh luchd ain-neart.
5Am feadh bhios grian is gealach ann,
freasdal don là ’s don oidhch’,
Bidh d’eagal orrasan gu mòr,
o linn gu linn a-chaoidh.
6Mar uisge air an fhaiche bhuaint’,
is amhlaidh thig e nuas:
Mar fhrasaibh dh’uisgicheas am fonn,
is ionann sin a ghràs.
7Ra linn-san bidh na fìreanaich
gu h-ùr a’ fàs le blàth:
’S am feadh a bhios a’ ghealach ann,
bidh sìochaint pailt a-ghnàth.
8Bidh uachdranachd aig’ mar an ceudn’
o thuinn gu tuinn gu sìor,
Is ruigidh siud on abhainn mhòir,
gu iomall crìoch gach tìr’.
9Luchd-còmhnaidh fòs an fhàsaich chruaidh
sleuchdaidh iad sìos na làth’r;
A naimhdean imlichidh an ùir,
a’ tabhairt ùmhlachd dha.
10Rìgh Tharsis, is nan eileanan,
tìodhlacan bheir iad uap’,
Bheir rìghrean Shèba, Shaba fòs,
tabhartais dha gu luath.
11Seadh, fòs na fhianais sleuchdaidh sìos
gach rìgh air thalamh tha:
’S gach ginealach air feadh gach tìr,
dha seirbhis nì a-ghnàth.
12An t-ainnis bochd gun chuideachadh,
saoraidh tràth dh’èigheas ris.
13’S nì acarachd ri truaghan bochd’,
is dìonar ’anam leis.
14’S e theasairgeas an anam fòs
o fhoill ’s o fhòirneart gheur:
Is fòs na shùilibh-san gun cheist,
’s prìseil am fuil gu lèir.
15Bithidh e beò gu maireannach,
òr Shèba bheirear dha:
Gnàth-ùrnaigh nìthear air a shon,
is molar e gach là.
16San talamh cuirear dòrlach sìl,
air mullach àrd nam beann;
Is bidh a thoradh trom air chrith,
mar Lebanon nan crann.
An dream a tha sa chathair mhòir,
bidh toradh orr’ is blàth
Gu lìonmhor, mar as dual don fheur
air thalamh fàs a tha.
17Bidh ’ainm-san buan gu suthainn sìor,
co-mhaireann ris a’ ghrèin;
Is annsan beannaichear gach sluagh;
’s beannaichear leo e fhèin.
18Beannaicht’ gu robh an Tighearn Dia
Dia Israeil a-ghnàth,
An tì a-mhàin nì mìorbhailean
le treis is neart a làimh.
19Beannaicht’ gu robh gu sìorraidh buan
ainm glòrmhor uasal fhèin;
Lìonadh a ghlòir gach uile thìr,
Amen, agus Amen!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sailm Dhaibhidh 1826 (le litreachadh ùr 2000)
© Comann Bhìoball na h-Alba (Scottish Bible Society) 2000