Matayo 25
25
1MPANGA likulaka ja loola lisongane la bamato jom batafoalana l’aende, baambolaki totswa tokiyo, ko baocwa okumana la wengi owa waji. 2Bam’atano baki la wanya, ko bam’atano basambaki wanya. 3Basamba wanya batombaki totswa tokiyo, ko ntabatomb’auta; 4lolonde ba wanya batombaki bauta nda mpoke ikiyo la nda totswa tokiyo. 5Aki wengi otemaka, iy’auma baolok’ais’ilo, ko baoletama. 6Lolo nd’onkeke w’otso, loela lolokana, Bala, wengi aoya, lola, lokumane l’ende. 7Nkako bamat’ako bauma baolemala, ko baoongya totswa tokiyo. 8Ko iy’asamba wanya bakela ba wanya, Lotokaya bauta’akinyo bamo; ele totswa tokiso totutama lofofa. 9Lolo ba wanya baolamba, bakela, Nkina bafaokoka l’iso l’inyo mo! Lokend’ele bateky’auta, ko losomb’akinyo mongo. 10Ak’iy’ocwaka osomba, wengi aoya; ko iy’andelama baolotswa l’ende nd’elambo ea bolongai: koko ekuke eokombama. 11Nd’afeka bamat’ako bamo baoya, bakela, Nkolo, Nkolo, otokomboz’ekuke. 12Lolo aolamba, akela, Nsosolo, nsangel’inyo, mpea inyo. 13Nd’ewela eko, lesanyaka, el’inyo lofea mbile ko la heure.
14Ele likulaka ja loola lile ngole bonto ocwa lokendo nd’ese emo, ko etaki bakwala’akande mongo, ko aolacikela baumba’akae. 15Aocikel’omo talents itano; ko el’omo talents ife; ko bonkina talent emoko; wengi’onto baumba bandeji l’ende; ko aocwa lokendo lokande. 16Koko ondambaki talents itano, aocwa osomb’aoka l’iko, ko aokitol’imo talents itano. 17Nk’eleng’eko ondambaki talents ife aokitola im’ife. 18Lolo ondambaki talent emoko, aocwa ocima nd’amoci, ko aolisa talent ea nkolo ekande. 19Aki elingi olekaka, nkolo ea bakwala’ako aoya, ko aandola baumba l’iyo. 20Ondambaki talents itano aoya, ko aoyela imo talents itano, akela, Nkolo, oncikelaki talents itano, bala nkitolaki imo talents itano. 21Nkolo ekande aolokela, o ngok’olotsi, we bokwala ow’olotsi owa nsosolo; okambaki bolotsi l’isisi ya baumba, njifokila we nda mpifo ea baumba’auke; yotswa nd’ekemo ea nkolo ekawe. 22Koko ondambaki talents ife aoya, akela, Nkolo, oncikelaki talents ife; bala, nkitolaki imo talents ife. 23Nkolo ekande aolokela, O ngok’olotsi, we bokwala ow’olotsi owa nsosolo; okambaki bolotsi l’isisi ya baumba, njifokila we nda mpifo ea baumba’auke: yotswa nd’ekemo ea nkolo ekawe. 24Koko ondambaki talent emoko aoya, akela, Nkolo, nkeaki ole bonto owa boonzwa, omuka nd’itenela iki we ntawona, ko otakanya nd’itenela iki we ntosanzela: 25koko mbangaki, ncwaki oisa talent ekawe nd’amoci: bala, baumba’akawe mongo. 26Nkolo ekande aolamba, akela, We bokwala ow’obe owa mponye, weaki wete mmuka nd’itenela iki’mi ncona, ko ntakanya nd’itenela iki’mi ncisanzela; 27siki wilaki baumba’akami nda banque, ko nd’eyelo ekami njambaki baumba’akami mongo la nkito. 28Nd’ewela eko, lofonol’ende talent, ko lokay’ende oata talents jom. 29Bamo bifokaema el’ende oata, ko ifoat’ouke o mpafula: lolo bifofonol’ende ofoate wae bako baat’ende. 30Koko lusa bokwala osamba nkito nda wilima nd’anza, lilelo ja mpisali la nkesanya e’aino ifoyal’eko.
31Aya Bona ow’onto la bikima bia loola biuma nda jilangi likae, ifokit’ase nda ngwende e’okulaka ea jilangi likande, 32ko banto ba benanga beuma bifotakana nda joso likae; ko ifakafola, elenge ekafola Wesanyi mpate la nta: 33ko ifila mpate nda wiji wa likata likae j’elome, lolo nta nda wiji wa likata ja waji. 34Mpanga bokulaka owa roi akeel’iy’ale nda wiji wa likata j’elome, Iny’asakema l’okako wa Fafa ekami, loyaka, losangole likulaka lindezamaki el’inyo lim’emelo ea bokili: 35eki’mi ndokaki nzala, ko inyo lonkaaki toma; ndokaki mposa, ko lonkaaki basi; nki bofaya, ko londotsweyaki; 36nki botaka, ko londotsaki; ndokaki nkangi, ko lontutaki; nki nd’ilombe ya njanga, ko loyaki el’emi. 37Ko ba liongi bifoamba, bifokela, Nkolo, tokenaki woka nzala ko tokokaaki toma, ko wokaki mposa ko tokokaaki basi, ekeke na? 38Tokenaki we bofaya ko tokotsweyaki; ko oki botaka ko tokolotsaki, ekeke na? 39Tokenaki we la nkangi ko la nd’ilombe ya njanga ko toyaki ele we, ekeke na? 40Bokulaka owa roi ifamba, ifakeel’iyo, Nsosolo, nsangel’inyo, o ngok’inyo okeelaka omo owa bakune’ane’akami basamba lokumo, nk’eleng’eko lonkeelak’emi. 41Lim’ako ifokeel’iy’ale nda wiji wa likata ja waji, Iny’andeji la nsisoza, liman’el’emi, lokenda nda tsa totasilaka tondezama ele Satana la bikima bikande: 42eki’mi ndokaki nzala, ko inyo ntalonkaaki toma; ndokaki mposa, ko inyo ntalonkaaki basi; 43nki bofaya, ntalondotsweyaki; nki botaka, ntalondotsaki; ndokaki nkangi, ko nki nd’ilombe ya njanga, ntaloyaki ontuta. 44Nkako iyo bifoamba, bifokela, Nkolo, tokenaki la nzala la mposa, ko l’ofaya, ko l’otaka, ko la nkangi, ko la nd’ilombe ya njanga, ko iso ntatokokambya, ekeke na? 45Ende ifaamba, ifokela, Nsosolo, nsangel’inyo, o ngok’inyo ntalokeelaka omo owa bant’ane basamba lokumo, nk’eleng’eko ntalonkeelak’emi. 46Bane bifocwa nda nsisoza etasilaka: lolonde ba liongi bifocwa nda loiko lotasilaka.
Currently Selected:
Matayo 25: NTMN58
Highlight
Share
Copy
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.
Matayo 25
25
1MPANGA likulaka ja loola lisongane la bamato jom batafoalana l’aende, baambolaki totswa tokiyo, ko baocwa okumana la wengi owa waji. 2Bam’atano baki la wanya, ko bam’atano basambaki wanya. 3Basamba wanya batombaki totswa tokiyo, ko ntabatomb’auta; 4lolonde ba wanya batombaki bauta nda mpoke ikiyo la nda totswa tokiyo. 5Aki wengi otemaka, iy’auma baolok’ais’ilo, ko baoletama. 6Lolo nd’onkeke w’otso, loela lolokana, Bala, wengi aoya, lola, lokumane l’ende. 7Nkako bamat’ako bauma baolemala, ko baoongya totswa tokiyo. 8Ko iy’asamba wanya bakela ba wanya, Lotokaya bauta’akinyo bamo; ele totswa tokiso totutama lofofa. 9Lolo ba wanya baolamba, bakela, Nkina bafaokoka l’iso l’inyo mo! Lokend’ele bateky’auta, ko losomb’akinyo mongo. 10Ak’iy’ocwaka osomba, wengi aoya; ko iy’andelama baolotswa l’ende nd’elambo ea bolongai: koko ekuke eokombama. 11Nd’afeka bamat’ako bamo baoya, bakela, Nkolo, Nkolo, otokomboz’ekuke. 12Lolo aolamba, akela, Nsosolo, nsangel’inyo, mpea inyo. 13Nd’ewela eko, lesanyaka, el’inyo lofea mbile ko la heure.
14Ele likulaka ja loola lile ngole bonto ocwa lokendo nd’ese emo, ko etaki bakwala’akande mongo, ko aolacikela baumba’akae. 15Aocikel’omo talents itano; ko el’omo talents ife; ko bonkina talent emoko; wengi’onto baumba bandeji l’ende; ko aocwa lokendo lokande. 16Koko ondambaki talents itano, aocwa osomb’aoka l’iko, ko aokitol’imo talents itano. 17Nk’eleng’eko ondambaki talents ife aokitola im’ife. 18Lolo ondambaki talent emoko, aocwa ocima nd’amoci, ko aolisa talent ea nkolo ekande. 19Aki elingi olekaka, nkolo ea bakwala’ako aoya, ko aandola baumba l’iyo. 20Ondambaki talents itano aoya, ko aoyela imo talents itano, akela, Nkolo, oncikelaki talents itano, bala nkitolaki imo talents itano. 21Nkolo ekande aolokela, o ngok’olotsi, we bokwala ow’olotsi owa nsosolo; okambaki bolotsi l’isisi ya baumba, njifokila we nda mpifo ea baumba’auke; yotswa nd’ekemo ea nkolo ekawe. 22Koko ondambaki talents ife aoya, akela, Nkolo, oncikelaki talents ife; bala, nkitolaki imo talents ife. 23Nkolo ekande aolokela, O ngok’olotsi, we bokwala ow’olotsi owa nsosolo; okambaki bolotsi l’isisi ya baumba, njifokila we nda mpifo ea baumba’auke: yotswa nd’ekemo ea nkolo ekawe. 24Koko ondambaki talent emoko aoya, akela, Nkolo, nkeaki ole bonto owa boonzwa, omuka nd’itenela iki we ntawona, ko otakanya nd’itenela iki we ntosanzela: 25koko mbangaki, ncwaki oisa talent ekawe nd’amoci: bala, baumba’akawe mongo. 26Nkolo ekande aolamba, akela, We bokwala ow’obe owa mponye, weaki wete mmuka nd’itenela iki’mi ncona, ko ntakanya nd’itenela iki’mi ncisanzela; 27siki wilaki baumba’akami nda banque, ko nd’eyelo ekami njambaki baumba’akami mongo la nkito. 28Nd’ewela eko, lofonol’ende talent, ko lokay’ende oata talents jom. 29Bamo bifokaema el’ende oata, ko ifoat’ouke o mpafula: lolo bifofonol’ende ofoate wae bako baat’ende. 30Koko lusa bokwala osamba nkito nda wilima nd’anza, lilelo ja mpisali la nkesanya e’aino ifoyal’eko.
31Aya Bona ow’onto la bikima bia loola biuma nda jilangi likae, ifokit’ase nda ngwende e’okulaka ea jilangi likande, 32ko banto ba benanga beuma bifotakana nda joso likae; ko ifakafola, elenge ekafola Wesanyi mpate la nta: 33ko ifila mpate nda wiji wa likata likae j’elome, lolo nta nda wiji wa likata ja waji. 34Mpanga bokulaka owa roi akeel’iy’ale nda wiji wa likata j’elome, Iny’asakema l’okako wa Fafa ekami, loyaka, losangole likulaka lindezamaki el’inyo lim’emelo ea bokili: 35eki’mi ndokaki nzala, ko inyo lonkaaki toma; ndokaki mposa, ko lonkaaki basi; nki bofaya, ko londotsweyaki; 36nki botaka, ko londotsaki; ndokaki nkangi, ko lontutaki; nki nd’ilombe ya njanga, ko loyaki el’emi. 37Ko ba liongi bifoamba, bifokela, Nkolo, tokenaki woka nzala ko tokokaaki toma, ko wokaki mposa ko tokokaaki basi, ekeke na? 38Tokenaki we bofaya ko tokotsweyaki; ko oki botaka ko tokolotsaki, ekeke na? 39Tokenaki we la nkangi ko la nd’ilombe ya njanga ko toyaki ele we, ekeke na? 40Bokulaka owa roi ifamba, ifakeel’iyo, Nsosolo, nsangel’inyo, o ngok’inyo okeelaka omo owa bakune’ane’akami basamba lokumo, nk’eleng’eko lonkeelak’emi. 41Lim’ako ifokeel’iy’ale nda wiji wa likata ja waji, Iny’andeji la nsisoza, liman’el’emi, lokenda nda tsa totasilaka tondezama ele Satana la bikima bikande: 42eki’mi ndokaki nzala, ko inyo ntalonkaaki toma; ndokaki mposa, ko inyo ntalonkaaki basi; 43nki bofaya, ntalondotsweyaki; nki botaka, ntalondotsaki; ndokaki nkangi, ko nki nd’ilombe ya njanga, ntaloyaki ontuta. 44Nkako iyo bifoamba, bifokela, Nkolo, tokenaki la nzala la mposa, ko l’ofaya, ko l’otaka, ko la nkangi, ko la nd’ilombe ya njanga, ko iso ntatokokambya, ekeke na? 45Ende ifaamba, ifokela, Nsosolo, nsangel’inyo, o ngok’inyo ntalokeelaka omo owa bant’ane basamba lokumo, nk’eleng’eko ntalonkeelak’emi. 46Bane bifocwa nda nsisoza etasilaka: lolonde ba liongi bifocwa nda loiko lotasilaka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.