Tõoma 5
5
Ananiyasɩ la a pɔga Asafɩɩra yelle
1Bʋraa n daan boe tɩ a yʋ'ʋrɛ dɛna Ananiyasɩ, tɩ a pɔga yʋ'ʋrɛ dɛna Asafɩɩra. Tɩ ba koose ba va'am, 2tɩ a looge ligri la basɛba sʋgɛ, dee tarɩ lig-sɛba n weege la tarɩ ka bɔ Azezi Tõntõnɩba la. La ẽn ẽŋɛ bɛla la, a pɔga la mi mɛ. 3Tɩ Apɩyɛɛrɩ soke ẽ yetɩ: «Ananiyasɩ, bẽm tɩ Asũtãana kẽ fʋ sũurum, tɩ fʋ parɩm bɔ Nawẽnnɛ Sɩa, looge fʋ va'am na tɩ fʋ koose la ligri basɛba sʋgɛ? 4Fõn nãn ka koose nɩ ẽ na, a de la fʋ bõnɔ. Fõn koose la mẽ, fʋ tã wʋn ẽŋɛ fʋ yɛm n boorɩ se'em mɛ. Bẽm n ẽŋɛ tɩ fõn tẽ'esɛ fʋ sũurum ẽŋɛ yel-ẽna wã? Fʋ ka parɩm bɔ nẽrsaala, fʋ parɩm bɔ la Nawẽnnɛ.» 5Ananiyasɩ n wõm yetɔg-ẽna la, a lui la tẽŋa ki. La sɛba wuu n wõm bõn-ẽna la, dabeem n kẽ ba. 6Tɩ budib-paalsɩ isge dɩkɛ ẽ põbɛ, zɛ sẽŋɛ ka laagɛ.
7Tɩ la ẽŋɛ fẽe masɛ wʋ karf-atã, tɩ a pɔga mẽ wa'am, la a ka bãŋɛ bõn-sɛka n ẽŋɛ la. 8Tɩ Apɩyɛɛrɩ soke ẽ yetɩ: «Yele ma, yãma n koose ya va'am na, ligri la wuu n wãna bɩɩ?» Tɩ a lerge yetɩ: «Ẽe! Ba wuu n bɛla.» 9Tɩ Apɩyɛɛrɩ yele ẽ yetɩ: «Bẽm n ẽŋɛ tɩ ya ẽŋɛ nõorɛ ayɩla tɩ ya makɛ Zuudãana Nawẽnnɛ Sɩa bɩsɛ? Bãŋɛ tɩ sɛba n laagɛ fʋ sɩra la boe la zanõrʋm. Ba wʋn zɛ fʋ mẽ yese.» 10Tɩ pɔka la kɔ'ɔn lui tẽŋa ki Apɩyɛɛrɩ nẽŋam. Tɩ budib-paalsɩ la kẽ'em wa yẽ tɩ a ki mɛ, tɩ ba dɩkɛ ẽ sẽŋɛ ka laagɛ yɛglɛ a sɩra la. 11Tɩ dabeem daan kẽ Azezi nẽrba la wuu, la sɛba wuu n wõm bõn-ẽna la.
Azezi Tõntõnɩba la tõnnɩ la tõon-yãlma
12Tɩ Azezi Tõntõnɩba la tõm tõon-yãlma, la yel-kɩrsɩ zozo'e nẽrba la wuu sʋkam. Tɩ sɛba n bɔ Azezi sɩra la lagsɛ taaba la yɛm ayɩla, zẽ'e-sɛka tɩ ba wi'iri tɩ «Asalomõ võnana» la. 13Tɩ sɛba n ka bɔ ẽ sɩra la ka sakɛ lagɩm na ba, la nẽrba pẽgrɩ Azezi nẽrba la mɛ zozo'e. 14La bʋraasɩ la pɔgsɩ zozo'e n daan bɔ'ɔrɩ Zuudãana Azezi sɩra pa'asra a nẽr-kʋʋŋɔ la pʋam. 15Halɩ tɩ nẽrba tara bã'adõma sẽnna gã'ata sorɔɔrɔ zuto bõn-gã'ala pʋam, tɩ Apɩyɛɛrɩ sãn wa dɔla bilam zẽ'a tɔlla, a yinyisŋa lile ba tɩ ba yẽ ĩmã'asʋm. 16Tɩ nẽrba zozo'e yese tẽn-sɛba n gilge Zerizalɛm na tarɩ bã'adõma, la sɛba tɩ kʋlkã'arsɩ dolɩ ba wa'am. La ba wuu yẽ ĩmã'asʋm mɛ.
Azezi Tõntõnɩba nãmsgɔ yelle
17Tɩ kãabgɔ kẽma nẽŋadãana, la sɛba n de Saduse dõma n boe a zẽ'am na, daan isge ɩta sũure, 18yõgɛ Azezi Tõntõnɩba la kẽ'esɛ ba yʋ'a deego pʋam. 19Tɩ Nawẽnnɛ malɛka sẽŋɛ yʋ'ʋŋɔ ka yo'oge yʋ'a deego la nõorɛ, tarɩ ba yese yẽŋa ka yele ba yetɩ: 20«Sẽŋɛ-ya Wẽnde-kãtʋm na ka tɔgɛ vɔm paalga wã yelle wuu bɔ nẽrba la.» 21Ban wõm bɛla la, tɩ ba sẽŋɛ ka kẽ Wẽnde-kãtʋm na bewiine zãsna nẽrba.
Tɩ kãabgɔ kẽma nẽŋadãana la, la sɛba n boe a zẽ'am na, daan wi Zifdõma sarɩyaditba, la ba kẽma wuu tɩ ba lagsɛ taaba. Tɩ ba tõm nẽrba yetɩ, ba sẽŋɛ yʋ'a deem na ka tarɩ Tõntõnɩba la wa'am. 22La ban tõm sɛba la n paagɛ yʋ'a deem na, ba ka yẽ ba, leme wa yele ba yetɩ: 23«Tõma n paagɛ la, tõma yẽ tɩ yʋ'a deego la kʋlɩnsɩ la pagɛ mɛ sõŋa sõŋa, tɩ sɛba n gu'uri la zɛ deego la nõam, tɩ tõma yo'oge ka yẽ nẽra nẽra.» 24La Wẽnde-kãtɛ gu'urba nẽŋadãana, la kãabgɔ kẽma nẽŋadõma la n wõm yel-ẽna la, ba ze la yɛrɩ, tẽ'esra yel-ẽna n de yel-sɛka. 25Tɩ nẽra wa'am wa yele ba yetɩ: «Selse-ya, bʋra-sɛba tɩ ya kẽ'esɛ yʋ'a deego pʋam na ze la Wẽnde-kãtʋm na zãsna nẽrba.» 26Tɩ Wẽnde-kãtɛ la gu'urba nẽŋadãana, la a nẽrba sẽŋɛ ka yõgɛ ba wa'am, dee ka le dãam ba, ba zotɩ mɛ tɩ nẽrba la wʋn lobe ba la kuga.
27Ban tarɩ ba wa'am wa ze'ele ba nẽŋam na, kãabgɔ kẽma nẽŋadãana la soke ba yetɩ: 28«Tõma daan ka yele ya yetɩ, ya da le zãsʋm nẽrba la nẽr-ẽna wã yʋ'ʋrɛ? La bɩsɛ-ya yãma n ẽŋɛ se'em na, yãma zãsŋɔ saagɛ Zerizalɛm wuu mɛ, dee bɔɔra tɩ ya dɩkɛ bʋra-ẽna kũm taalɛ dɔglɛ tõma zuto.» 29Tɩ Apɩyɛɛrɩ la a Tõntõn-taaba la lerge ba yetɩ: «La masɛ mɛ tɩ tõma sakɛ Nawẽnnɛ nõorɛ gãnna nẽrsaalba nõorɛ. 30Nawẽnnɛ tɩ tõma yaabdõma yʋʋn pʋ'ʋsrɩ la n vo'oge Azezi tɩ ya daan ka lablɛ dɔ-puurŋa zuo kʋ la. 31Nawẽnnɛ zẽkɛ ẽ mɛ zĩ'ire a zʋʋgɔ bɔba, botɩ a dɛna nẽŋam dãana la Fãagra bɔ Ɩsrayɛlɩ dõma sore tɩ ba teege yɛm basɛ tõon-be'ero tɩ Nawẽnnɛ basɛ ba tõon-be'ero taalɛ. 32Tõma de la bõn-bãna kaset-dõma, Nawẽnnɛ Sɩa la tɩ a tarɩ bɔ'ɔra nẽr-sɛba n sakrɩ ẽ na, mẽ de la kaset-dãana.»
33Ban wõm yetɔg-ẽna wã la, ba sũure yĩige mɛ halɩ tɩ ba bɔɔra tɩ ba kʋ ba. 34Tɩ bʋraa ayɩla yʋ'ʋrɛ n de Agamalɩyɛlɩ, a de la Farisi nẽra, a zãsnɩ la nẽrba Nawẽnnɛ lɔɔ yɛla, a de la nẽra tɩ ba wuu nannɩ. Tɩ a isge ze'ele nẽrba la n lagsɛ la tẽŋasʋka, bɔ nõorɛ yetɩ, ba yese Tõntõnɩba la yẽŋa tɩ la ẽŋɛ fẽe. Tɩ ba yese ba. 35Tɩ a yele ba yetɩ: «Ɩsrayɛlɩ dõma, guuse ya mẽŋa la yãma n yetɩ ya ẽŋɛ nẽr-bãna wã se'em na. 36La ka yuuge tɩ nẽra ayɩla yʋ'ʋrɛ n de Atedasɩ daan isge zẽkɛ a mẽŋa yetɩ, ẽŋa de la nẽrzuo. Tɩ nẽrba n paagɛ wʋ nẽr-kɔbsnaasɩ daan doose ẽ. Tɩ ba kʋ ẽ, tɩ nẽr-sɛba n daan dolɩ ẽ na wuu wɩrgɛ. Tɩ la lebge zãŋa. 37La bɛla poorʋm, Azudaasɩ n yese Galile mẽ daan isge mɛ nẽrba kãalgɔ wakatɛ, tɩ nẽrba basɛba dɔla ẽ. Tɩ ba kʋ ẽ, tɩ nẽr-sɛba n daan dolɩ ẽ na mẽ wɩrgɛ. 38Bɛla ĩyã, lɛɛlɛ wã mam yetɩ ya mɛ tɩ ya basɛ nẽr-bãna, da kãn ẽŋɛ ba sɛla sɛla. La sãn dɛna nẽrsaalba pʋtẽ'era, la ba tõoma, la wʋn wa lebge zãŋa. 39La, la sãn dɛna Nawẽnnɛ bõnɔ, ya kãn tã'agɛ sã'am ba. Guuse-ya ya mẽŋa, tɩ ya da wa yẽ tɩ ya zɛbrɩ la Nawẽnnɛ.» Tɩ ba sakɛ a yetɔga la, 40dee wi Tõntõnɩba la, tɩ ba wa'am. Tɩ ba botɩ ba wẽ ba, dee yele ba yetɩ: «Da le tɔgɛ-ya Azezi yɛla bɔ nẽrba.» Dee yãŋa basɛ ba yetɩ, ba fõrgɛ. 41Tɩ Tõntõnɩba la yese sarɩyadia zẽ'am na sũ-yẽlga, ban masɛ tɩ ba yẽ nãmsgɔ Azezi ĩyã la. 42La daarɛ woo ba boe la Wẽnde-kãtʋm na, la ba yiɛ pʋam, ken zãsna nẽrba, dee mõola Azezi kõ-yẽlga yetɩ, ẽŋa n de Krisi tɩ Nawẽnnɛ tõm.
Currently Selected:
Tõoma 5: gurDBL
Highlight
Share
Copy
Want to have your highlights saved across all your devices? Sign up or sign in
© 2008, 2010, Wycliffe Bible Translators, Inc. All rights reserved.
Tõoma 5
5
Ananiyasɩ la a pɔga Asafɩɩra yelle
1Bʋraa n daan boe tɩ a yʋ'ʋrɛ dɛna Ananiyasɩ, tɩ a pɔga yʋ'ʋrɛ dɛna Asafɩɩra. Tɩ ba koose ba va'am, 2tɩ a looge ligri la basɛba sʋgɛ, dee tarɩ lig-sɛba n weege la tarɩ ka bɔ Azezi Tõntõnɩba la. La ẽn ẽŋɛ bɛla la, a pɔga la mi mɛ. 3Tɩ Apɩyɛɛrɩ soke ẽ yetɩ: «Ananiyasɩ, bẽm tɩ Asũtãana kẽ fʋ sũurum, tɩ fʋ parɩm bɔ Nawẽnnɛ Sɩa, looge fʋ va'am na tɩ fʋ koose la ligri basɛba sʋgɛ? 4Fõn nãn ka koose nɩ ẽ na, a de la fʋ bõnɔ. Fõn koose la mẽ, fʋ tã wʋn ẽŋɛ fʋ yɛm n boorɩ se'em mɛ. Bẽm n ẽŋɛ tɩ fõn tẽ'esɛ fʋ sũurum ẽŋɛ yel-ẽna wã? Fʋ ka parɩm bɔ nẽrsaala, fʋ parɩm bɔ la Nawẽnnɛ.» 5Ananiyasɩ n wõm yetɔg-ẽna la, a lui la tẽŋa ki. La sɛba wuu n wõm bõn-ẽna la, dabeem n kẽ ba. 6Tɩ budib-paalsɩ isge dɩkɛ ẽ põbɛ, zɛ sẽŋɛ ka laagɛ.
7Tɩ la ẽŋɛ fẽe masɛ wʋ karf-atã, tɩ a pɔga mẽ wa'am, la a ka bãŋɛ bõn-sɛka n ẽŋɛ la. 8Tɩ Apɩyɛɛrɩ soke ẽ yetɩ: «Yele ma, yãma n koose ya va'am na, ligri la wuu n wãna bɩɩ?» Tɩ a lerge yetɩ: «Ẽe! Ba wuu n bɛla.» 9Tɩ Apɩyɛɛrɩ yele ẽ yetɩ: «Bẽm n ẽŋɛ tɩ ya ẽŋɛ nõorɛ ayɩla tɩ ya makɛ Zuudãana Nawẽnnɛ Sɩa bɩsɛ? Bãŋɛ tɩ sɛba n laagɛ fʋ sɩra la boe la zanõrʋm. Ba wʋn zɛ fʋ mẽ yese.» 10Tɩ pɔka la kɔ'ɔn lui tẽŋa ki Apɩyɛɛrɩ nẽŋam. Tɩ budib-paalsɩ la kẽ'em wa yẽ tɩ a ki mɛ, tɩ ba dɩkɛ ẽ sẽŋɛ ka laagɛ yɛglɛ a sɩra la. 11Tɩ dabeem daan kẽ Azezi nẽrba la wuu, la sɛba wuu n wõm bõn-ẽna la.
Azezi Tõntõnɩba la tõnnɩ la tõon-yãlma
12Tɩ Azezi Tõntõnɩba la tõm tõon-yãlma, la yel-kɩrsɩ zozo'e nẽrba la wuu sʋkam. Tɩ sɛba n bɔ Azezi sɩra la lagsɛ taaba la yɛm ayɩla, zẽ'e-sɛka tɩ ba wi'iri tɩ «Asalomõ võnana» la. 13Tɩ sɛba n ka bɔ ẽ sɩra la ka sakɛ lagɩm na ba, la nẽrba pẽgrɩ Azezi nẽrba la mɛ zozo'e. 14La bʋraasɩ la pɔgsɩ zozo'e n daan bɔ'ɔrɩ Zuudãana Azezi sɩra pa'asra a nẽr-kʋʋŋɔ la pʋam. 15Halɩ tɩ nẽrba tara bã'adõma sẽnna gã'ata sorɔɔrɔ zuto bõn-gã'ala pʋam, tɩ Apɩyɛɛrɩ sãn wa dɔla bilam zẽ'a tɔlla, a yinyisŋa lile ba tɩ ba yẽ ĩmã'asʋm. 16Tɩ nẽrba zozo'e yese tẽn-sɛba n gilge Zerizalɛm na tarɩ bã'adõma, la sɛba tɩ kʋlkã'arsɩ dolɩ ba wa'am. La ba wuu yẽ ĩmã'asʋm mɛ.
Azezi Tõntõnɩba nãmsgɔ yelle
17Tɩ kãabgɔ kẽma nẽŋadãana, la sɛba n de Saduse dõma n boe a zẽ'am na, daan isge ɩta sũure, 18yõgɛ Azezi Tõntõnɩba la kẽ'esɛ ba yʋ'a deego pʋam. 19Tɩ Nawẽnnɛ malɛka sẽŋɛ yʋ'ʋŋɔ ka yo'oge yʋ'a deego la nõorɛ, tarɩ ba yese yẽŋa ka yele ba yetɩ: 20«Sẽŋɛ-ya Wẽnde-kãtʋm na ka tɔgɛ vɔm paalga wã yelle wuu bɔ nẽrba la.» 21Ban wõm bɛla la, tɩ ba sẽŋɛ ka kẽ Wẽnde-kãtʋm na bewiine zãsna nẽrba.
Tɩ kãabgɔ kẽma nẽŋadãana la, la sɛba n boe a zẽ'am na, daan wi Zifdõma sarɩyaditba, la ba kẽma wuu tɩ ba lagsɛ taaba. Tɩ ba tõm nẽrba yetɩ, ba sẽŋɛ yʋ'a deem na ka tarɩ Tõntõnɩba la wa'am. 22La ban tõm sɛba la n paagɛ yʋ'a deem na, ba ka yẽ ba, leme wa yele ba yetɩ: 23«Tõma n paagɛ la, tõma yẽ tɩ yʋ'a deego la kʋlɩnsɩ la pagɛ mɛ sõŋa sõŋa, tɩ sɛba n gu'uri la zɛ deego la nõam, tɩ tõma yo'oge ka yẽ nẽra nẽra.» 24La Wẽnde-kãtɛ gu'urba nẽŋadãana, la kãabgɔ kẽma nẽŋadõma la n wõm yel-ẽna la, ba ze la yɛrɩ, tẽ'esra yel-ẽna n de yel-sɛka. 25Tɩ nẽra wa'am wa yele ba yetɩ: «Selse-ya, bʋra-sɛba tɩ ya kẽ'esɛ yʋ'a deego pʋam na ze la Wẽnde-kãtʋm na zãsna nẽrba.» 26Tɩ Wẽnde-kãtɛ la gu'urba nẽŋadãana, la a nẽrba sẽŋɛ ka yõgɛ ba wa'am, dee ka le dãam ba, ba zotɩ mɛ tɩ nẽrba la wʋn lobe ba la kuga.
27Ban tarɩ ba wa'am wa ze'ele ba nẽŋam na, kãabgɔ kẽma nẽŋadãana la soke ba yetɩ: 28«Tõma daan ka yele ya yetɩ, ya da le zãsʋm nẽrba la nẽr-ẽna wã yʋ'ʋrɛ? La bɩsɛ-ya yãma n ẽŋɛ se'em na, yãma zãsŋɔ saagɛ Zerizalɛm wuu mɛ, dee bɔɔra tɩ ya dɩkɛ bʋra-ẽna kũm taalɛ dɔglɛ tõma zuto.» 29Tɩ Apɩyɛɛrɩ la a Tõntõn-taaba la lerge ba yetɩ: «La masɛ mɛ tɩ tõma sakɛ Nawẽnnɛ nõorɛ gãnna nẽrsaalba nõorɛ. 30Nawẽnnɛ tɩ tõma yaabdõma yʋʋn pʋ'ʋsrɩ la n vo'oge Azezi tɩ ya daan ka lablɛ dɔ-puurŋa zuo kʋ la. 31Nawẽnnɛ zẽkɛ ẽ mɛ zĩ'ire a zʋʋgɔ bɔba, botɩ a dɛna nẽŋam dãana la Fãagra bɔ Ɩsrayɛlɩ dõma sore tɩ ba teege yɛm basɛ tõon-be'ero tɩ Nawẽnnɛ basɛ ba tõon-be'ero taalɛ. 32Tõma de la bõn-bãna kaset-dõma, Nawẽnnɛ Sɩa la tɩ a tarɩ bɔ'ɔra nẽr-sɛba n sakrɩ ẽ na, mẽ de la kaset-dãana.»
33Ban wõm yetɔg-ẽna wã la, ba sũure yĩige mɛ halɩ tɩ ba bɔɔra tɩ ba kʋ ba. 34Tɩ bʋraa ayɩla yʋ'ʋrɛ n de Agamalɩyɛlɩ, a de la Farisi nẽra, a zãsnɩ la nẽrba Nawẽnnɛ lɔɔ yɛla, a de la nẽra tɩ ba wuu nannɩ. Tɩ a isge ze'ele nẽrba la n lagsɛ la tẽŋasʋka, bɔ nõorɛ yetɩ, ba yese Tõntõnɩba la yẽŋa tɩ la ẽŋɛ fẽe. Tɩ ba yese ba. 35Tɩ a yele ba yetɩ: «Ɩsrayɛlɩ dõma, guuse ya mẽŋa la yãma n yetɩ ya ẽŋɛ nẽr-bãna wã se'em na. 36La ka yuuge tɩ nẽra ayɩla yʋ'ʋrɛ n de Atedasɩ daan isge zẽkɛ a mẽŋa yetɩ, ẽŋa de la nẽrzuo. Tɩ nẽrba n paagɛ wʋ nẽr-kɔbsnaasɩ daan doose ẽ. Tɩ ba kʋ ẽ, tɩ nẽr-sɛba n daan dolɩ ẽ na wuu wɩrgɛ. Tɩ la lebge zãŋa. 37La bɛla poorʋm, Azudaasɩ n yese Galile mẽ daan isge mɛ nẽrba kãalgɔ wakatɛ, tɩ nẽrba basɛba dɔla ẽ. Tɩ ba kʋ ẽ, tɩ nẽr-sɛba n daan dolɩ ẽ na mẽ wɩrgɛ. 38Bɛla ĩyã, lɛɛlɛ wã mam yetɩ ya mɛ tɩ ya basɛ nẽr-bãna, da kãn ẽŋɛ ba sɛla sɛla. La sãn dɛna nẽrsaalba pʋtẽ'era, la ba tõoma, la wʋn wa lebge zãŋa. 39La, la sãn dɛna Nawẽnnɛ bõnɔ, ya kãn tã'agɛ sã'am ba. Guuse-ya ya mẽŋa, tɩ ya da wa yẽ tɩ ya zɛbrɩ la Nawẽnnɛ.» Tɩ ba sakɛ a yetɔga la, 40dee wi Tõntõnɩba la, tɩ ba wa'am. Tɩ ba botɩ ba wẽ ba, dee yele ba yetɩ: «Da le tɔgɛ-ya Azezi yɛla bɔ nẽrba.» Dee yãŋa basɛ ba yetɩ, ba fõrgɛ. 41Tɩ Tõntõnɩba la yese sarɩyadia zẽ'am na sũ-yẽlga, ban masɛ tɩ ba yẽ nãmsgɔ Azezi ĩyã la. 42La daarɛ woo ba boe la Wẽnde-kãtʋm na, la ba yiɛ pʋam, ken zãsna nẽrba, dee mõola Azezi kõ-yẽlga yetɩ, ẽŋa n de Krisi tɩ Nawẽnnɛ tõm.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, 2010, Wycliffe Bible Translators, Inc. All rights reserved.