Nahum 1
1
1Domsord mot Ninive.
Boka om dei synene Nahum frå Elkosj fekk. #1,1 Elkosj Det er uvisst kvar Nahums heimby låg.
Herren tek hemn over motstandarane sine
2Ein brennhuga, ¬hemnande Gud er Herren,
ja, ein hemnar er Herren ¬og full av harme.
Herren hemner seg ¬på sine motstandarar,
han held på vreiden ¬mot sine fiendar. #2 Mos 20,5; 34,14; Sal 94,1
3Herren er langmodig.
Men hans kraft er stor,
og han lèt ikkje vera å straffa.
Gjennom storm og uver ¬går hans veg,
skyer er støvet under hans fot. #2 Mos 34,7; Sal 18,10
4Han trugar havet ¬og turkar det ut,
alle elvar legg han turre.
Basan og Karmel visnar bort,
Libanons blomeprakt døyr. #2 Mos 14,21; Luk 8,24
5Fjella skjelv for han,
haugane skjek og rivnar.
Jorda bivrar for han,
verda og alle som bur der. #Sal 97,4f; Jer 4,24
6Kven kan stå seg ¬for hans harme,
kven held ut ¬hans brennande vreide?
Hans harme strøymer fram ¬som eld,
og knausane styrtar saman ¬for han. #5 Mos 32,22
7Herren er god, eit vern i naud.
Han tek seg av dei ¬som tyr til han. #Sal 9,10; 2 Tim 2,19
8Men med veldig flaum
gjer han ende på ¬sine motstandarar;
sine fiendar jagar han ut ¬i mørkret.
9Kva emnar de på mot Herren,
han som reint kan gjera ende ¬på dykk?
Nauda kjem ikkje ein gong til. #Sal 2,1f
10Som ihopfletta tornebusker,
som eit knippe med kvister,
som turr halm ¬skal dei brenna opp.
Judas berging og Ninives undergang
11Frå deg gjekk det ut ¬ein mann
som emna på vondskap ¬mot Herren
og hadde vondt i tankar.
# 1,11 I denne bolken vender profeten seg skiftevis til Assyria (v. 11 og 14) og til Juda (v. 12–13 og 2,1–3). # 1,11 ein mann ein av assyrarkongane som ville ta Israel, truleg Sankerib. Sjå 2 Kong 18–19.
12Så seier Herren:
Om dei er aldri så sterke ¬og mange,
skal dei hoggast ned ¬og verta borte.
Og om eg har plaga deg,
skal eg ikkje gjera det meir.
13No vil eg bryta det åk ¬han la på deg,
og slita sund dine lekkjer.
# 1,13 bryta det åk Her seier profeten føreåt at Ninive kjem til å falla. # Jes 9,4; Jer 30,8
14Men dette er Herrens påbod ¬om deg:
Ditt namn skal ikkje ¬leva lenger.
Eg vil rydja ut or ditt gudshus
både utskorne ¬og støypte gudebilete.
Eg vil laga ei grav åt deg,
for du er funnen for lett. #Dan 5,27
Currently Selected:
Nahum 1: N78NN
Highlight
Share
Copy
Want to have your highlights saved across all your devices? Sign up or sign in
© 1978, 1985 by The Norwegian Bible Society (Det Norske Bibelselskap). All rights reserved worldwide. Used by permission through agreement with UBS (United Bible Societies).
© 1978, 1985 Det Norske Bibelselskap. Alle rettar globalt. Brukt med løyve gjennom avtale med UBS (United Bible Societies).