Nahum 2
2
1Sjå, han som ber ¬gledebod,
kjem springande over fjell ¬med bodskap om fred.
Hald dine høgtider, Juda,
og gjer det du har lova!
For aldri meir ¬kjem valdsmannen mot deg,
heilt utrudd er han. #Sal 50,14f; Jes 52,7; Rom 10,15
Stormen over Ninive
2Når ein som vil driva deg bort,
dreg fram imot deg,
hald då vakt i borga,
og hald utkikk langs vegen!
Spenn beltet fast om livet,
ta deg saman og ver sterk!
3– Herren skal atterreisa ¬Jakobs stordom
og Israels velde.
For ransmenn har rana dei
og lagt deira vinhagar aude. –
4Krigarane har raudmåla skjold,
stridsmennene er kledde ¬i skarlak.
Stålet på vognene logar
når han fylkar dei til strid,
og hestane fer uroleg av stad.
5Gjennom gatene ¬rasar vognene fram,
over torga fer dei ¬i susande fart.
Dei ser ut som faklar,
fer att og fram som lyn. #3,2
6Stormennene vert kalla fram;
dei snåvar i farten,
men stormar mot muren,
og skjoldtaket vert reist.
7Portane mot elva ¬vert slegne inn,
og borga skjelv ¬i sine grunnvollar.
8Dei steller henne fram,
kler av henne ¬og fører henne bort.
Jentene hennar ¬vert drivne av stad;
dei klagar som duer
og slår seg for brystet. #2,8 henne Byen Ninive vert skildra som ei dronning. Sml. Jes 47,1.
9Ninive liknar ein dam
som vatnet renn utor.
Dei ropar: «Stogga! Stogga!»
Men ingen kjem att.
10Rana sølv, rana gull!
Her er rikdom utan ende,
ei mengd ¬med allslags dyre ting.
11Tomt og audt og plyndra!
Redde hjarto, vaklande kne,
alle hofter skjelv,
kvart andlet er eldande raudt. #Jes 13,7; Joel 2,6
12Kvar er løvehiet, ¬hola åt ungløvene,
der løve og løvemor gjekk,
og ingen skræmde løveungen? #2,12 hola åt ungløvene Ninive med alt det godset som er røva og finst der.
13Løva røva det ungane trong,
ho drap for løvinnene,
fylte sine hi med rov
og sine holer med fengd. #2,13 Løva bilete på kongen.
14Sjå, eg skal koma over deg,
lyder ordet frå Herren, ¬Allhærs Gud.
Eg lèt vognene dine ¬gå opp i røyk;
dine ungløver ¬skal døy for sverd,
og ditt rov vil eg rydja ¬ut frå jorda.
Røysta åt dine sendebod
skal aldri høyrast meir.
Currently Selected:
Nahum 2: N78NN
Highlight
Share
Copy
Want to have your highlights saved across all your devices? Sign up or sign in
© 1978, 1985 by The Norwegian Bible Society (Det Norske Bibelselskap). All rights reserved worldwide. Used by permission through agreement with UBS (United Bible Societies).
© 1978, 1985 Det Norske Bibelselskap. Alle rettar globalt. Brukt med løyve gjennom avtale med UBS (United Bible Societies).