Forkynnaren 12
12
Tenk på din skapar!
1Tenk på din skapar ¬i ungdoms år,
før dei vonde dagane kjem,
før det lid til dei år ¬då du må seia:
«Eg likar dei ikkje,» #12,1 dei vonde dagane alderdomen.
2før solljos og måne ¬og stjerner mørkjest,
og skyene kjem att ¬etter regnet.
3Då skjelv dei som vaktar huset,
og dei sterke mennene ¬krøkjest.
Dei som mel på kverna, ¬held opp med sitt arbeid,
fordi dei har vorte så få;
og dei som ser ut ¬gjennom gluggane, dimmest. #12,3 dei som vaktar huset armane. #12,3 dei sterke mennene føtene. #12,3 Dei som mel på kverna tennene. #12,3 dei som ser ut gjennom gluggane augo.
4Begge gatedørene vert ¬stengde,
og kvernduren er døyvd;
fuglekvitringa tagnar,
og alle songmøyane ¬vert lågmælte. #12,4 gatedørene øyro.
5Då syter ein for kvar bakke,
og skræmsler lurer på vegen.
Mandeltreet blømer,
grashoppa slepar seg fram,
og kapersen misser si kraft.
For mennesket går ¬til sin evige bustad;
dei som skal gråta, ¬ventar på gata. #12,5 sin evige bustad grava.
6Ja, tenk på din skapar
før sølvsnora slitnar ¬og gullskåla brest,
før krukka går sund ¬attmed kjelda,
og hjulet brotnar ¬og fell i brunnen, #12,6 sølvsnora livstråden. #12,6 gullskåla brest livet vert nedbrote. #12,6 krukka går sund eit nytt bilete på at livet sloknar; krukka som ein skal henta vatn i, fell ned i brunnen av di heisegreia («hjulet») går sund.
7før støvet vender attende ¬til jorda,
og ånda går til Gud, ¬som gav henne. #3,20+
8Berre ideleg fåfengd, ¬seier Forkynnaren;
alt er fåfengd!
Ordtaka åt Forkynnaren
9Forkynnaren var ein vismann, og han gav folket kunnskap. Han grunda og granska og laga mange ordtak. 10Forkynnaren la vinn på å finna gode ord og vendingar og skreiv ned det som er rett og sant.
11Ord av vismenn ¬er som broddar,
fyndord i samling ¬trengjer inn som naglar.
Dei kjem frå ein ¬og same hyrdingen.
# 12,11 ein og same hyrdingen Gud. Sml. 1 Mos 49,24; Sal 23,1.
12Men elles, son min, ¬lat deg åtvara!
Det er ingen ende ¬på all bokskrivinga,
og mykje gransking ¬leitar på kroppen.
13Til sist ¬kan alt samlast i dette:
Ottast Gud, og hald hans bod!
Det bør alle menneske gjera. #Job 28,28
14For Gud ¬skal døma kvar gjerning,
halda dom over alt ¬som er løynt,
anten det er godt eller vondt. #11,9; 2 Kor 5,10
Currently Selected:
Forkynnaren 12: N78NN
Highlight
Share
Copy
Want to have your highlights saved across all your devices? Sign up or sign in
© 1978, 1985 by The Norwegian Bible Society (Det Norske Bibelselskap). All rights reserved worldwide. Used by permission through agreement with UBS (United Bible Societies).
© 1978, 1985 Det Norske Bibelselskap. Alle rettar globalt. Brukt med løyve gjennom avtale med UBS (United Bible Societies).