Amos 2
2
1Så seier Herren:
For tre ugjerningar ¬Moab har gjort,
ja, for fire ¬tek eg ikkje att min dom.
For dei brende Edom-kongens ¬bein til kalk. #Jer 48,1ff
2Men eg sender eld mot Moab,
han skal øyda borgene ¬i Kerijot.
Moabittane skal døy ¬i stridsgny,
medan hærrop lyder ¬og horn gjallar. #2,2 Kerijot by i Moab, aust for Daudehavet. Sml. Jer 48,24.
3Eg rydjar ut han ¬som styrer i landet,
og drep alle hovdingar ¬saman med han,
seier Herren.
Domen over Juda og Israel
4Så seier Herren:
For tre ugjerningar ¬Juda har gjort,
ja, for fire ¬tek eg ikkje att min dom.
For dei vanvørde Herrens lov
og heldt ikkje ¬hans føreskrifter,
men lét seg føra vilt ¬av lygngudane,
som fedrane deira hadde fylgt. #3 Mos 26,14ff; Dom 2,12f; Jes 49,9ff
5Men eg sender eld mot Juda,
han skal øyda borgene ¬i Jerusalem.
6Så seier Herren:
For tre ugjerningar ¬Israel har gjort,
ja, for fire ¬tek eg ikkje att min dom.
For dei sel rettferdige ¬for pengar
og fattigfolk for eit par skor. #8,6
7Dei trakkar småkårsfolks hovud ¬i støvet
og trengjer dei hjelpelause ¬bort frå vegen.
Ein mann og far hans ¬går til same jenta
og vanhelgar såleis ¬mitt heilage namn.
8Dei strekkjer seg ¬på pantsette klede
attmed kvart altar,
og vin som dei har teke i bøter,
drikk dei i huset åt sin Gud. #2 Mos 22,26f
9Og det var då eg
som rudde ut amorittane ¬for dei,
dei som var høge som sedrar
og sterke som eiker.
Eg øydela frukta ovantil
og røtene nedantil. #5 Mos 7,1; Jos 24,8.11f
10Det var eg ¬som førte dykk opp frå Egypt
og leidde dykk i øydemarka ¬i førti år,
så de kunne ta amorittlandet ¬i eige. #3,1; 9,7
11Eg gjorde nokre av sønene ¬dykkar til profetar
og nokre av unggutane dykkar ¬til nasirearar.
Er det ikkje så, de israelittar?
lyder ordet frå Herren. #5 Mos 18,18f; Dom 13,5
12Men de gav nasirearane ¬vin å drikka
og forbaud profetane Πforkynna. #7,12f; Mi 2,6
13Sjå, no lèt eg grunnen ¬skaka under dykk
som under ei vogn full av korn.
14Den lettføtte finn ikkje livd,
den sterke får ikkje ¬bruka si kraft,
og krigaren bergar ikkje sitt liv. #Jer 25,35
15Bogeskyttaren held ¬ikkje stand,
den som er lett på foten, ¬kjem ikkje unna,
og ryttaren bergar ikkje livet.
16Den djervaste av krigarane
skal røma naken den dagen,
lyder ordet frå Herren.
Currently Selected:
Amos 2: N78NN
Highlight
Share
Copy
Want to have your highlights saved across all your devices? Sign up or sign in
© 1978, 1985 by The Norwegian Bible Society (Det Norske Bibelselskap). All rights reserved worldwide. Used by permission through agreement with UBS (United Bible Societies).
© 1978, 1985 Det Norske Bibelselskap. Alle rettar globalt. Brukt med løyve gjennom avtale med UBS (United Bible Societies).