Popular Bible Verses from Bene Efeso 6

Mukwiinga tatutoolwana abantu, sombi tutoolwana ankusu sha mishimu ibiibi ya mwiculu, iyo yeendelesha alimwi icite nkusu, mishimu iyo yeendelesha bantu munshiku shino shili anga ngumunshinshe.

Kamupaila pakucita shintu shoonse ishi. Kunoosenga Lesa kwaamba ayi amucaafwe. Paciindi coonse kamupaila kweelana aMushimu Usalashi mbweenga wamutanjilila. Paceebo ceeco amucenjele, mutatyongooki napaceyi. Lyoonse na mutoopaila, kamupaililako bashomi boonse.

Amufwale shakulwanisha shoonse isho Lesa nshaamupa, kwaamba ayi mukacikoonshe kulwana maano a bucenjeshi bwakwe Satana.

Paceebo ceeco amufwale shakulwanisha isho Lesa nshaamupa, kwaamba ayi mukacikoonshe kulwana cakutaboola pesule pabushiku bwa kushikilwa bubi. Mwaakumanisha kulwana, mulaakushimpa.

Kwiilikaawo, amunyamune lushomo anga ndiyawo ndyeenga mwashimishishako mifwi inyaka mulilo iyo iwaala Satana. Alimwi amunyamune lupulusho anga ncimpoompo cakumutabilishaako alimwi mutambule maswi akwe Lesa kuswa kuMushimu Usalashi ayo eshi abe anga ngumupeeni.

Aboobo amuyume, mufwaale lushinisho anga ngulaamba mubukome. Amufwale bululami anga ncakufwala ca ceela pacaamba. Kulibambila kwanu kwa kushimikila Makani Abotu a luumuno kube anga ninsapato nshemufwala.

Cakweelaako ncakwaamba ayi, nobamakwesu amuyume muMwaami Lesa kwiinda munkusu shakwe shiindaawo.

Malembo akwe Lesa alaamba ayi, “Lemeka baiso abanyoko.” Uyu ngomulawo utaanshi muli kushomesha kwa Mwaami Lesa. Kushomesha uku nkwakwaamba ayi, “Na mwacita boobo, mulaakuba acoolwe mushintu shoonse alimwi akwikala myaaka iinji mucishi.”

Nobaana ceebo mulashoma muMwaami Jesu, mulyeelete kunyumfwila bashali banu mukwiinga cililuleme kucita boobo.