Popular Bible Verses from Ecles 2

Mat häp hin'o tä Dios akäjejlhi, Dios hiw'enho letäfwnhayaj, lehanyhayaj wet lakäjyaj. Wet hin'o tä iwoye lech'isukyaj, Dios hiw'enho yämthilek iskon lhamej m'ayhay wet ihutwek lakäywet, häpkhilek hiw'enho elh tä Dios akäjejlhi. Äpte täjtso häpe m'ak tä m'ak nitälhaye, tet iwoyek õ'fwetaj õ'tsoklhi yafwthi.

¿Atsi m'ak tä is che hin'o iwoye? Is che t'ek wet iyä wet akäjejlhi m'ak tä tälhe lechumet. Äpte ow'en tä täjtso häpe t'at m'ak tä tälhe Dios. Tsi che kahäpeya lham, laj lakäjyaja hin'o wet ihichet'a m'ak che tufw.

Tä paj otetshan t'at ochumtes tä otkwey lhenhay lhäy'e nilhokej m'ak tä owoye, wet oyen tichunhayaja tä chuttshan ochumet. Wet ow'en tä häpe m'ak tä m'ak nitälhaye, tet iwoyek ofwetaj otsoklhi yafwthi. Wet niwohit m'ak che õ'teskanej tä ihonhatena.

M'ak che oyahin wet okäne olhaifwonhit'ahlä, wet otihi t'at ohusek n'okäjyaj che häpe. Okäjejlhi nilhokej ochumtes, wet häp täjtso m'ak tä okatej tä tälho ochumtes.

Eh wet ow'en tä n'otäfwnhayaj tafwaype n'omukwehyaj, tet iwoye isi tä tafwaype honataj.

Häp ahantsaj isej tatelhoy tä ichumyenlhi, mat amukwe inukwe honataj. Tha ohanej tä m'ak at che iyej tehlat iwoye, w'awulhilahchä.

Che hin'o wuj lehusek tä itiyej häp lechumet tä iwoye, lhäy'e lehanyhayaj, lhäy'e letäfwnhayaj, mat tä lepese elh tä isej häpe t'at elh tä nhanayej che tachumlhi'pe. Äpte täjtso häpe m'ak tä m'ak nitälhaye wet äp m'ak tä lhamya tä ni'isa.