Popular Bible Verses from Luki 14

Share

«Kədə əzü kə na gâ ndə əmə â yində abä nə də əyï nə də əwɔ nə də aləvu nə də alaye nə gâ ndə alakobɔ nə, ndje gâ ndə ye də ə̂tə̂ ye â ro əmə, tshə lï lï ndə kə sə tə trawaya nə̂ əmə ne.

Əzü ə̂në tshə za masheyɔ nə̂ ye za gâ pâ əgʉ ye ne ə za äwä əmə za ne, tshə lï lï ndə kə sə tə trawaya nə̂ əmə ne.

Mbrə ə̂në əzü ə̂në tshə mbrə tə̂ ye tə âgbɔ̂ əzü, əndje sə kə mbrə ətshə tə əngʉ əzü, əzü ə̂në tshə mbrə tə̂ ye tə əngʉ əzü, əndje sə kə mbrə ətshə tə âgbɔ̂ əzü.»

Äwä bale ndje, əzü lə takpa tə̂ e ə̂në tshə tshi aərə nə̂ ye nɔ̂ tshi tʉ ne, tshə lï lï ndə kə sə tə trawaya nə̂ əmə ne.

«Əde lə takpa tə̂ e də̂ ə yində kə mbrə əgerə anda ə̂në ə gu gâ lafɔ kɔ, â sə sə gâ tʉ angbʉlînə ndə kə wu ə pa ngendja ə̂në əne sə də nə kɔ ə lï ndə kə mbrə də anda nə nɔ̂ a? Də̂ ne, tshə mbrə kʉtə̂ ə̈nü anda nə â lï lï ndə kə pa tshə mbrə anda nə nɔ̂ ne, azü nɔ̂ ə̂në əndje sə kə wu ətshə, əndje sə kə mɔ ətshə ə pa: “Koshe səye vɔ̂tə̂ kə mbrə anda, â äwä kə pa tshə mbrə anda nə nɔ̂ guta gu ne kɔ!”

Bale, kədə bə mbrə sandaga, bə e də̂ alayïəyo də azü ə̂në ə̈bə̈ ərə tshekotə̂ əndje ndɨ gâ ye kɔ də awurtʉ gâ ndə alayïbula. Tshelə zə sə kə sə də ə̂rû mbrə ə̂në əndje sə sə də ərə ndə kə kirə də nə kə əbə ne. Ndjapä sə kə kirə də nə kə əbə tə̂ alɔ ə̂në aə̂rɔ̂ azü sə kə she nə.»

«Əngbrʉ sə tə ə̂rɔ̂ ərə. Bale, kədə atshɔ əngbrʉ nə kə nglɔ̂ lə nə gâ ye, əzü sə kə ma atâ ndə kə pa tshə kirə də atshɔ nə gâ mandâ nə? Kədə atshɔ əngbrʉ kə kâ lə nə gâ ye, əngbrʉ nə sə sə kə ma ə̈bə̈ ə̂rɔ̂ ərə bale gâ tə̂ ashɔ wala gâ tə̂ kəndɨ ne, ə lï ndə kə pa əndje vɔ ve-e. Əzü ə̂në tshə sə də ətu kə dji də əpʉ, tshə djï!»