Popular Bible Verses from Luki 13

Share

«E prä äwä də awlra ndə kə pa e li lə əngʉ tshelə manda, mbrə ə̂në, mə pa kə e, azü ngbatshe sə kə pra äwä ndə kə li nə, bale əndje to tro.

Ə̈bə̈ yashe sə̂ je ə̂në afrɔ yîrə̂ mbrə̂ tə̂ ye â tshə sə̂ də rəka tə̂ ye ə mâ ə̂ngû grʉvəta amanə vəta. Rəka nə lû ətshə gâ tə̂ nə, äwä kə gbətɔ tshelə ye ndji gûta gü ne. Jezu wû ətshə ə ê ətshə ə pâ kə ətshə ə pa: «Yashe, rəka nə̂ zə nglɔ̂ gâ ye.»

Tshə zâ kəna ye gâ pâ yashe nə â trale tshə gbə̂tɔ tshelə ye ndji â vɔ̂tə̂ kə mbe Ndjapä.

Bale, alabə̈ azü tshe mandânə sə kə sə tə azü tshitshinə â alabə̈ azü tshitshinə sə kə sə tə azü tshe mandânə.»

«Alɔ ə̂në əyïnga anda nə sə kə afɔ ə sə kə tshu manda nə gâ tə̂ nə, e sə kə sə pə mashu. E vɔtə̂ kə da manda ə sə kə pa nə ə pa: “Âgbɔ̂ əzü, krɔ̈ manda kə ä!” Tshə sə kə kirə əpʉ kə e ə pa: “Mə wusə̂ ətshe ə̂në e âfɔ tə̂ nə ə nâ kɔ wu ne!”

Bale ne! Mə pa kə e: kədə e tshi äwä angbrɔ kə mbrə tə̂ e tshi tʉ ne, e sə kə tshu nɔ̂ mata əndje!»

Tshə sə kə kirə əpʉ kə e ə pa: “Mə wusə̂ e wu ne. E gï tə̂ e ngrʉ̂ gashe tə̂ əmə, e-e nɔ̂ də̂ azü kə mbrə nyaka!”

Jezu pâ kwatə̂ye ə pa: «Əgɔngerə nə̂ Ndjapä sə mata yekɔ? Mə yisə̂ nə gâ tə̂ yekɔ? Ə sə mata ə̂ndjî ayɔ ə̂në əɨrɨ nə kə də̂ mutardə kɔ ə̂në ə̈bə̈ əzü zâ ə lû gâ lə kəndɨ nə̂ ye. Ə kô ə mâ tə əgerə ayɔ â ayanu mbrə akomɔ əndje gâ lə ayana nə.»