Popular Bible Verses from Яхъя 14

Share

Мин сезгә тынычлык калдырам, Үз тынычлыгымны сезгә бирәм, әмма Мин биргән тынычлык кешеләр биргәненә охшамаган. Күңелегез борчылмасын һәм курыкмасын.

– Мин – юл, хакыйкать һәм тормыш. Атам янына һәркем бары Минем аша гына килә ала.

Борчылмагыз! Аллаһыга ышаныгыз һәм Миңа ышаныгыз.

Ә Минем исемнән Атам җибәрәчәк Яклаучы – Изге Рух – сезне һәммә нәрсәгә өйрәтер һәм Мин сезгә сөйләгәннәрнең һәммәсен хәтерегезгә төшерер.

Әмерләремне кабул итеп, аларны үтәүче кеше Мине яратадыр. Ә Мине яраткан кешене Атам да яратыр, Мин дә яратырмын һәм аңа Үземне күрсәтермен.

Мин Атамнан сорармын, һәм Ул сезгә бүтән Яклаучы бирер, ул Яклаучы сезнең белән мәңге булыр. Әлеге Яклаучы – Хакыйкать Рухыдыр. Дөнья Аны кабул итә алмый, чөнки Аны күрми һәм белми. Ә сез Аны беләсез, чөнки Ул сезнең күңелегездә, һәм Ул һәрчак сезнең белән булыр.

Минем исемне әйтеп Атамнан нәрсә сорасагыз да, эшләрмен, һәм Углы шулай Атасының данын арттырыр. Исемемне әйтеп нәрсә сорасагыз да – эшләрмен.

Әгәр Мине яратсагыз, әмерләремне үтәрсез.

Атам йортында урын күп. Әгәр шулай булмаса, сезгә урын әзерләргә барам, дип әйтер идеммени?

Барып урын әзерләгәч, сез дә минем янда булсын өчен, кабат килеп сезне Үзем белән алып китәрмен.

Шулвакыт Томас: – Хакимем! Синең кайда китүең безгә билгесез, шулай булгач, анда барыр юлны каян белербез? – диде Гайсәгә.