Popular Bible Verses from Yahya 1

Share

Konang sarea tau ade tarima Diri, yanansi tau-tau ade nyadu lako Diri, yabeang hak ling Diri umin dadi anak-anak Alatala.

Pang waya ade mula, sanopoka dunia yasanadi, Diri ade yasepan Firman kamo ada. Firman nan ada barema-rema ke Alatala, ke Firman nan yanansi Alatala.

Mengas nan selis caya pang dalam ungkap, ke ungkap nan no bauʼ sapeda mengas nan.

Diri ade yasepan Firman nan kamo dadi manusia, ke tedu pang tenga-tenga kita. Ke kamo tugita kamulia Diri ade ka yatarima ling Diri, apaling Diri Anak mesa ade datang kalis Bapak. Diri sangita kabalong Alatala ade yabeang kewa ora-ora ke sarea ade benar luk Alatala.

Sarea luk yasanadi ola Diri ade yasepan Firman nan, ke kalis sarea ade ada, nonda sanompo luk ade nongka yasanadi ola Diri. Diri nan asal katelas, ke Diri mo ade beang mengas lako manusia.

Marang nawar Nabi Yahya gita Isa datang tata pang diri, ke beling Nabi Yahya, "Gita! Nan nya Diri, Anak Doma Alatala ade baeng sangilang dosa dunia ta.

Diri ada pang dalam dunia, konang manaling dunia yasanadi ola Diri, dunia no to rua Diri. Diri datang ko negeri Diri, konang nongka yatarima ling bangsa Diri.

Mengas ade tutu-tutu nan kamo datang ko dalam dunia, yanansi Diri ade yasepan Firman nan ade samengas sarea manusia.

Kitab Suci Taurat yabeang ola Nabi Musa, konang kabalong Alatala ade yabeang kewa ora-ora, ke apa ade benar luk Alatala yasanyata ola Isa Al Masih.