Popular Bible Verses from Matai 2

Share

Balinkwingila nnyumba, balinkumbona umwana pamopene na Maria unna. Popapo balinkufugama pasi, balinkumbungulukila; abene bo basakwile ifyuma fyabo, balikunninga ifyabupe, golide, lubani na mira.

Bo apapigwe Yesu nkaya ka Betelehemu nkisu kya muYudai, mmasiku ga ntemi Herodi, popapo balinkuboneka muYerusalemu abamanyandondwa aba bafumile kubusokelo ilisuba, balinkuti, “Ali kugu umalafyale gwa baYuda umpapigwa lilino? Namanga tulubwene ulutondwa lwake kubusokelo ilisuba, twisile kukubunguluka kumyake.”

Lelo bo balubwene ulutondwa, popapo balinkuya nulusekelo ulukulumba fiyo.

Bo basokigwe munjosi ukuti bangagomokelaga kwa Herodi, balinkwenda injila iyingi ukubuka kumyabo. Lelo bo babukile, po ugwandumi gwa Ntwa alinkunsetukila Yosefu munjosi alinkuti, “Sumukaga, umwegege umwana nunna, uyongelege nkisu kya Egiputi, ukayege mumo ukwisakufika papo nisakukubulaga; namanga Herodi ikuya pakundonda umwana ukuti angoge.”