Popular Bible Verses from Ta̤htû̌sò̌ǐ 143

Share

Na mî̌ hecǒmaradû̌ akhû̌akhî, pwǐ na sò̌yṳ noma̤ henu sû̌ǐtòwòǐ he. Nayola htě a ma̤bwǐma̤sîrî kònu a sûcû̌ tû̌ta he dě klè̌cǒklè̌tè̤ nî̌.

He nǎla̤ǐ dě naǒ akhû̌akhî, pṳ̂̌wo̤wo̤꤮ ǐ gènè̤htò̌ he ta nata̤mo̤ǐ htě ahǎbòjò tò̤nu. He ǐlò̤ hena̤ dě nacǔdekû hǒ akhû̌akhî, he tobǎ ma̤ hî̌tènu yṳ̂klè̌nè̌klò he.

Kǒ Cǒmara tûjûpwa̤, ma̤lû̌htò̌ge he dě pwa̤sò̌khě he toǒ acǔdekû. He khlè̌hè ǒtûdû dě naǒ.

Kǒ Cǒmara tûjûpwa̤, dě ta̤bè̌dubè̌na̤ nami̤sîrîdû̌sîrîhtû ayanu, ǐ ǒhtûpwa̤po̤ he. Nacǒnatè̤ akhû̌akhî, ma̤lû̌htò̌ he ta ta̤pò̤ta̤sha.

Kǒ Cǒmara tûjûpwa̤, gana̤de kû̌ heta̤kwisaba, heta̤kwigwèbǎǐhtò̌ na ta̤ma̤jè htǒo. Nacǒtè̤ ta nayo̤, na ǒ ta ta̤cǒta̤tè̤ akhû̌akhî, kǒshǔ mò̌ he.

Kǒ Cǒmara tûjûpwa̤, he sò̌phlǒpî̌ mè̤mè̤̌ akhû̌akhî, kǒshǔ mò̌ he. Kè̌khǒkè pûma̤ he ma̤. Dèmè̤tò̤ hî̌mî̌, he sǒsǒkè pwǎ ta kòyò htě a lòte̤ dě lṳnǎkhwǎdokûnu tapwa̤.

He gènè̤htò̌nṳ mṳni̤mṳsa htě atûlû̌htonu toǒ. He gènè̤ǐ lǒ̤꤮ bò ta̤ htě na ma̤htonu toǒ. He gènè̤ te̤mǎ lǒ̤꤮ bò ta̤ htě na ma̤ yǎta nacǔdenu toǒ.