E Ssé ka lɔgɔ́ yé ńnuŋe pwɔ́’ pá’ metse mé ge sɔg menò tepòŋ pʉ̀a pie pɔ́ záb ntʉ́m ná yé Kristo. Pá’ nyìŋ la gẅiin lékwé ná menò tepòŋ pʉ̀a la, á lɔgɔ ńnyɛɛ ngie e Ssé gÿo menò mé ndʉŋ ndʉŋ. Á kaa tsɔ́ fʉ̀’, pʉ̀a mesoŋ ne ńgÿo nò tepòŋ, yé Ssé gÿo pɔ́ pá’ fʉ̀’ gie à tè ne ńgyá wɔ́ la. À kaa fʉ̀’ó ne shÿɔgɔ shÿɔg ńzẅí’te, tá’ áa fʉ̀’ɔɔn, á ne ńnyɛɛ ngie àa ndʉŋ ndʉŋ, ńgíŋe ńnyɛɛ ngie à líe nyìŋ gẅie à záb ntʉ́m wé ná Kristo á gwɔ́ pɔ́ ndʉŋ ndʉŋ mvfò yé.