Shina nijpimi, Danielca jatun mandajtaca cashna nirca:
–Jatun mandaj can tapushcaca pi mana huillai tucuipajmi. Chaimi jatun yachajcunapish, luzerocunamanta yachajcunapish, brujocunapish, adivinocunapish can jatun mandajmanca mana huillai tucuncuna. Shina cajpipish pi mana yachai tucuipajcunata ricuchij Taita Diosmi jahua pachapi tiyan. Paimari can jatun mandaj Nabucodonosormanca, q'uipa punllacuna imalla tucunata ricuchishca. Jatun mandaj cambaj camapi cashpa can muscushpa, muscuipi shina imallata ricushcaca caimi