Popular Bible Verses from Matioo̱ 2

Kó nga tsꞌasꞌien ngu̱i̱yaa̱ kamábe ndí ndií ko̱jo na̱ Riyaa̱ na̱aa̱n ndií, kó asién tikoó kui jaá, kó katsꞌéndikón kó iskjíxꞌá koxa̱a̱ kó tsꞌaxié ni xi ndyi̱yaꞌaa̱ ndií: Ngo xi yaꞌaa̱ to̱nsinié, ngo xi yaꞌaa̱ nisije̱n xi niꞌánkjién nga niꞌándikón Néná, ko̱jo ngo xi yaꞌaa̱ ndásíje̱n chjí xi ꞌmí mirra̱.

Nguije katsen Kjisoo̱ ki̱a̱ Bele̱n, ndí na̱xi̱ńdá xi chji̱a̱ni nangui Judea̱, ni̱xtjin nga atíxoma nda̱ re Erodee̱ ngayeje kui na̱xi̱ńdaá, jachó na̱xi̱ńdá Jerusale̱n já kjínkón xi kjindibáni xtji̱e̱e̱n nínga fotjo tsꞌueé, kó bi̱ katsó nga asíyá: –Ñá tikón re tsi̱ꞌe̱ xota̱ judío̱ xi je katsee̱n. Ngatꞌa̱ kamáyá ji̱n nga jatjo ńñoo, xtji̱e̱e̱n nínga fotjo tsꞌueé, kuíni nga jéꞌe niꞌándikón ji̱n.

Nga kamábe kui ńñoo achichí tsja kamaá.

Kó ngu̱i̱jin ńjñaá kui jaá kiꞌmíyaá nga nguiti̱ ki̱a̱jín ko̱e̱je̱ nínga tikón nda̱ re Erodee̱, kósꞌe̱ kje̱ꞌe ndi̱ya kijí nga kijí nguiní nanguii̱. Kó nguije kijí já kjínkoón, ngo ndítsjiee̱ Néná jeꞌechji̱a̱jo ngu̱i̱jin ńjñaá Kosiee̱ kó bi̱ katsoó: –Ti̱sítji̱n ji kó tiyíje̱ ndií ko̱jo na̱aa̱n, kó tanguínjnú nangui Ejipto̱ kó ki̱a̱ ti̱ndyiónjnú ngaskande nga an xi bo̱a̱ xian an, ngatꞌa̱ Erodee̱ ko̱ngase ndií tsi̱ꞌe̱ nga sa̱ꞌínkꞌién.