Ziouv TIN-HUNGH nyei Singx Lingh caux yie yiem,
weic zuqc ZIOUV longc youh orn yie daaih
zunh kuv fienx mbuox mienh jomc mienh.
Ninh paaiv yie daaih zorc hnyouv mun nyei mienh longx,
zunh mbuox zuqc caangv nyei mienh ninh mbuo oix duqv bungx nqoi,
zuqc wuonx nyei mienh yaac oix duqv cuotv loh,
aengx zunh gorngv, ZIOUV ceix en nyei hnyangx-daauh taux aqv,
yie mbuo nyei Tin-Hungh jaauv win nyei hnoi-nyieqc taux.
Ninh paaiv yie orn yietc zungv nzauh nyiemv nyei mienh nyei hnyouv,
bun yiem Si^on nzauh nyiemv nyei mienh
maaih njien-youh a'hneiv div saaiv,
yaac maaih ceng nyei nzung div hnyouv nzauh.
Mienh oix heuc ninh mbuo hnangv zoux horpc nyei ndiangx,
dongh ZIOUV ganh zuangx daaih weic biux mengh ninh nyei njang-laangc.