Popular Bible Verses from مَتّا 5

Share

هچکَس رۆکێن چِراگا کاسگئے چێرا اێرَ نکنت، چِراگدانئے سرا اێریَ کنت تانکه آییئے رُژن لۆگئے سجّهێن مردمان برسیت. همے ڈئولا شمئے نور مردمانی نیاما تالان ببیت، تانکه آ شمئے نێکێن کاران بگندنت و شمئے آسمانی پتئے ستایا بکننت.

شما جهانئے نور و رُژن اێت، شهرے که کۆهێئے سرا اِنت، چێر و اَندێم بوتَ نکنت.

بَهتاور اَنت هما که دِلِش پاک اِنت، چێا که آ هُدایا گندنت.

بَهتاور اَنت هما که په هَکّ و اِنساپا شدیگ و تُنّیگ اَنت، چێا که آ سێرَ بنت.

بله من شمارا گوَشان، وتی دژمنان دۆست بدارێت و په همایان که شمارا آزارَ دئینت، نێکێن دْوا بلۆٹێت،

”بَهتاور اَنت هما که وتی روهئے گریبیا سرپد اَنت، چێا که آسمانی بادشاهی همایانیگ اِنت.

بَهتاور اَنت هما که سُهل و اێمنیَ کارنت، چێا که آ هُدائے چُکّ گوَشگَ بنت.

بَهتاور اَنت هما که گَمیگ اَنت، چێا که آیان تسلّا رَسیت.

بَهتاور اَنت هما که هَکّ و اِنساپئے راها آزار دئیگَ بنت، چێا که آسمانی بادشاهی همایانیگ اِنت.

بَهتاور اَنت هما که په دگران رهمَ کننت، چێا که آیانی سرا رهم کنگَ بیت.

بَهتاور اێت شما که منی سئوَبا مردم شمارا بےاِزّتَ کننت و آزارَ دئینت و شمئے بارئوا درۆگَ بندنت و بدێن گپَّ جننت. گَل ببێت و شاتکامی بکنێت، چێا که آسمانا شمئے مُزّ باز اِنت. پێسریگێن نبی‌اِش همے پئیما آزار داتگ‌اَنت.

بَهتاور اَنت هما که نَرم‌دل اَنت، چێا که زمینئے میراسدار هما بنت.

شما جهانئے واد اێت، بله اگن وادئے تام برئوت، گڑا چۆن پدا وادۆک کنگَ بیت؟ دگه هِچّ کارا نئیئیت، اَبێد چه اِشیا که دئور دئیگ ببیت و مردمی لتگمال بکننت.

پمێشکا شما باید اِنت کامِل ببێت، اَنچُش که شمئے آسمانی پت کامِل اِنت.

پمێشکا اۆدا که شمارا ’هئو‘ گوَشگی اِنت، بگوَشێت ’هئو‘ و اۆدا که ’اِنّه‘ گوَشگی اِنت، بگوَشێت ’اِنّه‘. چه اِد و گێشتر گوَشگ شئیتانئے کار اِنت.

شما اِشکتگ که گوَشگ بوتگ: چمّئے بدل چمّ و دَنتانئے بدل دَنتان. بله من شمارا گوَشان، رَدکارێن مردمئے دێما مه‌اۆشتێت. اگن کَسے تئیی راستێن گُبّا شَهماتے جنت، دومی گُبّا هم آییئے نێمگا بتَرّێن.

پمێشکا اگن تئیی راستێن چمّ ترا دێم په گناها بارت، آییا کَشّ و دئور بدئے، چێا که چه سَرجمێن جانئے دۆزها کپگا په تئو شرتر همِش اِنت که تئیی جسمئے یکّ آزاے چه تئو جتا ببیت. همے ڈئولا، اگن تئیی راستێن دست ترا دێم په گناها بارت، آییا بُرّ و دئور دئے، چێا که چه سَرجمێن جانئے دۆزها رئوگا په تئو شرتر همِش اِنت که تئیی جسمئے یکّ آزاے چه تئو جتا ببیت.