Popular Bible Verses from مَتّا 4

Share

ایسّایا پَسّئو دات: ”پاکێن کتابا نبیسگ بوتگ: ’مردم تهنا په نان زندگَ نبیت، چه هُدائے زبانئے سجّهێن هبرانی مَنّگا زندگَ بیت.‘ “

ایسّایا گوَشت: ”او شئیتان! چه منی دێما گُم بئے! پاکێن کتابا نبیسگ بوتگ: وتی هُداوندێن هُدائے پرستشا بکن و تهنا هماییئے هِزمتا بکن.“

ایسّایا گوَشت: ”هئو، بله چُش هم نبیسگ بوتگ: وتی هُداوندێن هُدایا آزمائِش مکن. “

رَندا پاکێن روها ایسّا گیابانا بُرت که شئیتان آییا بچَکّاسیت. چِلّ شپ و چِلّ رۆچ رۆچگ دارگا رند ایسّا گُژنَگ بوت.

ایسّایا گۆن آیان گوَشت: ”بیاێت، منی رَندگیریا بکنێت و من شمارا اَنچُشَ کنان که ماهیگ گِرگئے بدلا، مردمانی دلان شکارَ کنێت.“ آیان هما دمانا وتی دام یله داتنت و آییئے همراه بوتنت.

چه هما وهدا ایسّایا اے جارئے جنَگ بُنگێج کرت. گوَشتی: ”چه وتی گناهان پشۆمان ببێت و تئوبه بکنێت، چێا که آسمانی بادشاهی آتکگ و سر بوتگ.“