LEIYENBÜ 20
20
Ngühkhüm An
(NA 5.1-21)
1Hobaje Mühghaüei habü ngüh pendou lenko laukei, 2“No Ijep kaodak aaothu ka leiyenbü kaibü Mühghaü Bunyubou kho ngo ki.
3“Nyi kü thedanga lubü mühghaü aikei tekiti.
4“Thükaenei müh, ayingsi phangaenei kao maangaenei deia kibü phatbü aikei ka shanga heangsho teküm. 5Nyi haoen thedanga tekhüpet ayingsi haoen telem; aieilausi kü to mangsenbü pisibousi shuong shabü hangshong haoeneibü shisishousi meten sem si lei sühko shieinangeilabü; 6hoba kü to sanoubü hoba kü ngühkhüm jungeibü hajar hajar to onoubü, ngo Bunyubou kaibü Mühghaü, nyekto shatbou Mühghaü ki.”
7“Nyi Bunyubou kaibü Mühghaü nyen amlanga tejungei, aieilausi aoyouei haoeibü nyen amlanga jungeilaje Bunyubouei hao ayuktiko apholabü.
8“Nounyet saopotham phola damenashi. 9#Lk 13.14 Chalou laknyet kaibü kümsilei pendou kümashi, 10lausikei nyetbounyet kho Bunyubou kaibü Mühghaüeibü Nounyet ki. Khünyet nyi, kaibü nouyang jayangshousiei, kaibü sambü bousu yaksaei hoba samkeisamuk, shatsinam ayingsi chema kibü küksithangei ai kümsilei akümlabü. 11Aieilausi chalou laknyeta Bunyubouei müh si kao, yungnyu hoba khonei kibü pendou kümbei, lausikei nyetbounyet hao haksokei. Hibü Bunyubouei Nounyet kho haükuko saopobü yeitikei.
12 #
Efe 6.2 “Kabou si kanyu to soumo hatashi, khei yingsi Bunyubou kaibü Mühghaüei ai kaonyek ka la kuda khonei no salanglabü.
13 #
Mt 19.19
“Nyi müt tühaiti.
14 #
Mt 19.18
“Nyi asangalan tejungei.
15“Nyi tekok
16“Nyi kaibü lepbou khulimbo amlangbü aukhün aolep tüt.
17 #
Rom 7.7
“Nyi kaibü lepbou chemdang to tedüh, nyi kaibü lepboueibü yak ayingsi haoeneibü sambou ayingsi samnyu ayingsi haoeneibü masu ayingsi gadu, ayingsi kaibü lepboueibü aikei tedüh.”
Mütshuong Hatbü
18 #
Ibr 12.18-19
Ladang mütshuongei langmak makbü, langpon ponbü, teklaang langh hoba wankhük longbü shongh hapbei haoen hatbü ka lühkei. Haoen heebüa lokei 19hoba Mosa to laukei, “Nyi kün to joyoashi, künei ditkho. Lausikei kün haisi amaibüla Mühghaüei kün to tejoyotikai.”
20Hobaje Mosaei mütshuong to laukei, “Tehütma; kanei Mühghaü to hatbü danko kanei shabü ashontila ho Mühghaüei kan takteila loubü ki.” 21Lausikei mütshuong heebüa loan kikei hoba Mosa, Mühghaü kiteibü sangmei nakthüh kaoen sühlangko haukei.
Lemshon shangabü Ngühkhüm
22 Bunyubouei Mosa to laukei, “Nyi Israel shousi shuong to hai lenjan: ‘Ngei kan to khuthük ka joyoa dogo kanei lolo hapa. 23Kanei kü to hipan kila lubü mühghaü shuong akümjan; kanei jembü shanga chandinam mühghaü ayingsi honeibü mühghaü ayaüjan. 24Kü shanga thamei lemshon yaüashi, hoba kho thüka kaneibü san, lon, hoba masu juokbü lembü kuashi, hoba kaneibü maangmai lembü kuashi. Lanei ong ngeibü nyen damentila ngei pienlaje, ngo kan jungto loulabü hoba kan haükulabü. 25Hobaje nyi kü la lemshang laangei yaükualonga nyi kho laang thüngenan ayaükujan; aieilausi nyi kho thüka kaibü laang thüngbü peisilei jungeialonga nyi kho shatida. 26Hobaje no mütkong kibü ühüptila shanga no kü lemshang to you yaüjung üangjan.
Zur Zeit ausgewählt:
LEIYENBÜ 20: CHANGBSI
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
