Sawal la giled’a 99
99
Alona namulâ, ni ma bei tchod’a mi
1Ma didina nga mi tamula, ar suma a zlaga!
Mi nga kaka aduk tcherebêna, ar andagad’a ti giged’a!
2Ma didina ni ma ngolâ kur Siyon;
mam mi ma kal akulo yam andjaf suma petna.
3Ar azi gileng simiyêng ma ngol
ma suma le mandarâ aboma.
Gagazi, angî ma bei tchod’a ba na.
4Ar azi gileng ang amul ma min d’ingêrina.
Ni ang ba, tin d’ingêra
ki sariya d’a ka d’a irata
aduk andjafa hi Jakob-ma mi.
5Agi hagi ngola mi Ma didina Alo meina,
agi grivigi kä avok yi mam ma tin asema.
Mam mi ma bei tchod’a ba na!
6Moise azi ki Aron a nga aduk mam suma ngat buzuna,
Samuel mi nga aduk suma a yum simiyêma mi.
A yi Ma didina, mi humuzi mi.
7Mam nga mi dazi zlad’a
kur d’ugul la tchola gongzonga.
Azi nga ngom vun mam ma hed’a
ki gat mam mba mi hazizid’a mi.
8Ma didina Alo mamina, ni ang ba, hulongôzï humba,
ang tagazi ala angî Alo ma vat hurung ngei
yam tcho mazid’ina,
ni ang ba, ngobozi yam sun mazi d’a led’a.
9Agi hagi ngola mi Ma didina Alo meina,
agi grivigi kä yam ahina mam mba a tinit irat vata,
kayam Ma didina Alona ni ma bei tchod’a ba na!
Zur Zeit ausgewählt:
Sawal la giled’a 99: BA
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Azumeina Bible © Alliance Biblique du Tchad, 1999.