Sawal la giled’a 95
95
Giget ta yam kud’orid’a
1Agi mbeyegï ei gileigi Ma didina ki delei akulo,
ei suburi ahina mei d’a suta ki furîd’a!
2Ei igi avorom á suburumu,
ei gileizi ki furîd’a ki sawal la tetenga.
3Kayam Ma didina nAlo ma ngolâ,
mam mamul ma ngol ma yam alona petna.
4Mam mi ma zul la yiyika handagad’id’a nga aboma;
ahuniyôna yazi d’a keked’iwurenga ni mamba mi.
5Alum ma ngolâ ni mama, mam lumî mamu;
andagad’a, mam lat kabom ni mam mi.
6Agi mbeyegïya, agi grivigi kä,
ei kud’oreigi Ma didin ma leina.
7Kayam mam mi Alo meina,
ei ni suma mi poleina,
ei nades tumiyô mam suma mi ngomeina.
Ini agi humugi zla d’a mi data. Mi dala:
8Ar agi b’alagi hurugi
d’igi abuyogi ngolo a b’al huruzi kur Meriba na d’i,
ar agi b’alagi hurugi
d’igi azi b’al huruzi kur bur ma azi nga abagei
hur ful ma Masa-na na d’uo mi.
9Abuyogi ngolo a we sun nda an lata hina pî,
a kugunu, a ngan mi.
10Bizad’a dok fid’i, an gol suma kur atchogoi ndatina
d’igi vama ndjendjed’a na,
an dala: Sum ndazina ni suma yazi vit teina,
azi we nga lovot manda d’uo mi.
11Ni na ba, kur hur man ma zala an gun tan ala:
Azi mba kal kur ambas sa an nga hazizi
á tuk tazi kuad’a d’i.
Zur Zeit ausgewählt:
Sawal la giled’a 95: BA
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Azumeina Bible © Alliance Biblique du Tchad, 1999.
