Sawal la giled’a 64
64
Alona mi kus yam suma a de zla d’a tchod’ina
1Ni sawal la gile d’a David mi hlat mi hat mi ma ngolâ hi suma hle sawalina.
2Alo mana, an nga ni tchi kangû, ang humunu,
ang ngomon abo suma djangû
suma an nga ni lazi mandarazina.
3Ang prud’un ndei abo zla d’a ndjak vuna hi suma asa’atnid’a,
abo suma a ndjak vunazi kana ki suma batrangâ mi.
4A nga gur sinazi d’igi suma a gur mbigeud’a na,
zla mazi d’a ded’a ni d’igi yeû d’a zala na.
5Azi ngei tazi kä gumun á yet suma d’engzengâ,
azi nga yed’ezi bei mandarâ kuruzi ba.
6Azi nga he tazi ad’enga kur zla mazi d’a tcho ndata,
azi nga gun dauna kä gumunu,
azi nga dala: Sa mba mi wumî nge ge?
7Azi ndjak vunazi á le tchod’a,
a nga dala: Zla meid’a ndjak wa da’.
Djib’er ra kur sana krovod’a, sa nga mi wat ad’ut ti.
8Wani Alona nga mi yed’ezi ki yeû mamba,
nga mi yed’ezi ki mbuleina bei azi we ba.
9Gola! Zla mazid’a ti hulong wa kaziya!
Suma pet suma a wazina a nga kidjik yazi ad’uziya.
10Suma pet a nga le mandarâ,
a mba de woi yam sunda hAlonid’a,
a mba wäd’u sun nda mam lata mi.
11Suma d’ingêrâ a le furîd’a yam Ma didina,
a ngei tazi natam mi.
Suma pet suma bei tchod’a kuruzina,
a mba subur tazi kam mi.
Zur Zeit ausgewählt:
Sawal la giled’a 64: BA
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Azumeina Bible © Alliance Biblique du Tchad, 1999.