Sawal la giled’a 137
137
Ami kagami avun aluma sä Babilon
1Kid’a ami kagami avun aluma sä Babilon-nda,
ami tchimi kurumi krovo á djib’eremi yam Siyon.
2Ami gabamiza ading mamina ata da’ara avun mbina.
3Ata yi máma suma a yomi magombina,
a dami ala ami hlazi sawala.
Suma a djobomi vunamina a dami ala
ami hlazi sawal la furîd’a.
Azi dami ala:
Agi hlami sawal la ding nga Siyon-nda tcha.
4Ni nana ba, ami hlami sawala hi Ma didinid’a
yam andaga d’a dinga ge?
5Ndak Jerusalem, le an mar kagu ni,
ar abon ma ndjufâ mi tche mogod’a!
6Le an djib’er nga kak kuo, le an we nga ala
nda’î furî man nda ngol la kal papad’a d’uo ni,
ar sinan ndi b’al akulo ata d’id’ingânu!
7Ma didina, ang djib’er yam suma Edom
suma kur bur ma a b’lak Jerusalem-ma a dala:
Tot kä woyo! Tot kä woi
gak ad’ut ta ged’a na.
8Ndak Babilon, ndak ka a nga b’lagak keid’a,
sama mba mi lak tcho d’a ndak lamizi mi amid’ina,
mi le furîd’a!
9Sama mba mi yo gro’â mi tchazi woi yam ahinad’ina,
mi le furîd’a!
Zur Zeit ausgewählt:
Sawal la giled’a 137: BA
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Azumeina Bible © Alliance Biblique du Tchad, 1999.