Sawal la giled’a 128
128
Ma le furîd’ina ni ma le mandara Ma didinina
1Ni sawal la suma a djak Jerusalem á lü vun tilîna a hlata.
Sama ring mandara Ma didina
ma tit kur lovot mamba mi na, mi le furîd’a.
2Ang mba fe mbina yam sun nda ang lat kabonga,
ang mba le furîd’a, ang mba i avogovok mi.
3Amanga mba d’i ka’î d’igi agu guguzlu d’a vuta na
avo hur aziyangû,
grongâ a mba ngui kaka kä geveng avun tabul mangâ
ni d’igi gro agu olifâ na mi.
4Ni hina ba, Ma didina nga mi b’e vunam
yam sama mi ringîm mandarama.
5Ni ei kur Siyon dei ba,
Ma didina mba mi b’e vunam kangû;
ang mba we furîd’a hi Jerusalem-mba
kur burâ pet ata yima ang nga kaka ki ir irangâ,
6ang mba we grongâ grozina mi.
Ar ang mba ki b’leng nga halasa yam Israel-lâ.
Zur Zeit ausgewählt:
Sawal la giled’a 128: BA
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Azumeina Bible © Alliance Biblique du Tchad, 1999.