Sawal la giled’a 124

124

Ma didina ni ma ndjun sum mamina

1Ni sawala hi David ta suma a djak Jerusalem á lü vun tilîna a hlata.

Ar Israel-lâ a dala:

Ladjï Ma didina mi nga ki sed’ei d’uo ni,

ei mba lei ni nana ge?

2Ladjï Ma didina mi nga ki sed’ei d’uo ni,

ata yima suma a tchol á duri

3kur hur mazi ma zal ma keina,

a mba ligi ni karid’a.

4Ladjï mi nga ki sed’ei d’uo ni,

mbina mi hlubiya wa, aluma mi djang wa keya,

5abil ma ngolâ,

mi i wa ki sed’ei mi.

6Ar ei suburi Ma didin

ma mi mbud’i nga va mazi ma mutna d’uo na.

7Ei prud’i abozi ni d’igi alei ma mi prut tei

avun dauna hi sama nduwandina na;

dauna mi tchala;

ei prud’i woyo!

8Ndjun meid’a ti tcholï nata Ma didin

ma lakulod’a kandagad’ina.

Zur Zeit ausgewählt:

Sawal la giled’a 124: BA

Markierung

Kopieren

Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.

Beliebte Verse in
Sawal la giled’a 124