Sawal la giled’a 114

114

Sawal la yam buzuka hi Israel-lîd’a

1Ata yima Israel-lâ a buzuk kei avo Ezipte-na,

ata yima suma hi Jakob ndazina

a wal lei ki suma a de vun ma dingîna,

2Juda mi mbut ni yima kaka

hi Ma didin ma a tinim iram vama,

Israel mi mbut ni yam ma kaka mi.

3Alum ma ngol ma Tchereuna mi waziya, mi ringâ,

alum ma Jurdê-na mi gid’eî woi bugol mi.

4Ahuniyôna a nga gal d’igi gamlâna na,

ahuniyô suma gureina a nga dubar d’igi gro aho’â na mi.

5Ang alum ma ngol ma Tchereuna, ni kayam me ba,

ang ring nge?

Ang alum ma Jurdê-na, ni kayam me ba,

ang gid’eî woi bugol ge?

6Agi ahuniyôna, ni kayam me ba,

agi galagi akulo d’igi gamlâna na ge?

Agi ahuniyô suma gureina, ni kayam me ba,

agi dubaragi d’igi gro aho’â na ge?

7Ndak andagad’a, ndak zlak avok Salad’a,

avok Alona hi Jakob-ma.

8Mi mbut ahinad’a apod’a,

mi mbut ahina d’a ad’enga golong nga laud’a mi.

Zur Zeit ausgewählt:

Sawal la giled’a 114: BA

Markierung

Kopieren

Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.

Beliebte Verse in
Sawal la giled’a 114