SALMOS 125
125
1Benne' ka' žx̱en ḻáže'gake' X̱anžo Dios zej nake' ka Ya'a Sión.
Bi gak no benne' wtén', san to chi'ize zoa chochen.
2Kan zej že' ya'a ka' da' nyéchjgeklen yež Jerusalén,
ki žon X̱anžo Dios, žape chi'ikze' benne' chie' ka', na'a ža, na' to chi'ize.
3Kege to chi'ize nna bia'gak benne' wen da' ẕinnj ka' ḻo yežlyó chegak benne' chawe' ka',
nich bi gakgak benne' chawe' ka' toze ḻen benne' wen da' ẕinnj ka', na' bi góngake' da' ẕinnj.
4X̱ana' Dios, ben chawe' benne' chawe' ka',
na' benne' ka' zej nake' ḻi ḻaže'.
5San benne' ka' žebéj yíchjgake' Dios nich góngake' da' ẕinnj,
X̱anžo Dios wkwase' benne' ka' tẕen ḻen benne' wen da' ẕinnj ka'.
Ẕnnabla' Dios gata' yeḻa' ẕga'n chawe'
chegak benne' Israel ka'.
Zur Zeit ausgewählt:
SALMOS 125: zty
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2002, Wycliffe Bible Translators, Inc. All rights reserved.