Mateo Cizivukiso
Cizivukiso
Vin̄anda Vyavivwa vyasonekele Mateo ngwendi Yesu ikeye Muyoyesi uje yakulaesele Njambi, uje muli ikeye Njambi washulisile vikulaeso vije vyalingile kuli vanu vendi mu Lizivasano Lyalaja. Evi Vin̄anda Vyavivwa kesi vya vaYunda lika vaje vasemukilile Yesu akati kavo nakuyoyelao embwe, oloni vinapu vin̄anda vya vanu voshe vali ano asi.
Mateo navwaesa mwamuvwa livulu eli. Lishangumuka nakusemuka kwa Yesu Kilistu, lyendeka akumumbwitika kwendi na a vyeseko vyendi, co asinoni ashangumuka vipangi vyendi vyakwambulula nakulongesa nakukangwisa vanu mu Ngalileya. Munima yevi, Vin̄anda Vyavivwa vyendeka a vungenzi vwa Yesu vwakutunda ku Ngalileya nakuya ku Yelusalema na vije vyasholokele kuli ikeye mu Simano ya kumanesela nakweta kukumushukika nakusanguka kwendi.
Evi Vin̄anda Vyavivwa vimwesa ngeci Yesu ikeye Mulongisi wakama, uje ali na moko yakulumbununa Lishiko lya Njambi nakulongesa vya Vumwene vwa Njambi. Vilongesa vyendi vyavingi vili mu mitambela itanu. (1) Kwambulula a Munkinda kuje kwakundamene ku cifwa na vipangi na moko na mutambela kuvakakala vanu mu Vumwene vwa Mwilu (maangununo 5–7). (2) Mashiko kuli vandongisi likumi na vavali mu vipangi vyavo (lyaangununo 10). (3) Visimo vya a Vumwene vwa Mwilu (lyaangununo 13). (4) Kulongesa akulumbununa akukolesa vanu (lyaangununo 18). (5) Kulongesa akuhwa kwa myaka imo na akwija kwa Vumwene vwa Mwilu (maangununo 24–25).
Kulumbununa vyuma vili mu livulu
Cikota nakusemuka kwa Yesu Kilistu 1:1–2:23
Vipangi vya Yowano Muka-kumbwitika 3:1-12
Kumbwitika na vyeseko vya Yesu 3:13–4:11
Vipangi vya Yesu ku mbunga mu Ngalileya 4:12–18:35
Kutunda ku Ngalileya nakuya ku Yelusalema 19:1–20:34
Simano yakumanesela mu Yelusalema 21:1–27:66
Kusanguka nakulisholola kwa Mwene 28:1-20
Zur Zeit ausgewählt:
Mateo Cizivukiso: MBB
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
The Bible in Mbunda ©The Bible Society of Zambia, 2006