ROM 10
10
इस्राएल बद्दल पौलदी इच्छा
1हे आक्का तम्मुळ्ळालाला, ना यहुदी मंदीद तारण कावाला, इल्ला नाद इच्छा इंगा नाद वार इचांग परमेश्वरकी इद्दे विनंती उंडाद. 2येनटीक की वार बद्दल निन साक्ष इस्तान की, वारकी परमेश्वर बद्दल आनंद उंडाद, पण परमेश्वरदी सेवा यल्ला शेयाला दीनदी वारकी ज्ञान लेद. 3येनटीक की वार परमेश्वर तीकेल शिक्के नितीमत्व बद्दल अज्ञानी आय्यी स्वता नितीमान आय्येद प्रयत्न शेशेताप्पुड वार परमेश्वर तीकेल शिक्के नितीमत्वन ओळखायाक फोईर.
नितीमत्वद कोत्ता दावा आंदार इचांग उंडाद
4येनटीक की ख्रिस्त पहिलाने आदी उद्देश पुर्ण शेस्काडनाड या दानिचांग नियमशास्त्रद इच्चेदेंक वच्चीन्या. दिनिचांग की यवाड पण वान मिंदा विश्वास फेट्टी परमेश्वर वान नितीमान ठरायमती. 5येनटीक की नियमशास्त्रता शिक्के नितीमत्व बद्दल मोशेड नियमशास्त्रला रास्ताड की, “या मनशी दान पाळाशी वाड दानता जगाशी.”#लेवी 18:5. 6पण विश्वासता शिक्केद नितीमत्व बद्दल पवित्र शास्त्रला इल्ला राशीनेद उंडाद की, नु नी मनला इदी आनाक की, स्वर्गलोंग यवाड यक्की? (आंटे ख्रिस्तन किंदीक येकेन वद्देंक) 7लेकाते अधोलोकलोंग यवार दिग्यार? (आंटे ख्रिस्तन सच्चीनोर लोन्केल लेपी मिंदीक येकेन वद्देंक).
8पण येम आंटाद?
आदी वचन नी देगार,
आदी नी नोटल्या इंगा नी अंतकरणला उंडाद.
आंटे मिम या दिनदी घोषणा शेस्ताम आदी विश्वासदी वचन उंडाद.#अनुवाद 30:13-14.
9येनटीक की येशुड प्रभुड उंडाड इल्ला जर नु नी नोरता आंदार मुंदार कबुल शेशाव इंगा परमेश्वर वान सच्चीनोर लोन्केल लेपीनाड इल्ला नी अंतकरणला विश्वास फेट्याव तर नीद तारण आय्यी. 10येनटीक की यवाड अंतकरणता विश्वास फेटताड वाड नितीमान ठरास्ताड इंगा यवाड नोरता कबुल शेस्ताड वानदी तारण आयताद. 11दिनिचांग पवित्र शास्त्रला इल्ला राशीनेद उंडाद की, “यवाड पण वान मिंदा विश्वास फेटताड वाड शिग्गुना फडाक फोई.”#यशया 28:16. 12यहुदी इंगा यहुदी लेनोर इर दिंटल्या फरक लेद, येनटीक की वक्काडे परमेश्वर उंडाड इंगा वाडे आंदार प्रभुड उंडाड इंगा यवार वानदी फेर तिस्कुंटार वार आंदार इचांग वाड संपन्न उंडाड, 13“येनटीक की यवाड पण परमेश्वरदी फेर तिस्कुंटाड वानदी तारण आय्यी.”#योएल 2:32.; प्रेषित 2:21.
इस्राएल सुवार्ताद नकार शेस्ताद
14पण या मंदी ख्रिस्त मिंदा विश्वास फेट्टालेद वान वार यल्ला फिलच्यार? इंगा यवान बद्दल वार इना लेद वान मिंदा वार यल्ला विश्वास फेट्यार? इंगा घोषणा शेशेतोड लेकुंटे वार यल्ला इन्यार? 15इंगा वारनी आंपाक फोयते वार यल्ला घोषणा शेशार? दिनिचांग पवित्र शास्त्रला इल्ला राशीनेद उंडाद की, “यवार शिंगार माटलाद सुवार्ता शपतार वारी काळ यंता सुंदर उंडाय!”#यशया 52:7; प्रेषित 13:47; २तीमथी 4:5.
16पण आंदार सुवार्ता मिंदा विश्वास फेट्टालेद, येनटीक की यशया संदेष्ट्याड आंटाड की, “हे प्रभु, मा तीकेल यवार सुवार्ता इनीर दान मिंदा यवार विश्वास फेट्टीर?”#यशया 53:1. 17दिनिचांग विश्वास इन्या की, इंगा इनेद ख्रिस्तन वचन लोन्केल आयताद.
18पण निन आडगुतान की यहुदी मंदी इना लेकुंडीर येम? इनीनीर तर खरेम येनटीक की पवित्र शास्त्रला राशीनेद उंडाद की,
“आंता पृथ्वी मिंदा वारदी आवाज इंगा
दुन्याम कंटाम नंताक वारी शब्दल पोहचाशीनाय.”#स्तोत्रसंहिता 19:4.
19मंग निन आडगुतान की, इस्राएल मंदीक यरका लेकुंड्या येम? पहिला तर प्रभुड मोशेन तीकेल वार जताक इदी आन्या की,
“यवार यहुदी लेनोर उंडार वार तीकेल.
निन मिमलान काला मत्यान, यवारनी यहुदी मंदी मुर्ख राष्ट्र समजास्तार वार तीकेल निन मिक कोफाम यकोच्यान.”
20पण यशया संदेष्ट्याड शेंगेम हिम्मतता आंटाड की,
“प्रभु परमेश्वर आंटाड यवार नन्नु फुडकालेद वारकी निन शिक्कीनान,
यवार ना बद्दल आडगालेद वारकी निन शिक्कीनान.”
21पण इस्राएल मंदी बद्दल परमेश्वर आंटाड, “निन वगा, आज्ञा तेम्पे इंगा उलटा माटलाडे प्रजा मुंदार फगुलाला ना शेईल सापतीन.” #यशया 65:1-2.
Zur Zeit ausgewählt:
ROM 10: WNT
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
