ACT 12
12
हेरोददी मंडळी मिंदा अत्याचार
1आप्पुड हेरोद राजा मंडळीलोन काही मंदीक त्रास इयाला आंका वार मिंदा शेय येशा. 2योहान तम्मुन याकोबनी वाड तलवारता मतेशा. 3हेरोद सुशा की, यहुदी अधिकारीलाक इदी आवडाशा, आंका वाड पेत्रन पण फट्टेद विचार शेशा, आदी बेखमीर रोट्याद दिनमु उंड्या. 4हेरोद पेत्रन फट्टी जेलला येशा, वान रखवाली इचांग शिपाईलाय नालुंग तुकडील#12:4 नालुंग तुकडील सोळा शिपाईल फेट्या, वल्हांडन फंडगा आयनेंका पेत्रन मंदी मुंदार यकोचेद वानदी योजना उंड्या. 5आंका पेत्रन जेलला फेट्टेदेंक वच्या, पण मंडळीलोन विश्वासी मंदी वगामनता पेत्रन इचांग परमेश्वरकी प्रार्थना शेयदुर. 6पेत्रड इद्दार शिपाईला नडमा फंडकुनीन्या, वान रोंड साखळीलता कट्टी फेटनीर, इंगा जेललोन कवाड देगार काही शिपाईल रखवाली शेयदुर, आदी मोब्बुलोंदी वेळ उंड्या इंगा हेरोद इल्ला विचार शेशा की, इंगोगो नाड पेत्रन मंदी मुंदार येका दावाला. 7आप्पुड सुड, अचानक परमेश्वर दुत आंदु नीला फड्या, जेललोन खोलीला एकदम यलगु फड्या, स्वर्गदुत पेत्र संकान फट्टी वान लेप्या, स्वर्गदुत आन्या, “लग्गान लेय!” आप्पुड पेत्रन शेयलोन साखळील इडी फडी फोया. 8परमेश्वर दुत पेत्रन आन्या, “बट्टाल फेटको इंगा नी शप्पुल फेटको,” मंग पेत्र बट्टाल फेटकुन्या, मंग स्वर्गदुत आन्या, “नीद झगा फयला येस्को इंगा ना यंका नड.” 9मंग परमेश्वर दुत बैटीक वच्या इंगा पेत्र पण वान यंका नडदु, पेत्रक तेल्वाकुंदु की, इदी खरेमे येम आयतुनाद, वानकी वाटाशा की निन दृष्टांत सुस्तुनान. 10पहिला इंगा दुसरा फेरी लोन शिपाईलान दाटी पेत्र इंगा परमेश्वर दुत लोखंडी कवाड देगार वच्चीर, आदी वार इचांग आपोआप उघडाशा, पेत्र इंगा परमेश्वर दुत कवाड लोन्केल बैटीक फोईर, वार वगा दावा पार शेशीर इंगा अचानक परमेश्वर दुत पेत्रन इडशी यल्ली फोया. 11मंग पेत्रक तेलच्या की नक्की येम आय्या इंगा वाड आन्या, “इप्पुड नाक तेलच्या की प्रभुड खरेमे वान दुतनी ना तीकुड आंपीन्या इंगा वाड नन्नु हेरोद शेतल्योन्केल इंगा यहुदी मंदीद पुर्ण आशा तेंपी नन्नु इडपीच्चीनाड.”
12इ माटाद जाणीव आयनेंका पेत्र मरीयादान इल्लुक फोया, आदी योहान यवान मार्क पण आंदुर वान आम्मा उंड्या, शेंगेम मंदी आंदु जमा आयनीर, वार आंदार प्रार्थना शेयदुर. 13पेत्रड कवाड वाशा, आप्पुड रुदा फेरुद दासीद कवाड तेरशेदेंक वच्या. 14आदी पेत्रद आवाज लगेच ओळखाशा इंगा शेंगेम खुश आय फोया, आदी कवाड तेरशेद पण भुलाशी फोया, आदी लोनीक फारका फोया इंगा मंदीक शप्या की, “पेत्र कवाड देगार नीला फडीनाड.” 15विश्वासी मंदी रुदा दान आनीर, “नु पागल आयनाव येम!” पण पेत्रड दरवाजा देगार नीला फडीनाड, इल्ला रुदाद घडी-घडीक शपदु, आंका मंदी आनीर, “वाड वान स्वर्गदुत उंड्याला.” 16पण पेत्र बैटीकेल कवाडनी कोटदु, यप्पुड विश्वासी मंदी कवाड तेरशीर, आप्पुड वार पेत्रन सुशी आश्चर्य चकीत आय्यीर. 17पेत्रड शेयता इशारा शेशी तेप्पांग निलचेदेंक शप्या, मंग वाड प्रभुड वान जेल लोन्केल यल्ला इडपीच्या इदी आंताच वारकी शप्या, वाड आन्या, “याकोब इंगा बाकीचे तम्मुळ्ळाक ना जताक येम आय्या आदी शपना,” मंग पेत्र आंदुकेल यल्ली इंगोगो जागा मिंदीक फोया.
18इंगोगो नाड फद्दीना शिपाईल शेंगेम निराश आय फोयनीर, पेत्र यंदुक फोयन्याला दिनदी वार विचार शेयदुर. 19हेरोद पेत्रन आन्नी तीकुड फुडक्या पण वाड वानकी शिक्काक फो, मंग हेरोद शिपाईलान प्रश्न आडग्या इंगा वारकी मृत्यु दंड इच्या, मंग हेरोद यहुदिया प्रांत लोन्केल यल्ली फोया, इंगा वाड कैसरीया शहरकी फोया निलचेदेंक आंट्या.
हेरोददी सच्चेद
20हेरोद सोर इंगा सिदोन नगरलोन मंदी मिंदा कोफाम फडीन्या, आ मंदी हेरोदनी भेटाशेदेंक वच्चीर, ब्लस्तनी वार तीकुड तीप्पेदेंक वार जिंकाशीर, ब्लस्त इड राजान खास सेवक उंड्या, मंदी हेरोद तीकुड शांतीद विनंती शेशीर येनटीक की वारदी देश तिने धान्यला बाबतीला हेरोद देश भरोसा मिंदा उंड्या#1 राजे 5:11; यहेज्केल 1. . 21हेरोद वारनी भेटाशेदेंक वगा दिनमु ठरायमत्या, आबद हेरोद सुंदर दरबारी बट्टाल फेटकुन्न्या, वाड न्यायासन मिंदा कुसनी मंदी मुंदार भाषण शेशेदेंक आंट्या. 22मंदी बेग्गे कीरली आनीर, “इदी तर परमेश्वरदी वाणी उंडाद, मनशीद लेद!” हेरोद इ स्तुतीद स्वीकार शेशा. 23इंगा वाड परमेश्वरकी गौरव इयाक फोया, आंका परमेश्वर दुत वान मिंदा वार शेशा, इंगा वाड फुल्गुल फडी सच्ची फोया.#दानिएल.
24परमेश्वरदी वचन जास्तीत जास्त मंदी नंताक पसरास्का फोया.
25बर्णबाड इंगा शौल वारी यरुशलेम शहरलोनी फनुल शेशीनेंका वार मार्क आनीने योहाननी वार जताक तिस्केन अंत्युखियाक वापस वच्चीर.
Zur Zeit ausgewählt:
ACT 12: WNT
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
