Иаков 2
2
Шупту улуска дең хамаарылгалыг болуңар
1 # Ы. х. к. 1:17; 16:19; Мф. 22:16; Лк. 20:21; Рим. 2:11Ха-дуңма! Өндүр улуг Дээргивис Иисус Христоска бүзүрээр болганыңарда, улусту ылгай көрбеңер. 2Силерниң чыылган чериңерже каас-коя хептиг, алдын билзектиг кижи, а ооң соондан элбер-самдар хептиг ядыы кижи кирип келген дижик. 3Каас-коя хептиг кижиге онза кичээнгей көргүзүп, аңаа: «Бээр эртип, дөрже олуруңар» – дээш, а ядыы кижиге: «Маңаа тур» азы: «Борта, будум баарынга олур» – дээн дижик силер. 4Ынчан чүнү канчап турарыңарны билир силер бе? Чамдык улусту өскелеринден дээре деп ылгай көрүп, бак сагыштыг шииткекчилер болу берген эвес силер бе?
5 # 1 Кор. 1:27-28 || 2 Кор. 8:9; Ажыд. 2:9Ханы ынак ха-дуңма, дыңнап көрүңер! Бурган бо делегейниң ядыы улузун чүге шилип алганыл? Оларны бүзүрел-биле байыткаш, Аңаа ынак улуска аазааны Чагырганың салгакчылары кылып каар дээш эвес бе? 6А силер ядыыларны дора көөр-дүр силер! Эрге-шөлээңерни кызагдап, шииткел черинче сөөртүп турар улус кымнарыл – байлар эвес ийик бе? 7Силерге тывыскан Христостуң чаагай адын дорамчылаан улус байлар эвес ийик бе?
8 # Лев. 19:18Бижилгеде: «Чаныңда кижиге бодуңга бодуң дег ынак бол» – деп айыткан Хаанывыстың хоойлузун херек кырында сагып чоруур болзуңарза, шын кылып турар-дыр силер. 9# Хост. 23:2-3; Лев. 19:15; Ы. х. к. 1:17Ынчалза-даа улусту ылгай көөр болзуңарза, бачыт үүлгеткениңер база ыдыктыг хоойлуну хажыткан дээш буруудааныңар ол-дур. 10# Мф. 5:19; Гал. 3:10Ыдыктыг хоойлуну бүрүнү-биле сагып турар мен деп бодап тура-даа, ооң чаңгыс-даа бол айтыышкынын хажыткан кижи ону бүрүнү-биле хажытканы дээш буруулуг боор. 11# Хост. 20:13-14Чүге дээрге: «Кады чурттаан эжиңге өскерилбе» – деп чугаалаан Бурган: «Кижи өлүрбе» – деп база чугаалаан. Ынчангаш сен кады чурттаан эжиңге өскерилбейн-даа тургаш, кижи өлүрер болзуңза, ыдыктыг хоойлуну дөмей-ле хажытканың ол.
12 # Иак. 1:25Хосталга хайырлаан хоойлу ёзугаар шүгдүнүп чоруур улус дег, ынчаар чугаалап база ажыл-херээңер кылып чоруңар. 13# Мф. 6:15; 18:35; Лк. 6:37Чүге дээрге өршээл билбес улусту Бурган база өршээл чокка шиидер. А өршээл кезедир шииткелден артык өндүр!
Бүзүрел биле буянныг ажыл-херек
14Ха-дуңма, Бурганга бүзүредим деп турар бир-ле кижи буянныг ажыл-херек кылбас болза, ынча дээн ажыы чүл? Ындыг бүзүрел ону камгалап шыдаар бе?! 15Чединмес ха-дуңмаңар идик-хеп, аъш-чем хереглээн дижик. 16# Ы. х. к. 15:7; У. ч. 21:13; Иса. 58:7; Мф. 25:35; Лк. 3:11; 1 Ин. 3:17-18А силерниң кайы-бирээңер оларга: «Амыр-тайбың чоруптуңар, чылыдыр кеттиниңер, тоттур чемнениңер» – деп чугаалааш, оларның амыдыраарынга херек чүүлдерни бербес болза, ындыг чугааның ажыы чүл? 17А Бурганга бүзүрел база ындыг – ол чүгле боду, ажыл-херектер чокта, өлүг боор.
18 # Мф. 7:16; Гал. 5:6Ынчаарга кандыг-бир кижи мынча дээр чадавас: «Бир кижиде бүзүрел бар болзун, а өске кижиде ажыл-херектер бар болзун». Сен меңээ бүзүрелиңни ажыл-херектериңден аңгы кылдыр көргүс че. А мен сеңээ ажыл-херектеримден илдең апаар бүзүрелимни көргүзер мен. 19# Ы. х. к. 6:4 || Мф. 8:29; Мк. 1:24; 5:7; Аж.-ч. 16:17; 19:15Бурган чаңгыс деп бүзүрээн-дир сен: ол кончуг эки-дир! Буктар безин ындыг деп бүзүреп, корткаш, сириңейнип турар.
20Хос баштыг сени-даа! Бүзүрел ажыл-херек чокта ажык чок#2:20 Өске бурунгу сөзүглелдерде «Ажык чок» эвес, а «Өлүг» деп бижээн. дээрзин көрбейн турарың ол бе? 21# Э. д. 22Бодунуң оглу Исаакты өргүл бедигээжинче салгаш, Авраам өгбевис Бурганның мурнунга ажыл-херээ-биле агарып үнмежик бе? 22# Евр. 11:17-18Ооң ажыл-херээ биле бүзүрелиниң тудуш харылзаалыын, ажыл-херээн дамчыштыр ооң бүзүрели эчизинге четкенин көрүп тур сен. 23# Э. д. 15:6; Рим. 4:3; Гал. 3:6 || 2 Чыл. 20:7; Иса. 41:8Бижилгеде: «Авраам Бурганга бүзүрей бээрге, Ол ону актыг-шынныг деп санаан» – дээн сөстер ынчалдыр чогуп бүткен, ынчангаш Авраам Бурганның өңнүү деп адаткан. 24Бурганның мурнунга кижи чүгле бүзүрели дээш эвес, а ажыл-херээ дээш агарарын көрүп тур силер.
25 # Иис. 2:1, 16; 6:24Оон ыңай Раав деп самыын-садар херээженче көрүңер. Раав израиль чоннуң төлээлекчилерин#2:25 Өске бурунгу сөзүглелдерде «төлээлекчилер» эвес, а «хайгыылчылар» деп бижээн. бодунга хүлээп алгаш, өске оруктап хоорайдан үндүрүп, камгалаан болганда, ажыл-херээ дээш агарган болгай.
26Шак-ла ынчаар, мага-боттуң амы-тын чокта өлүү дег, Бурганга бүзүрел база ажыл-херек чокта өлүг.
Zur Zeit ausgewählt:
Иаков 2: Ы.Б.2025
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© Институт перевода Библии, 2025