1 Иоанн 1
1
Христос – тынгарар Сөс
1 # Лк. 24:39; Ин. 1:14; 20:27; 2 Пет. 1:16Эң эгезинде бар турган, Ооң дугайында дыңнаанывыс, боттарывыстың караавыс-биле көргенивис, хайгаарап шинчилээнивис база холдарывыс-биле тудуп билгенивис тынгарар Сөстүң дугайында силерге бижип олур бис. 2# Ин. 1:4; 5:26; 11:25; 1 Ин. 5:11 || Ин. 15:27 || Ин. 1:1, 18Мөңге амыдырал биске көстүп келген, бис Ону көрген бис, Ооң херечилери болган бис. Ынчангаш Адазы-биле кады тургаш, оон биске база көстүп келген ол мөңге амыдыралдың дугайында силерге медеглеп турарывыс бо. 3# Ин. 17:21; 1 Кор. 1:9Силерни база биске каттыжып, сырый харылзаалыг болзуннар дээш, боттарывыстың көрген база дыңнаан чүүлүвүстү медеглеп тур бис. А бис Бурган Ада болгаш Ооң Оглу Иисус Христос-биле каттыжып, харылзаалыг апарган болгай бис. 4# Ин. 15:11Бистиң өөрүшкүвүс#1:4 Өске бурунгу сөзүглелдерде «Силерниң өөрүшкүңер» деп бижээн. эгээртинмес долу болзун дээш, силерге бо бүгүнү бижээнивис бо.
Бурган – Чырык-тыр
5 # Ин. 1:4; 8:12; Иак. 1:17Иисустан дыңнаанывыс база ам силерге медеглээривис Буянныг Медээ бо-дур: «Бурган дээрге Чырык-тыр, Ында кандыг-даа дүмбей караңгы чок». 6# Ин. 12:35; 2 Кор. 6:16«Ооң-биле сырый харылзаалыг болдувус» деп тургаш-ла, боттарывыс караңгыда азып чоруур болзувусса, мегелеп турарывыс ол-дур база алыс шынның аайы-биле кылбайн турарывыс ол-дур. 7# Иса. 2:5; 60:1 || Эф. 1:7; Евр. 9:14Ынчаарга Ооң чырыкта боору дег, бис база чырыкка амыдыраар болзувусса, аравыста сырый харылзаалыг апаар бис, Ооң Оглу Иисустуң төккен ханы бисти кандыг-даа бачыттан арыглаар. 8# 3 Хаан. 8:46; 2 Чыл. 6:36; У. ч. 20:9; Эккл. 7:20; Иак. 3:2; Рим. 3:23«Бачыт чок бис» дээр болзувусса, боттарывысты мегелеп турарывыс ол-дур база бисте алыс шынның чогу ол-дур. 9# Ыд. ыр. 31:5; 50:4; У. ч. 28:13А бачыттарывысты ажыы-биле миннир болзувусса, Бурган Боду сөзүнге шынчы база чөптүг болгаш, бачыттарывысты өршээп, кандыг-даа чөптүг эвес херектерден бисти арыглаар. 10# 1 Ин. 5:10 || Ин. 5:38; 8:37А «Бачыт үүлгетпедивис» дээр болзувусса, Бурганны «Мегечи сен» деп турарывыс ол, ындыг болганда, Ооң сөзү бисте чок-тур.
Zur Zeit ausgewählt:
1 Иоанн 1: Ы.Б.2025
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© Институт перевода Библии, 2025