कुलुस्सियो 3
3
1जद थै मसीह रै साथै जिवता हो गिया हो तो, सरग री चीजों नै सौधता रैवौ। जठै मसीह परमेसर रै जिमणा पाड़ै विराजमान है। 2धरती री नीं पण सरग री चीजों माथै ध्यांन लगावो। 3क्यूंकै थौरो जूनो सभाव तो मरग्यौ है अर अबै थौरी जिन्दगी मसीह रै साथै परमेसर में लुकयोड़ी है। 4जद मसीह जिकौ थौरी जिन्दगी है, परगट होवैला तो उणौरै साथै सौभा में थै भी परगट हो जावोला।
जूनी अर नवी जिन्दगी
5इण वास्तै आपरी काया ऊं उण बातां नै मार दो जिकौ धरती री है। यानि व्यभिचार, भूंडा कांम, दुस्ट सौच, दुस्ट इछा अर लोभ, जिकौ मूरती पूजा रै बराबर है। 6इण बातां रै कारण परमेसर रौ कोप हुकम नीं मानणा वाळै माथै पड़ै। 7एक वगत हो, जद थै इण दुस्ट बातां नै मानता हा अर इण माथै चालता हा। 8पर अबै थै भी इणरै सगळौ रै साथै रीसे बळनो, बैर राखणौ, निंदा करणी, घिरणा करणी अर मूंडा ऊं गाळियां बकणो छोड़ दो। 9#इफि 4:22एक दूजा ऊं झूठ मत बोलो, क्यूंकै थै आपरौ जूनो सभाव नै दुस्ट बातां रै साथै उतारनै फेंक दियौ हो 10#इफि 4:24अर नवा सभाव नै पैहर लियौ है, जिकौ अपांनै बणाण वाळा रौ रूप है। जिणरै ग्यांन में अपां नित नवा होता रैवौ हो। 11अबै मसीह में नीं तो यूनानी है, नीं यहूदी है, नीं खतनो करायोड़ा है, नीं बिना खतना वाळा है, नीं जंगळी है, नीं बिना बुद्धि है, नीं कोई गुलाम है अर नीं ही कोई आजाद है। ऐ सगळा मसीह में है अर मसीह सगळौ में है।
नवी जिन्दगी एक दूजा वास्तै
12 #
इफि 4:2
थै परमेसर रा चुणयोड़ा पवितर अर लाडला लोग हो। इण वास्तै थै दया, भलाई, नरमाई, धीरज अर सहनसीलता नै धारण कर लो। 13#इफि 4:32एक दूजा री गळती नै चैन करौ अर कोई बात होवै तो एक दूजा नै माफ करौ। जिण तरैह ऊं परभु थांनै माफ करिया। थै लोग भी यूं हीज करौ। 14इण सगळौ ऊं बढ़न थै परैम रा पटा ऊं आपरी कमर बान्ध लौ, परैम सगळौ नै एक राखै है। 15मसीह री सानति थांरा हिरदा में राज करै। जिणरै वास्तै थै लोग मसीह री एक काया बणन बुलायोड़ा हो। इणरै वास्तै थै परमेसर रौ धन्यवाद देता रैवौ। 16#इफि 5:19,20मसीह रा वचन नै थै थांरा हिरदा में गेरा बेवण दो अर उणरै ग्यांन नै समझनै एक दूजा नै सीखाओ अर सावचेत करौ। परमेसर वास्तै आप आपरा हिरदा ऊं उणरा भजन, आतमा ऊं गीत अर सौभा धन्यवाद रै साथै गावो। 17कीं भी बोलो या करौ, वो सगळौ परभु यीसु मसीह रै नाम ऊं करौ अर उणरै जरियै पिता परमेसर रौ धन्यवाद करौ।
नवी जिन्दगी रा नेम
18 #
इफि 5:22; 1 पत 3:1 हे लुगाईयां, जैड़ौ परभु नै चौखौ लागै, उणीज तरैह ऊं थै थौरे बींद रै कैणै में रैवौ।
19 #
इफि 5:25; 1 पत 3:7 हे पतियो, थै आपो आपरी लुगाईयां ऊं हेत राखौ अर उणौ माथै कड़ाई मत करौ।
20 #
इफि 6:1
हे टाबरौ, थै सगळी तरैह ऊं आपरा मां बाप रा हुकम मांनो, क्यूंकै इण ऊं परभु राजी होवै।
21 #
इफि 6:4
हे टाबरौ रा मां बापो, थै थौरे टाबरौ नै तंग मत करौ। ऐड़ौ नीं हो जावै की उणौरी हीमत टूट जावै।
सेवक अर मालिक वास्तै नेम
22 #
इफि 6:5–8
हे सेवकों, थै सरीर ऊं इण दुनिया में जिकौ थांरा मालिक है, उणरौ हुकम, जद वे थांनै देखे उण वगत मिनखां नै दिखाणै रै वास्तै नीं, पर मन ऊं परभु रै डर ऊं हाचाई रै साथै मांनो। 23जिकौ की थै करौ वो तन मन ऊं करौ अर ओ समझ नै करौ के थै ओ मिनखां रै वास्तै नीं पर परभु रै वास्तै करौ। 24याद राखौ थांनै परभु इनाम में बापोती देवेला, क्यूंकै थै परभु मसीह री सेवा करौ हो। 25#इफि 6:9जिकौ गळत करै उणनै उणरौ फळ मिळैला, उठै कोई पकसपात नीं होवै।
Zur Zeit ausgewählt:
कुलुस्सियो 3: RWR
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© NLCI CC BY-NC-ND 4.0