1 तीमुथियुस 1
1
अभिवादन
1आ चिठ्ठी पौलुस री तरफ ऊं जिकौ म्हौरै उद्धारकर्ता परमेसर अर म्हौरी आसा रै आधार यीसु मसीह री आग्या ऊं यीसु मसीह रा प्रेरित है, 2#प्रेरि 16:1तीमुथियुस रै नाम जिकौ विसवास में म्हारौ साचौ बेटौ है।
पिता परमेसर, अर म्हौरै परभु यीसु मसीह री तरफ ऊं थांनै अनुग्रह, अर दया अर सानति मिळती रैवै।
झूठी सिकसा रै विरुद्ध चेताणी
3ज्यौ म्हैं मकिदुनिया में जातै वेळा थनै समझायौ हो, की इफिसुस मांय रैयनै कईक लोगां नै आग्या दे की झूठी सिकसा नीं दैवै। 4उणौनै चेताणी दो की उण कहाणियो अर अनत वंसावलियों ऊपर मन नीं लगावै, जिण ऊं झगड़ौ होवै है। ऐ बातां परमेसर रै इछा रै अनुसार कोनीं, विसवास माथै आधारित है।
5म्हारै आग्या रौ मकसद ओ है की सुद्ध मन अर चौखौ अंतो, अर पको विसवास ऊं परैम पैदा होवै है। 6इणौनै छोड़नै कीं लोग फालतू बातां री तरफ भटक गिया है, 7अर व्यवस्था नै सिखाण वाळा हौणा चावै है, पण जिकौ बातां कैवै है अर जिणनै हीमत ऊं बोले है, उणनै समझै कोनीं।
8म्हौ जांणौ हो की जे कोई परमेसर रै कायदे नै सही रीत ऊं कांम में लावै तो भली बात है। 9ओ जांणनै की कायदो धरमी जन रै वास्तै कोनीं पण अधरमियों, कायदो नै नीं मांनणैवाळौ, भक्तिहीनों, पापियो, अपवितर अर असुद्ध मिनखौ, मां-बाप नै घात करनै वाळौ, हत्यारो, 10व्यभिचारियो, मिनख मिनख रै साथै गळत कांम करण वाळौ, मिनख नै बेचनैवाळौ, झूठ बोलनेवाळौ, अर झूठी सौगन खावणवाळौ, अर इणरै उपरात खरै उपदेस रै सगळै विरोधियो रै खातर ठैराई गी है। 11ओहीज परमधन्य परमेसर री महिमा रै उण सुभ संदेस रै अनुसार है जिकौ म्हनै सूंपयौ गियौ है।
अनुग्रह रै वास्तै धन्यवाद
12म्हैं अपणै परभु यीसु मसीह रौ जिणै म्हनै सामरथ दीनी है, धन्यवाद करूं हूं की उणै म्हनै विसवास लायक समझनै आपरी सेवा रै खातर ठैरायौ। 13#प्रेरि 8:3; 9:4,5म्हैं तो पैला निंदा करनै वाळौ, अर सतानै वाळौ, अर अंधेर करनै वाळौ हो। तौभी म्हारै ऊपर दया होई, क्यूंकै म्हैं अविसवास री दसा में बिना समझै बूझे ऐ कांम किया हा। 14अर म्हौरै परभु रौ बोहत घणौ अनुग्रह उण विसवास अर परैम रै साथै जिकौ यीसु मसीह में है, म्हारै माथै होयौ।
15आ बात साची अर हरैक तरैह ऊं मानणै रै लायक है की यीसु मसीह पापियो रौ उद्धार करणै रै खातर जगत में आयौ, जिणमे सगळौ ऊं मोटो पापी म्हैं हूं। 16पण म्हारै ऊपर इण खातर दया होई की म्हैं सगळौ ऊं मोटो पापी में यीसु मसीह पूरी धीरज दिखाई, की जिकौ लोग उण माथै अनत जीवन रै खातर विसवास करैला उणरै वास्तै म्हैं एक नमूनो बणूं। 17अब सनातन राजा मतलब अविनासी, बिना देख्यां, एकाएक परमेसर रौ आदर अर महिमा होती रैवै। आमीन।
18हे बेटा तीमुथियुस, उण भविसवांणियो रै मुजब जिकौ पैला थारै बारै में की गी ही, म्हैं आ आग्या सूंप रियौ हूं की थूं उणरै मुजब चौखी लड़ाई लड़तो रै, 19अर विसवास अर उण चौखै अंते नै थामे राख। क्यूंकै कईक लोग अपणै विसवास ऊं भटक गिया। 20उण मे ऊं हुमिनयुस अर सिकन्दर है, जिणनै म्हैं सैतान नै सूंप दिया हा की वे परमेसर री निंदा करणी नीं सीखें।
Zur Zeit ausgewählt:
1 तीमुथियुस 1: RWR
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© NLCI CC BY-NC-ND 4.0