1 थिस्सलुनीकियो 1
1
अभिवादन
1 #
प्रेरि 17:1
आ चिठ्ठी पौलुस अर सिलवानुस अर तीमुथियुस री तरफ ऊं थिस्सलुनीकियों री कलीसिया रै नाम, जिकौ पिता परमेसर अर परभु यीसु मसीह मे विसवास करै है। अनुग्रह अर सानति थांनै मिळती रैवै।
थिस्सलुनीकियों रौ विसवास
2म्हौ म्हौरी पराथना में थांनै याद करौ अर हमेसां थांरै सगळौ रै बारै में परमेसर रौ धन्यवाद करौ हो। 3अर म्हौ अपणै परमेसर अर पिता रै सांम्ही थांरै विसवास रा कांम, अर परैम री मेनत, अर म्हौरै परभु यीसु मसीह में आसा री धीरजता नै लगातार याद करौ हो।
4हे भाइयो, परमेसर रै प्यारै लोगां, म्हौ जांणौ हो की थै चुणयोड़ा हो। 5क्यूंकै म्हौरौ सुभ संदेस थांरै खनै नीं कैवल सबद मात्र ही में बल्कि सामरथ अर पवितर आतमा में, अर घणै पको रै साथै पूगो है। जैड़ौ थै जांणौ हो की म्हौ थांरै खातर थांरै बीच में कीकर बण गिया हा। 6#प्रेरि 17:5–9थै मोटे कलेस मे होता होया भी पवितर आतमा रै आंणंद रै साथै, वचन नै मांन नै म्हौरी अर परभु री चाल चालन लागा।
7एठै तांई की मकिदुनिया अर अखया देस रै सगळै विसवासियो रै वास्तै थै नमूना बण्या। 8क्यूंकै थौरे एठै ऊं नीं कैवल मकिदुनिया अर अखया में परभु रा वचन सुणाया गिया, पण थौरे विसवास री जिकौ परमेसर माथै है, हरैक जगा ऐड़ी चरचा फैलगी है। इण वास्तै म्हौ नै कैवणै री जरुत ही कोनीं। 9क्यूंकै वे आप ई म्हौरै बारै में बतावै है की थौरे खनै म्हौ रौ आवणौ कीकर होयौ, अर थै कीकर मूरतों ऊं परमेसर री तरफ फिरया ताकी जीवते अर साचा परमेसर री सेवा करौ। 10अर वे लोग ओ भी कैवै है की, थै उणरै बेटे रै सरग ऊं आवण री बाट जोवता रौ परमेसर उणै मरयोड़ौ मांय ऊं जीवता करया, अरथावूं यीसु री, जिकौ म्हौ नै परमेसर रै आवण वाळै कोप ऊं बचावै है।
Zur Zeit ausgewählt:
1 थिस्सलुनीकियो 1: RWR
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© NLCI CC BY-NC-ND 4.0