Na Sailm 76

Salm 76.

Notus Iudaea.

1Is aiṫnid Dia in Iúda: is mór a Ainm in Iosrael.

2Is i Salem atá a ṗailliún: agus is i Síón atá a ċónaí.

3Ba ansin a ḃris sé saiġeada an ḃoġa: an sciaṫ agus an claíoṁ agus an caṫ.

4Is glórṁar cuṁaċtaċ ṫú: nuair a ṫagann tú ó ṡléiḃte na gcreaċadóirí.

5Rinneaḋ creaċ ar luċt an uaḃair, agus ṫit a gcodlaḋ orṫu: agus na fir uile is láidir láṁ, ní ḟuaireadar aon ní.

6Led aċasán, a Ḋia Iácóib: ṫit an carbad agus an t‑eaċ ar aon.

7Is tú féin is ineaglaiṫe: agus cé a ṡeasfaḋ id aṁarc nuair a ḃíos fearg ort?

8Dʼḟoilsiġ tú do ḃreiṫiúnas ó neaṁ: ċriṫ an talaṁ agus dʼḟan sé socair,

9Nuair a dʼéiriġ Dia do ṫaḃairt breiṫiúnais: agus do ċuidiú le daoine ceansa ui le an talaiṁ.

10Déanfaiḋ dásaċt an duine tú a ṁolaḋ: agus cuirfiḋ tú srian lena ndásaċt.

11Geallaigí do ḃur dTiarna Dia, agus coṁlíonaigí ḃur ngealltanas, a ḋream a ḃíos ina ṫimpeall: tugaigí taḃartais ċuig an té is ineaglaiṫe.

12Cuirfiḋ sé srian le sprid na ḃflaṫ: agus is iontaċ é i measc ríṫe an talaiṁ.

Zur Zeit ausgewählt:

Na Sailm 76: OC1965G

Markierung

Kopieren

Vergleichen

Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.

Beliebte Verse in
Na Sailm 76