التكوين 33
33
يعقوب يلاقي عيسو
1وطلع یعقوب بعید، و شاف عیسو قابل و إیاه أربع میة رجال، و قام قسم أولاده على لیئة و راحیل و خداماتهم الثنتین. 2قام حطّ خداماتهم و أولادهم في الوجه، بعدین لیئة و أولادها و بعدین راحیل و یوسف. 3و بعدین قام تقدمهم كلهم و بدل ما يمشي له قام يسجد على الأرض وسجد سبع مرّات لحد ما صار قریب من أخوه. 4و قام عیسو یسرع عشان یشوف أخوه و قام حضنه بقوّة و باسه وقاموا إثنینهم یصیحوا. 5قام عیسو یتلفت حوالیه و شاف النسوان و الأولاد و قال: منهم دولا الا ويّاك؟ رد عليه يعقوب: هدولا الأولاد الا ﷲ أنعم بهم على عبدك 6بعدین قاموا قربوا منه الخدامتین و أولادهم و سجدوا قدام عیسو احتراما لمقامته. 7و بعدین قربت منه لیئة و أولادها و سجدوا قدامه بعد، وفي الاخير راحیل و یوسف قربوا منه و سجدوا قدامه، 8و سأل عیسو: وش قصدك بكل هالمواشي الا التقیت بهم في الطّریق؟ رد عليه يعقوب: هدي عشان ترضى عني مولاي. 9فقال عيسو: أنا عندي خیر واجد أخوك. خلّي خیرك لك. 10قال يعقوب: أخوك إدا راضي عني، عاد إقبل هديتي لأن شوفة وجهك وأنت راضي عني زي شوفه وجه ﷲ. 11عاد إقبل هالبركة الا جايبنها لك، لأن ﷲ غامرني ببركاته وعندي كل شي احتاجه و زیادة. و لح علیه لحد ما وافق. 12و قال عيسو: یلا مشینا، أنا بتقدم وانتون الحقوني. 13لكن يعقوب قال: مولاي، أنت شایف ان الأولاد صغار و ما فیهم شدة سفر، و اغنامي و بقري یرضعوا، إدا تعبتهم حتى لو یوم واحد، بخسرهم و بموتوا. 14فتفضل أنت تقدمنا وانا باخد راحتي في الطّریق، عشان المواشي و عشان أولادي بعد، لحد ما احنا نوصل عند مولاي في سعیر. 15قال عيسو: زین اجل خلّي ويّاك شویة من الخَدَم الا جو ويّايي. رد يعقوب: ما یحتاج، الاویه تكلف على نفسك؟ أنا كل الا ابغاه إنّك ترضى عني مولاي. 16و مشى عیسو و توجه داك الیوّم عشان یرجع إلى سعیر. 17و یعقوب رحل إلى منطقة سكوت، و بنى لیهم بیت وسوّى لمواشیه مظلات. عشان چدي صار إسم المنطقة سكوت و معناه مظلات. 18و بعدین وصل یعقوب بالسّلامة من فدّان آرام لمدینة شكیم و حالیا معروفه بمدینة نابلس، الا في أرضّ كنعان، و خیم قدام المدینة. 19و بعدین شرى الأرض الا نصب علیها خيامه من عند أولاد حمور، بمیة قطعة فضّة. و شكیم یصیر واحد من أولاد حمور. 20و هناك بنى مدبح و سَمّاهُ إیِلَ ألوهیم إسِْرَائیِلَ وَ مَعْناَهُ ﷲ إلِهَُ إسِْرَائیِلَ.
Zur Zeit ausgewählt:
التكوين 33: QNAV
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Qatifi New Arabic Version © 2024 Strategic Resource Group
