التكوين 13
13
أبرام و لوط أفترقوا
1بعد ما طلع أبرام من مصر، و أخد اغراضه توجهوا هو و زوجته و لوط إلى منطقة النقب، و مشوا في طریقهم. 2و كان أبرام غني مرة، عنده فلوس واجد و مواشي و دهب و فضّة. 3و بعد ظلّ يتنقل من منطقة إلى منطقة وهو طالع من النقب لحد ما وصل بیت إیِلَ، (نفس المكان الا راحه قبل و حطّ خیمته بین بیت إیِلَ وعاي 4وسوّى فیه مدبح) و یوم راح عند المدبح دعى أبرام هناك باسم إلهه. 5لوط كان غني بعد و عنده غنم وبقر و خیام. 6بس الأرض ضاقت علیهم و ما صارت تكفیهم ثنینهم، و حیواناتهم صاروا واجد و ما في مكان ليهم یقعدوا كلهم ويّا بعض في مكان واحد، 7وصارت شبقات بین الا یرعوا غنم أبرام و الا یرعوا غنم لوط. و زیادة على چدي، كانوا عایشین هناك بعد الكنعانیين والفرزیین. 8و قام أبرام قال للوط: أنا ما ابغى یصیر زعل بیني و بينك یا النسیب، ولا بین رعاة غنمي و غنمك، بعد ما یصير چدي. احنا ننعد أخوه! 9هدیها الأرض كلها قدامك! روح عني و شوف لك مكان، اذا رحت شمال باروح یمین و إدا رحت یمین باروح شمال، یالا إختار! 10قام طلع لوط حواليه و شاف الاودیّة المحوّطة بنهر الأردن و ممتدة لحد منطقة صوغر. و لوط شاف الاودیّة مرتویة، و شكلها زي جنة ﷲ الحَيّ، وزي أرضّ مصر هدا قبل ما دمر ﷲ منطقة سدوم و عمورة 11و بعد ما شاف هالمنطقة مره حلیوه، قام إختار لروحه كل أرضّ أودية الأردن، و قام نقل جهة الشرق و چدي كل واحد منهم أستقل بروحه. 12أبرام سكن في بلد كنعان، و لوط سكن في مدن الوادي و نصب خيامه عند منطقة سدوم. 13و أهل هالمنطقة كانوا أهل شر و مدنبین. 14و قال ﷲ لأبرام بعد ما استقل عن لوط: «إرفَع عیونك وشوف حوالیك في المكان الا أنت فیه، وطلع جهة الشمال والشرق والجنوب والغرب. 15الأرض بكبرها الا تشوفها بيعطيك إياها لك و للبدرة الا بتجي منك و بتبقى في هالأرض للأبد. 16و بخلّي هالبدرة تصیر عدد رمل الأرض، إدا قدر أحد یعد رمل الأرض بیقدر یعد هالدریة الا بتجي منك. 17تیلا قوم و إتمشى في هالأرض بطولها و عرضها لأنها كلها لك.» 18و قام أبرام نقل خیامه و نصبها عند أشجار البلوط حق ممرا في حبرون، و بنى للإله لحَيّ مدبح هناك.
Zur Zeit ausgewählt:
التكوين 13: QNAV
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Qatifi New Arabic Version © 2024 Strategic Resource Group
